Asomafoɛ 1:18 - AHYERƐLƐ KRONGRON

¹⁸ (Sɔ Yudase ne, ɔfale sikaa bɔ onya fili ye amumuyɛɛ ne anu tɔle aseɛ, na ye kɔme ɔɔwɔle berɛ nen, ye ko pakyele, na ye nyaa mukoraa tu guale.

Asomafoɛ 1:18 Iomraidhean Croise

Edwein 55:15

Ma ewue ɔte pe bɛ so; maa bɛhɔ ɛborɔ anyekaenn so, ofikyɛ bɔne wɔ b’awuro ne b’afia.

Edwein 55:23

Nakoso wɔ, ao Nyameɛ, ekofindi bɛ kogua ewue kumaa ne abo dɔ; kodiawufoɛ ne ngondombofoɛ de, bengoli b’aseɛ ye aso ngoa ye bue po. Nakoso me de, mefa me wora mewura wɔ nu.

Sakaria 11:13

Yeɛ AWURADE sele me kyɛ, “Gyi gua ngukuenwonɛniɛ ne berɛ.” Nyɔboɛ bɔ odi mu bɔ bɛbɔle kyɛ bɛfa bɛtɔ me hɔ ɛne. Yiti mvale ɛdwetɛ aburasa ne, na ngyi nguale ngukuenwonɛniɛ ne berɛ wɔ AWURADE awuro berɛ.

Numeri 22:17

ofikyɛ ngɔma wɔ akatuaa bɔ ɔfata paa ɔ, na bɔ ekose me ne biala ngɔyɔ. Mesrɛ wɔ, bra baanoma mmenia ye ma me.’ ”

Numeri 22:7

Yiti Moabo mbanyi ne Midian mbanyi fale abisa aboadeɛ ne, na besili nu bɛhɔle Balaam berɛ bɛɛfale Balake dwirɛ ne bɛɛbɔle ye amaneɛ.

Mateo 25:15

Na ɔmane ko talɛnde nnu, ɔmane ko wora talɛnde nyɔ, yeɛ ko wora ɔmane ye talɛnde ko; kyɛbɔ bɛ nu biala ye mmɔdenbɔlɛ osi te ɔ, na afei otuli atee ne.