Asomafoɛ 1:14 - AHYERƐLƐ KRONGRON

¹⁴ Bɛ mukoraa bɛmane b’adwene yɛle ko betuli bɛ nwo besiele berɛ bɛbɔle mbaeɛ, bɛne mmrasua nemɔ ne Yesu maame Maria ne Yesu aliɛmaa mɔ.

Asomafoɛ 1:14 Iomraidhean Croise

Mateo 12:46

Yesu gu so bɔ odwudwo kyire ɛlɔen ne nen, yieee, ye maame ne oliɛma mɔ beegyinane bondua, na né bɛpena kyɛ bɛ ne ye dwudwo. [

Mateo 21:22

Na nikyee biala bɔ ɛmɔkobisa ye wɔ mbaeɛbɔlɛ nu, ná ɛmɔde bedi nen, ɛmɔ sa kɔhã ye.”

Mateo 27:55

Né mmrasua pee wɔ berɛ bɔ begyigyi nziɛ bɛnea, na bɛ yeɛ belili Yesu si fili Galilea bɛsole ye ɔ;

Marko 15:40

Né mmrasua biemɔ koso begyigyi nziɛ nziɛ bɛnea; na né Maria Magdalene, Maria bɔ ye mma ole Yakobo kãa ne Yose, yeɛ afei Salome boka bɛ so.

Marko 16:1

Na afofikyẽa ne pɛle nu ne, Maria Magdalene, Yakobo maame Maria ne Salome bɛtɔle ayirefona kyɛ bɛkwaafa bɛpopa ye.

Luka 11:13

Na sɛ ɛmɔ po bɔ ɛmɔte bɔnefoɛ ɔ ɛmɔse kyɛbɔ ɛmɔma ɛmɔ mma mɔ nningyein paa a, ɔkɔyɛ sɛɛ bɔ ɛmɔ Baba bɔ ɔwɔ nyameɛso ne ɔngɔfa Sunzum Krongron ngɔma bɛ bɔ bebisa ye ɔ?”

Luka 18:1

Afei Yesu buli bɛ anyandera he fa hyirele kyɛ, ɔsɛ kyɛ sona bɔ mbaeɛ daa biala, bɔ onni kyɛ ɔma ye abasa nu bu ɔ.

Luka 23:49

Na ye mmango amukoraa ne mmrasua bɔ belili ye si befili Galilea ne, begyinagyinane nziɛ nziɛ yeɛ bɛneane bɔ ɔhɔle so ne ɔ.

Luka 23:55

Na mmrasua bɔ bɛ ne Yesu fili Galilea bɛwale ne, bɛhɔ bɛɛneane asieleɛ ne, ɔne kyɛbɔ bɛfale ye fuin ne bɛtole nu ɔ.

Luka 24:10

Na Maria Magdalene, Yoana, Yakobo maame Maria, yeɛ afei mmrasua bieku mɔ boka so yeɛ bɛɛfale edwirɛ he bɛbɔle asomafoɛ nemɔ amaneɛ ɔ.

Luka 24:33

Na bedwɔsole berɛ ne ala besa bɛhɔle Yerusalem; na beenwuni asuafoɛ buru ne ko ne, bɛne bɛ bɔ bɛboka bɛ so ne kyɛ bayia neka horɛ ɔ,

Luka 24:53

Na daa biala né bɛwɔ asɔneyɛɛ sua nu berɛ bɛye Nyameɛ ayɛ.

Luka 8:20

Na ebie sele ye kyɛ, “Wɔ maame ne eliɛma mɔ begyigyi bondua dɔ, na bɛpena kyɛ benwu wɔ.”

Asomafoɛ 2:1

Pɛntekɔso kyẽa ne dwuli ne, né agyidifoɛ nemɔ amukoraa baboa bɛ noa neka horɛ.

Asomafoɛ 2:42

Na betuli bɛ nwo besiele berɛ besuane asomafoɛ nemɔ ngyerɛkyerɛ ne b’abiɛngoɛfalɛ ne paanoobubulɛ ne mbaeɛbɔlɛ.

Asomafoɛ 2:46

Na alehyeleɛ biala, beyiale asɔneyɛɛ sua nu ngabonu nu, belili adi wɔ b’awuro mɔ nu, na bɛfale anigye ne ahone bɔ nu te ɔ bedidili;

Asomafoɛ 6:4

na yɛ koso yanya mmerɛ yatu yɛ nwo yasie berɛ yama mbaeɛbɔlɛ ne nzɛmbahanɛ.”

Romanfoɛ 12:12

Ɛ́mɔnya anigye wɔ anyelasoɛ nu, ɛ́mɔnya aboterɛ wɔ amaneɛnwunɛ nu, ná ɛmɔhɔ so bɛbɔ mbaeɛ daa.

1 Korintofoɛ 14:13

Yiti sona bɔ ɔkã edwudwolɛ bɔ ebie nde ye bo ne, maa ɔbɔ mbaeɛ kyɛ ɔkɔhora kohyire ye bo ɔ.

Ɛfesofoɛ 6:18

Ɛ́mɔfa mbaeɛbɔlɛ ne ngotosrɛ amukoraa bɛ́bɔ mbaeɛ daa wɔ Sunzum nu. Yiti ɛ́mɔwɛne, ná ɛmɔhɔ so bɛsrɛ bɛma anwoteefoɛ amukoraa,

Kolosefoɛ 4:2

Ɛmɔhɔ so bɛbɔ mbaeɛ, ná ɛ́mɔfa asennaa bɛwɛne wɔ mbaeɛbɔlɛ ne anu.