Asomafoɛ 1:13 - AHYERƐLƐ KRONGRON

¹³ Bedwuli kuro ne anu ne, bɛhɔle sua bie anu wɔ aborɔsaen so; na berɛ yeɛ né Petro, Yohane, Yakobo ne Andrea, Filipo ne Tɔmase, Batolomeo ne Mateo, Alfeo awa Yakobo, Simɔn Selote, yeɛ Yakobo awa Yudase bɛte ɔ.

Asomafoɛ 1:13 Iomraidhean Croise

Mateo 9:9

Yesu fili berɛ bɔ ɔpɛ nu kɔ nen, onwuni biaa bie bɔ bɛfrɛ ye Mateo kyɛ ɔte nekaa bɔ bedide ɛtoɔ ɔ, na osele ye kyɛ, “Di me si.” Na odwɔsole lili ye si.

Marko 14:15

Na okohyire ɛmɔ asaso pirikua bɔ basiesie nu kama dada wɔ aborɔsaen so, na berɛ yeɛ ɛ́mɔsie Abɔtra aleɛ ne bɛ́ma yɛ ɔ.”

Marko 14:33

Na ɔfale Petro, Yakobo ne Yohane bokale ye nwo so, na aworabɔlɛ ne ahunundetelɛ hyɛle ye bo tɔle ye so.

Marko 2:14

Na ɔpɛ nu kɔ nen, onwuni Alfeo awa Lewi kyɛ ɔte nekaa bɔ bedide ɛtoɔ ɔ, na osele ye kyɛ, “Di me si.” Na odwɔsole lili ye si.

Marko 5:37

Wamma sona fee anni ye si, sana Petro ne Yakobo ne Yakobo aliɛma Yohane ngome.

Marko 9:2

Na ye elesia asi ne, Yesu fale Petro, Yakobo ne Yohane bokale ye nwo so, na ɔfale bɛ ngome hɔle bokaa tendenn bie aso; na ɔsesane wɔ bɛ nyunu berɛ.

Luka 22:12

Na okohyire ɛmɔ aborɔsaen so asaso pirikua bɔ basiesie nu ɔ; na berɛ yeɛ ɛ́mɔsiesie Abɔtra aleɛ ne ɔ.”

Yohane 11:16

Yeɛ Tɔmase bɔ bɛfrɛ ye Ata ne, osele ye mmango asuafoɛ nemɔ kyɛ, “Ɛmɔma yɛ koso yɛhɔ bie, ná yɛne ye yɛɛwu!”

Yohane 14:22

Yeɛ Yudase (nna Yiskariote ɔ) bisale ye kyɛ, “Awurade, nzu ati yeɛ ɛbaaye wɔ nwo ali ekyire yɛ, na ɛnye ngyire wiase ɔ?”

Yohane 18:17

Yeɛ afaneɛ bɔ ɔwɛne anoa ne bisale Petro kyɛ, “Wɔ koso, biaa he asuafoɛ nemɔ, aso nna bɛ nu ko ole wɔ?” Na obuale kyɛ, “Daabi oo.”

Yohane 21:2

Né Simɔn Petro, Tɔmase bɔ bɛfrɛ ye Ata ne, Nataneɛl bɔ ofi Kana bɔ ɔwɔ Galilea, Sebedeo mma nemɔ, yeɛ ye asuafoɛ nemɔ anu nyɔ bɛwɔ neka horɛ.

Asomafoɛ 12:17

Ɔfale ye sa nwahane bɛ kyɛ bemua bɛ noa, na ɔhane kyɛbɔ Awurade si yele ye fili kuku nu berɛ ne hyirele bɛ. Na osele bɛ kyɛ, “Ɛmɔhã edwirɛ he behyire Yakobo ne agyidifoɛ ngaa ne.” Na afei ofili berɛ hɔle neka foforɛ.

Asomafoɛ 15:13

Bɛ noa pene ne, Yakobo buale kyɛ, “Aliɛmaa mɔ, ɛmɔyɛ asoɛ betie me!

Asomafoɛ 2:14

Petro ne asuafoɛ buru ne ko nemɔ bedwɔsole, na ɔmane ye komvi so dwudwole serɛ hyirele ɛlɔen ne kyɛ, “Yudea mmienzua ne ɛmɔ bɔ ɛmɔte Yerusalem amukoraa, ɛ́mɔyɛ asoɛ betie me, ná ɛ́mɔma ngyire ɛmɔ ɛhe abo.

Asomafoɛ 2:38

Na Petro buale bɛ kyɛ, “Ɛ́mɔsakyera ɛmɔ adwene ná ɛ́mɔma bɛbɔ ɛmɔ nu biala asu wɔ Yesu Kristo dumaa nu, ma ɛ́mɔnya bɔnefakyɛ; na ɛmɔkonya Sunzum Krongron akyɛdeɛ ne.

Asomafoɛ 20:8

Né nganea pee wɔ aborɔsaen ne aso nekaa bɔ yɛyiale ne.

Asomafoɛ 4:13

Na benwuni kyɛ Petro ne Yohane b’ahone yɛ se, ná besa benwuni kyɛ bɛte kwahweabaa mɔ bɔ bɛnze nwomaa nen, ɔyɛle bɛ nwanwa; na afei benwuni kyɛ bɛne Yesu yeɛ bɛnatele ɔ.

Asomafoɛ 4:19

Na Petro ne Yohane buale bɛ kyɛ, “Sɛ ɔte paa wɔ Nyameɛ nyunu kyɛ yɛtie ɛmɔ yɛtra Nyameɛ a, nzaade ɛmɔ bɔbɔ ɛ́mbua;

1 Korintofoɛ 15:7

Ɛhe asi ye, ɔyele ye nwo ali hyirele Yakobo, na afei asomafoɛ ne amukoraa benwuni ye.

Galatiafoɛ 1:19

Nakoso mannwu asomafoɛ ne anu biala, sana Awurade aliɛma Yakobo.

Galatiafoɛ 2:9

Na Yakobo, Kefa ne Yohane bɔ agyidifoɛ ne bu bɛ kyɛ bɛte bonima ma asɔre ne nwuni adom bɔ manya ye nen, besomane me ne Banaba sa nu bɛfa behyirele kyɛ bale yɛ bato nu: kyɛ yɛɛha nzɛmba ne yɛhyire Amaenmaensofoɛ, na bɛ wora bɛɛhã ye bienzuapɛlɛfoɛ nemɔ dɔ.

Yakobo 1:1

Yakobo bɔ nde Nyameɛ ne Awurade Yesu Kristo akoaa, mefa mebrɛ abusua kure buru ne nyɔ bɔ babɔ aya bahɔ maen maen so ne. Mebisa ɛmɔ bisabisa.

2 Yohane 1:1

Krataa he fi me bɔ nde panyi berɛ. Mefa mebrɛ braa bɔ baneanea nu baye ye ne ɔne ye mma. Mekuro bɛ dwirɛ nahorɛ nu, na nna me ngome, na mmom mmenia mukoraa bɔ banwu nahorɛ ne wora bekuro bɛ dwirɛ,

Yuda 1:1

Yuda bɔ nde Yesu Kristo akoaa ne Yakobo aliɛma, mefa mebrɛ bɛ bɔ bafrɛ bɛ, bɔ bɛla Baba Nyameɛ ahone nwo, bɔ wafa bɛ wasie wɔ Yesu Kristo nu ɔ.