Asomafoɛ 1:5 - AHYERƐLƐ KRONGRON

⁵ Yohane de, ɔfale nzue yeɛ ɔbɔle asu ɔ; na ɛmɔ de, ɔngɔhyɛ biala Nyameɛ kɔfa Sunzum Krongron ne yeɛ ɔkɔbɔ ɛmɔ asu ɔ.”

Asomafoɛ 1:5 Iomraidhean Croise

Yoel 3:18

“Na sɔ kyẽa ne, mmokaa nemɔ kɔpepe nzaa monɛ, nyɔfonesue kɔtengyɛ wɔ pambaa nemɔ aso, nzue kɔtengyɛ wɔ Yuda asue amukoraa nu, na asue ti kofite wɔ AWURADE awuro ne anu kɔɔloaloa Sitim bɔnza ne anu.

Mateo 3:11

Me de, mebɔ ɛmɔ asu wɔ nzue nu maa okyire kyɛ ɛmɔasakyera ɛmɔ adwene, nakoso bɔ oli me si ɔ́ba ne de, odi mu tra me; na memvata kyɛ ye mbaboa po ngotira ɔ. Ye de, ɔkɔfa Sunzum Krongron ne see yeɛ ɔkɔbɔ ɛmɔ asu ɔ.

Mateo 3:6

na bɛhane bɛ bɔne maa ɔbɔle bɛ asu wɔ asue Yɔɔdan nu.

Marko 1:8

Me de, nzue yeɛ mefa mebɔ ɛmɔ asu ɔ, nakoso ye de, ɔkɔfa Sunzum Krongron yeɛ ɔkɔbɔ ɛmɔ asu ɔ.”

Luka 3:16

Na Yohane buale bɛ mukoraa kyɛ, “Me de, mefa nzue yeɛ mebɔ ɛmɔ asu ɔ; nakoso ebie ɔ́ba bɔ odi mu tra me ɔ, bɔ ye mbaboa nyamaa po memvata kyɛ mesangye ɔ. Na ye de, ɔkɔfa Sunzum Krongron ne see yeɛ ɔkɔbɔ ɛmɔ asu ɔ.

Yohane 1:26

Yeɛ Yohane buale bɛ kyɛ, “Me de, mefa nzue yeɛ mebɔ asu ɔ; nakoso ebie bɔ ɛmɔnze ye ɔ ogyi ɛmɔ afia wa.

Yohane 1:31

Me bɔbɔ de, ahaa menze ye; nakoso mmale kyɛ mebaafa nzue mebɔ asu, kyɛbɔ ɔkɔyɛ bɔ bɛkɔye ye bekohyire Yisrael ɔ.”

Yohane 1:33

Me bɔbɔ de, né menze ye, nakoso bɔ ɔsomane me kyɛ mmamva nzue mmɔ asu ne yeɛ ɔhã hyirele me kyɛ, ‘Bɔ ekonwu kyɛ Sunzum ne ódwu batena ye so nen, ye ole bɔ ɔbɔ asu Sunzum Krongron nu ne.’

Asomafoɛ 10:45

Na agyidifoɛ bɔ befi bienzuapɛlɛfoɛ nu bɔ bɛne Petro wale ne, ɔyɛle bɛ nwanwa kyɛ bahwie Sunzum Krongron akyɛdeɛ ne bagua Amaenmaensofoɛ mɔ koso so ɔ,

Asomafoɛ 19:4

Na Pɔɔlo sele kyɛ, “Nahorɛ nu, Yohane bɔle adwenesakyeralɛ asu, na ɔhã hyirele maen ne kyɛ béle bɔ oli ye si ɔ́ba, bɔ ye ole Yesu ne béli.”

1 Korintofoɛ 12:13

Ofikyɛ yɛ mukoraa: Yudafoɛ oo, Helafoɛ oo, ngoaa oo, nnehyeɛ oo, Sunzum komapɛ ne ala yeɛ bɛfa bɛbɔle yɛ asu maa yɛɛyɛle nipadua ko ɔ, na Sunzum komapɛ ne ala yeɛ wahwie wagua yɛ mukoraa yɛ so ɔ.

Tito 3:5

bɔ nna kyɛ tenenee nnwumaa bie bɔ yayɔ ti ɔ; na mmom ye bɔbɔ ye anwumvoinnwunɛ ti ɔ, na ɔfale aworɛ foforɛ ebialɛ nu ne foforɛyɛlɛ wɔ Sunzum Krongron so olele yɛ ngoa.