Asomafoɛ 1:4 - AHYERƐLƐ KRONGRON

⁴ Ɛlɛho bie, ɔne bɛ yiale, na ɔhyɛle bɛ kyɛ, “Nnɛma ɛmɔfi Yerusalem bɛkɔ, na mmom ɛmɔnwondɛ me Baba anohoba bɔ ngane ye nwo dwirɛ ngyirele ɛmɔ ne.

Asomafoɛ 1:4 Iomraidhean Croise

Numeri 9:22

Na sɛ munungum ne toa so mundu nyianu sua ne aso elenyɔ, anaa bosome, anaa mmerɛ tendenn biala a, Yisraelfoɛ kɔ so tena asikyeleɛ berɛ bɔ bendu bɛ bo ɔ. Nakoso sɛ munungum ne ma ye nwo so a, né batu bɛ bo.

Mateo 10:20

Ɔnate kyɛ, nna ɛmɔ yeɛ ɛmɔdwudwo ɔ, na mmom ɛmɔ Baba Sunzum ne yeɛ ɔfa ɛmɔ so dwudwo ɔ.

Luka 11:13

Na sɛ ɛmɔ po bɔ ɛmɔte bɔnefoɛ ɔ ɛmɔse kyɛbɔ ɛmɔma ɛmɔ mma mɔ nningyein paa a, ɔkɔyɛ sɛɛ bɔ ɛmɔ Baba bɔ ɔwɔ nyameɛso ne ɔngɔfa Sunzum Krongron ngɔma bɛ bɔ bebisa ye ɔ?”

Luka 12:12

ɔnate kyɛ Sunzum Krongron ne kohyirehyire ɛmɔ sɔ mmerɛ ne ala nu bɔ odi kyɛ ɛmɔkã ɔ.”

Luka 24:49

Na ɛ́mɔtie, ngɔsoma me Baba bɔhyɛ ne maa ɔkɔwa ɛmɔ so; nakoso ɔsɛ kyɛ ɛmɔnwondɛ wɔ Yerusalem kuro ye anu, kodwu mmerɛ bɔ bɛkɔma ɛmɔ anwoserɛ bekofi anwuro ɔ.”

Yohane 14:16

Na me de, ngobisa Baba ne, na ɔkɔma ɛmɔ Aworakyekyerɛniɛ foforɛ, ná ɔne ɛmɔ baatena daa,

Yohane 15:26

“Na Aworakyekyerɛniɛ ne, nahorɛ Sunzum bɔ ofi Baba ne berɛ, bɔ ngɔsoma ye ngɔbrɛ ɛmɔ ngofi Baba ne berɛ ne, sɛ ɔba a, ye yeɛ okoli me nwo adanzeɛ ɔ;

Yohane 20:22

Na ɔhane sɔ nen, olele nwomeɛ guale bɛ so, na osele bɛ kyɛ, “Ɛmɔle Sunzum Krongron ne!

Yohane 7:39

Na ɛhe de, ɔhã fale Sunzum ne nwo, bɔ mmenia bɔ bede ye bedi ne bɛbaanya ye ɔ; né Sunzum ne onnya ɔwwale, ofikyɛ né bennya bɛhhyɛle Yesu animnyam.

Asomafoɛ 10:41

Wanye ye nwo ali wangyire mmenia mukoraa, sana yɛ bɔ yɛte adanzefoɛ bɔ Nyameɛ aye yɛ dada nen; bɔ ye wutingyelɛ asi ne, yɛne ye didili na yɛnone ne.

Asomafoɛ 2:33

Yiti Nyameɛ mane ye so hɔle ye sa famaa so; na onyane Sunzum Krongron bɔhyɛ ne fili Baba ne berɛ, na ɛhe yeɛ wahwie wagua yɛ so bɔ ɛmɔnwu ye ná ɛmɔte ye.