Asomafoɛ 1:15 - AHYERƐLƐ KRONGRON

¹⁵ Ngyẽa kãa bie asi ne, agyidifoɛ ne yiale, na né bɛte kɔyɛ ɛyaa ko ne aburanyɔ. Petro dwɔso gyinane b’afia na ɔhane kyɛ,

Asomafoɛ 1:15 Iomraidhean Croise

Mateo 13:31

Yesu buli bɛ anyandera bieku kyɛ, “Nyameɛso ahennie ne, ɔte kyɛ sinapi baa ko bɔ biaa bie fa ooluale ye wɔ ye fieso ɔ.

Luka 22:32

Nakoso mabɔ mbaeɛ mama wɔ, kyɛbɔ wɔ gyidie ngɔtɔ ase ɔ, amaa sɛ esa gyina wɔ gya so a, ahyɛ eliɛma mɔ nguraen.”

Yohane 14:12

Nahorɛ nu paa, mekã mekyire ɛmɔ kyɛ: Ebiala bɔ ode me di nen, ye koso ɔkɔyɔ nnwumaa bɔ meyɔ ne bie, na ɔkɔyɔ bɔ ɔte mbiri mbiri tra ɛhemɔ ɔ; ofikyɛ me de, mékɔ me Baba ne berɛ.

Yohane 21:23

Na edwirɛ he trɛle aliɛmaa nemɔ anu kyɛ sɔ suaniɛ ne ongowu; nakoso Yesu anga angyire ye kyɛ ongowu, na mmom ɔhane kyɛ, “Sɛ mekuro kyɛ ɔtena berɛ kodwu kyɛ ngɔwa a, ɔfa wɔ nwo nzu?”

Asomafoɛ 10:23

Yiti Petro fale bɛ hɔle awuro, na ɔmaa besiele nningyein bɛmane ye. Na aleɛ hyene ne, Petro boaboale ye nwo ɔne bɛ hɔle; agyidifoɛ bɔ bɛwɔ Yopa ne bie koso ne ye hɔle.

Asomafoɛ 11:1

Na asomafoɛ nemɔ ne aliɛmaa mɔ bɔ bɛwɔ Yudea ne bɛtele kyɛ Amaenmaensofoɛ nemɔ koso bale Nyameɛ dwirɛ ne bali.

Asomafoɛ 11:12

Na Sunzum ne hã hyirele me kyɛ me ne bɛ yɛhɔ, na nnɛmaa meyɛ nyeyemuɛ. Sɔ aliɛmaa nzia hemɔ koso bɛbokale me so yeɛ yɛhɔle biaa n’awuro berɛ ɔ.

Asomafoɛ 11:26

Na onwuni Sɔɔlo nen, ɔfale ye wale Antiokia. Bɛ munyɔ bɛ ne Antiokia asɔremma ne bɛtenane afoɛ ko mumua, na bɛyɛle ngyerɛkyerɛ behyirele mmenia pee. Na Antiokia berɛ yeɛ belili moa bɛfrɛle agyidifoɛ nemɔ Akristofoɛ ɔ.

Asomafoɛ 11:29

Yiti asuafoɛ nemɔ yɛle kyɛ bɛ nu biala ɔkekã ye sa ase kãa kyɛbɔ ɔkɔhora ɔ, ná bɛfa bɔ bekonya ye ne bɛɛboka aliɛmaa mɔ bɔ bɛwɔ Yudea ɔ.

Asomafoɛ 12:17

Ɔfale ye sa nwahane bɛ kyɛ bemua bɛ noa, na ɔhane kyɛbɔ Awurade si yele ye fili kuku nu berɛ ne hyirele bɛ. Na osele bɛ kyɛ, “Ɛmɔhã edwirɛ he behyire Yakobo ne agyidifoɛ ngaa ne.” Na afei ofili berɛ hɔle neka foforɛ.

Asomafoɛ 14:2

Nakoso Yudafoɛ bɔ banne dwirɛ ne banni ne, bɛsɛkyele Amaenmaensofoɛ nemɔ adwene, na bɛmaa benyane aliɛmaa nemɔ nwo adwene tɛɛ.

Asomafoɛ 15:1

Mmenia biemɔ fili Yudea bɛwale Antiokia bɛɛyɛle ngyerɛkyerɛ behyirele agyidifoɛ ne kyɛ, “Sɛ ɛmɔambɛ ɛmɔ bienzua kyɛbɔ Mose amanneɛ ne te ne a, ɛmɔngɔhora ngonya daa ngoa.”

Asomafoɛ 15:3

Antiokia asɔremma ne guale bɛ ate; na bɛkɔ nen, bɛfale Fonikia ne Samaria bɛhane kyɛbɔ Amaenmaensofoɛ asi afa bɛ nwo ama Nyameɛ, na edwirɛ he mane agyidifoɛ ne amukoraa bɛ nye gyele paa.

Asomafoɛ 16:2

Né agyidifoɛ amukoraa bɔ bɛwɔ Lisetra ne Yikoniom ɔ bedi Timoteo nwo adanzeɛ.

Asomafoɛ 16:40

Yiti befili kuku nu berɛ bɛhɔle Lidia awuro. Benwuni agyidifoɛ nemɔ berɛ; bɛhyɛle bɛ nguraen, na befili berɛ bɛhɔle.

Asomafoɛ 17:10

Na aleɛ sane pɛ, aliɛmaa nemɔ mane Pɔɔlo ne Silase bɛhɔle Bɛrea. Beedwuli ne, bɛhɔle Yudafoɛ nyianu sua nu.

Asomafoɛ 17:14

Na berɛ ne ala agyidifoɛ ne guale Pɔɔlo ate maa ɔhɔle mboanoa, nakoso Silase ne Timoteo de, bɛhale Bɛrea.

Asomafoɛ 17:6

Na bannwu bɛ nen, bɛhwene Yason ne agyidifoɛ ne biemɔ bɛɛmane kuro ne anu mbanyi mɔ, na bɛteateane nu kyɛ, “Mmenia hemɔ bɔ bama ewiase amukoraa ayɛ basabasa ne, bawa wa koso,

Asomafoɛ 18:18

Na Pɔɔlo tenane berɛ hyɛle kãa, na nziɛ ye ɔne aliɛmaa nemɔ belili ngraa, na ofili berɛ fale ɛlɛen hɔle Siria. Prisila ne Akwila koso bokale ye so bɛne ye hɔle. Pɔɔlo bɔle tikwa, wɔ Kɛnkrea, ɔnate kyɛ né wabɔ anohoba.

Asomafoɛ 18:27

Na Apolo yɛle ye adwene kyɛ ɔkɔ Akaia nen, aliɛmaa nemɔ bɛhyɛle ye nguraen, na bɛhyerɛle krataa bɛɛmane asuafoɛ nemɔ kyɛ bele ye bɛto nu nyemene so. Oodwuli ne, ɔbokale bɛ bɔ bɛnate adom so bayɛ agyidifoɛ ne paa.

Asomafoɛ 21:17

Yɛdwuli Yerusalem nen, agyidifoɛ ne lele yɛ nyemene so.

Asomafoɛ 21:20

Na bɛtele sɔ ne, bɛyele Nyameɛ ayɛ; na besele ye kyɛ, “Aliɛmaa Pɔɔlo, tie yɛ e! Yudafoɛ pembepembe wɔ wa bɔ bayɛ agyidifoɛ ɔ, na bɛ mukoraa basɔ Mose mmeraa ne anu serɛserɛ.

Asomafoɛ 21:7

Yɛtoale so yɛfale nzue so fili Tiro yɛwale Tolema; yɛɛbisale berɛ agyidifoɛ ne ahye na yɛlili bɛ nwo berɛ ɛlɛho.

Asomafoɛ 22:5

na ɔsɔfo panyi paa ɔne badwafoɛ ne amu di me adanzeɛ. Nyane tumi ngrataa mvili bɛ berɛ kyɛ mekwaafa mema me mmango Yudafoɛ bɔ bɛwɔ Damasko. Yiti nzili nu kyɛ mekwaahye berɛ agyidifoɛ na mefa bɛ meba Yerusalem maa bɛtwe bɛ so.

Asomafoɛ 28:14

Yɛnwuni agyidifoɛ biemɔ berɛ, na bɛsrɛle yɛ kyɛ yɛli bɛ nwo berɛ ɛlɛsoo. Yiti yɛɛdwuli Rome.

1 Korintofoɛ 15:6

Ɛhe asi ye, ɔyele ye nwo ali hyirele agyidifoɛ bɔ bɛbo ɛyaa nnu mmerɛ komapɛ, bɔ bɛ nu pee tɛte ase, ná ebiemɔ koso balela ɔ.

Nyekyire 11:13

Na aseɛ wosole wɔ sɔ dɔnhwere ne ala nu, na kuro ne ngyɛmuɛ buru nu ko bu guale, na aseɛwosolɛ ne huni mmenia apee nzoo; na ɛserɛ hane bɛ bɔ baha ne, na bɛhyɛle nyameɛso Nyameɛ ne animnyam.

Nyekyire 3:4

Nakoso ele mmenia kãa bie wɔ Sadise bɔ bɛ de begguale b’ataadeɛ nwo fiɛ ɔ; na bɛne me kɔnate bɔ bewura ndaadeɛ fufuɛ ɔ, ofikyɛ bɛfata sɔ.