Anyandera 9:10 - AHYERƐLƐ KRONGRON

¹⁰ AWURADE surolɛ yeɛ ɔte nworɛnwunɛ ye bohyɛlɛ ɔ, na Krongronniɛ ne nwo nimdeɛ yeɛ ɔma nworɛ bɔ nu pi ɔ.

Anyandera 9:10 Iomraidhean Croise

1 Aberɛso Dwirɛ 28:9

“Na afei, mma Solomon, AWURADE wɔ baba ye Nyameɛ ne, odi kyɛ enwu ye yé, ná ɛfa ahone bɔ nu te, ɔne sotie ɛso ye. Ofikyɛ AWURADE neanea ahone amukoraa nu, na ɔse nzusuleɛ ne adwene biala. Sɛ ɛpena ye si ate a, ekonwu ye, nakoso sɛ ɛpo ye a, ɔkɔye ye sa kofi wɔ bo afebɔɔ.

YOB NWOMAA NE 28:28

Na osele kuro sona kyɛ, ‘Tie, nworɛ ole kyɛ ekosuro AWURADE ɔ, yeɛ nimdeɛ ole kyɛ ɛkɔhwe wɔ nwo kofi bɔne nwo ɔ.’ ”

Edwein 111:10

AWURADE surolɛ te nworɛnwunɛ ye bohyɛlɛ; bɛ bɔ bɛyɔ sɔ ne, benya nimdeɛ paa. Odi kyɛ bɛye ye ayɛ afebɔɔ.

Edwein 34:12

Ɛmɔ nu nwa yeɛ ɔpena ngoa, ngoa tendenn bɔ nningyein kɔhɔ so yé kɔma ye ɔ?

Anyandera 1:7

AWURADE surolɛ yeɛ ɔte nimdeɛnyanɛ ye bohyɛlɛ ɔ, na ngwaseafoɛ de, bɛmva nworɛ ne ngyerɛkyerɛ bɛnyɛ huu.

Anyandera 2:5

ye de ɛkɔte kyɛbɔ AWURADE surolɛ osi te ɔ bo, na ekonya Nyameɛ nwo nimdeɛ.

Anyandera 30:3

Nnzuane nworɛ, yeɛ Krongronniɛ ne koso, nnne ye nwo nimdeɛ biala.

Nworɛ Dwirɛhanɛniɛ 12:13

Edwirɛ amukoraa bɔ yate ne, sɔa yeɛ yɛbɔ ye porɛ ɔ: Suro Nyameɛ ná di ye mmeraa dwirɛ so, ofikyɛ bɔ odi kyɛ kuro sona biala ɔyɔ hɔ ɛne.

Mateo 11:27

Me Baba afa nningyein amukoraa awura me sa; na ebiala nze Baa ne, sana Baba ne; yeɛ ebiala nze Baba ne, sana Baa ne ne ebiala bɔ Baa ne kuro kyɛ ɔda ye adi kyire ye ɔ.

Yohane 17:3

Na daa ngoa ne ɛhe: kyɛ bekonwu wɔ, nahorɛ Nyameɛ komapɛ ne, ɔne bɔ asoma ye ne, Yesu Kristo ne.

1 Yohane 5:20

Yɛsa yɛse kyɛ Nyameɛ Awa ne awa, na wabukye y’adwene nu maa yanwu nahorɛniɛ ne. Yɛne Ɔwa Yesu Kristo bɔ ɔte nahorɛniɛ ne atira abiɛngoɛ, na ye yeɛ ɔte nahorɛ Nyameɛ ne ɔne daa ngoa ne ɔ.