Asomafoɛ 1:11 - AHYERƐLƐ KRONGRON

¹¹ na besele bɛ, “Galileafoɛ, nzu ati yeɛ ɛmɔgyi wa bɛnea anwuro ye? Yesu he ala bɔ bafa ye bafi ɛmɔ nwo bahɔ nyameɛso ne, kyɛbɔ ɛmɔnwu ye kyɛ ɔ́kɔ nyameɛso ne, sɔ ala yeɛ okosa kɔwa ɔ.”

Asomafoɛ 1:11 Iomraidhean Croise

Mateo 16:27

Ɔnate kyɛ, Sona Awa ne ɔne ye abɔfo mɔ bɛkɔwa ye Baba animnyam nu, na okotua ebiala kerɛ kyɛbɔ ye yɔleɛ si te ɔ.

Mateo 16:28

Nahorɛ nu, mekã mekyire ɛmɔ kyɛ, mmenia biemɔ gyigyi wa bɔ bengonwu ewue kɔpem kyɛ bekonwu Sona Awa ne kyɛ ɔ́ba ye ahennie nu ɔ.”

Mateo 24:30

na afei Sona Awa ne, ye sɛngyerɛnneɛ kɔla ali wɔ ewienu; na aseɛ so mmusua kure amukoraa bɛkɔbɔ awuye, na bekonwu Sona Awa ne kyɛ ɔ́ba wɔ nyameɛso munungum nu wɔ tumi ne animnyam kandinga nu ɔ.

Mateo 25:31

“Sona Awa ne kɔwa ye animnyam nu bɔ ye abɔfo amukoraa bɛboka ye so ɔ, na ɔkɔtena ye animnyam ahennie bia so.

Marko 13:26

Na afei mmenia konwu Sona Awa ne kyɛ ole tumi piri ne animnyam ɔ́ba wɔ munungum nu ɔ.

Marko 14:70

Na Petro sale bieku. Na wangyɛ biala, bɛ bɔ begyigyi berɛ ne sa sele Petro kyɛ, “Amba, ɛboka bɛ so, ofikyɛ ɛte Galileaniɛ, [na wɔ dwudwolɛ po kyire sɔ.”]

Marko 16:19

Na afei, Awurade Yesu dwudwo hyirele bɛ yiele nen, Nyameɛ fale ye hɔle nyameɛso, na ɔɔtenane Nyameɛ sa famaa so.

Luka 21:27

Na afei mmenia konwu Sona Awa ne kyɛ ole tumi ne animnyam piri ɔ́ba wɔ munungum nu ɔ.

Luka 24:5

Na ɛserɛ hane bɛ maa bɛfale bɛ nyunu bebutubutuli berɛ. Na mmienzua nemɔ bisale bɛ kyɛ, “Nzu ati yeɛ ɛmɔpena teasefoɛ wɔ awufoɛ nu ɔ?

Yohane 14:3

Na sɛ mekɔ ná mekosiesie nekaa mema ɛmɔ a, ngosa ngɔwa, ná maafa ɛmɔ mahɔ me bɔbɔ me berɛ, ná nekaa bɔ nwɔ ne, ɛmɔ koso bawa berɛ bie.

Asomafoɛ 1:2

bɔ ɔkwaadwu kyẽa bɔ bɛfale ye bɛhɔle nyameɛso ɔ. Na anzana bɛbaafa ye bɛkɔ nyameɛso ne, ɔnate Sunzum Krongron so mane mmenia bɔ waneanea nu waye bɛ kyɛ ye asomafoɛ nemɔ ahyɛdeɛ.

Asomafoɛ 1:22

fi Yohane asubɔlɛ ne aso kodwu kyẽa bɔ bɛfale Yesu befili yɛ wa bɛhɔle nyameɛso ne, ɔsɛ kyɛ bɛ nu ko baboka yɛ so maa yɛyɛ ye wutingyelɛ ne anwo adanzefoɛ.”

Asomafoɛ 1:9

Na ɔhane ɛhe yiele, ná begu so bɛnea ye ne, bɛfale ye bɛhɔle nyameɛso, na munungum pɛle ye nwo yiale bɔ bannwu ye ko.

Asomafoɛ 13:31

na ɔfale ngyẽa pee yele ye nwo ali hyirele bɛ bɔ bɛne ye fili Galilea bɛwale Yerusalem ne. Na sɔ mmenia ne te ye adanzefoɛ ma Yisraelfoɛ.

Asomafoɛ 2:7

Bɛ nwo dwirili bɛ, na ɔyɛle bɛ nwanwa maa bɛhane kyɛ, “Mmenia hemɔ amukoraa bɔ bedwudwo ye, aso bɛtte Galileafoɛ anaa!

Asomafoɛ 3:12

Na Petro nwuni ye sɔ nen, osele ɛlɔen ne kyɛ, “Ɛmɔ, Yisraelfoɛ, nzu ati yeɛ ɛmɔama ɛhe ayɛ ɛmɔ nwanwa ɔ, anaakyɛ nzu ati yeɛ ɛmɔnea yɛ haa ye, kyɛ ebiaa yɛnate yɛ bɔbɔ yɛ tumi ne yɛ tenenee so yeɛ yɛmaa ɔnatele ɔ?

Asomafoɛ 3:21

bɔ ɔsɛ kyɛ nyameɛso ode ye kɔpem mmerɛ bɔ bɛkɔhyehyɛ nningyein bɔ Nyameɛ nate ye ngɔmhyɛlɛfoɛ krongron noa dwirɛ so, fi tetete hane ne amukoraa foforɛ ɔ.

1 Tɛsalonikafoɛ 1:10

ná ɛmɔnwondɛ Ɔwa ne bɔ otingyele ye fili awufoɛ nu ne kyɛ okofi nyameɛso kɔwa ɔ; Yesu bɔ ɔpepɛ de yɛ fi ahonehulɛ bɔ ɔ́ba ne anu ne.

1 Tɛsalonikafoɛ 4:16

Ofikyɛ Awurade bɔbɔ kɔfa esebɔlɛ, abɔfo panyi komvi ne Nyameɛ totorobɛndo komvi kofi nyameɛso kodwu kɔwa, na Kristo nu awufoɛ bekoli moa bekodwɔso,

Hebrifoɛ 9:28

sɔ ala yeɛ Kristo bɔ bɛfale ye bɛbɔle afɔleɛ komapɛ kyɛ ɔsoa mmeni pee bɛ bɔne ne, okosa kɔwa ye pɛen so ɔ; ɔmmangyikyi bɔne, na mmom ɔbaale bɛ bɔ bɛ́nea ye ate nemɔ ngoa.

Nyekyire 1:7

Ɛmɔnea! Ɔnate munungum nu ɔ́ba, anyeɛ biala konwu ye, yeɛ bɛ bɔ bɛwɔle ye pealɛɛ ne po bekonwu ye; na ɔnate ye ti aseɛ so mmusua kure amukoraa bɛkɔbɔ awuye. Na sɔ ala yeɛ okosi ɔ. Amen.