Anyandera 8:9 - AHYERƐLƐ KRONGRON

⁹ Ye mukoraa nu la berɛ ma bɛ bɔ b’adwene nu pi ɔ, na ɔte paa ma bɛ bɔ benya nimdeɛ ɔ.

Anyandera 8:9 Iomraidhean Croise

Anyandera 14:6

Ngorohoɛniɛ pena nworɛ, na onnwu ye, nakoso sona bɔ ye adwene nu pi de, nimdeɛ nyanɛ nyɛ se mma ye.

Anyandera 15:14

Badwemma adwene pena nimdeɛ si atee, nakoso ngwaseafoɛ de, ngwaseasɛm te bɛ noa aleɛ.

Anyandera 15:24

Ngoa atee bɔ ɔkɔ anwuro yeɛ nworɛniɛ fa so ɔ, amaa ɔnate so wangɔ ɛborɔ wɔ aseɛ bo dɔ.

Anyandera 17:24

Badwemma sona fa nworɛ sie ye nye so, nakoso kwaseaa de, ye adwene la nekaa bie dededede.

Anyandera 18:15

Sona badwemma osua nimdeɛ, yeɛ nworɛfoɛ bɛ so pena nimdeɛ.

Anyandera 3:13

Sona bɔ wapena nworɛ si atee wanwu ye ne, yeɛ sona bɔ onya ndeaseɛ ne, saleɛ te ye deɛ.

Yesaya 35:8

Atimbire kɔɔla berɛ, na bɛkɔto ye dumaa Atee Krongron. Sona bɔ ye nwo nde ne, ɔngɔfa so bie, atee ne kɔyɛ Nyameɛ mmenia bɛ deɛ, na ngwaseafoɛ po bengomini wɔ atee ne aso.

Mika 2:7

Ao Yakob boso ama, aso odi kyɛ bɛkã kyɛ, AWURADE Sunzum ne, aso olle aboterɛ anaa? Aso ye sa noa adwuma ɛhe? Aso me dwirɛ onziezie sona bɔ ye bra tengyɛ ɔ?

Yohane 6:45

Bahyerɛ ye wɔ ngɔmhyɛlɛfoɛ nwomaa ne anu kyɛ, ‘Bɛ mukoraa bɛkɔyɛ mmenia bɔ Nyameɛ ahyirehyire bɛ ɔ.’ Ebiala bɔ wate, ná wasua wafi Baba ne berɛ nen, ɔba me berɛ.

Yohane 7:17

Sɛ ebie kuro kyɛ ɔyɔ ye apɛdeɛ a, okonwu ye kyɛ, ngyerɛkyerɛ ne ofi Nyameɛ berɛ, anaakyɛ mefa me bɔbɔ me tumi yeɛ medwudwo hɔ a.

Yakobo 1:5

Na sɛ ɛmɔ nu bie tɔ sii nworɛ nu a, maa obisa Nyameɛ bɔ ɔye ye kunu fa ma mmenia, bɔ ɔmva animguaseɛ mmata ye nwo ne, na ɔkɔfa kɔma ye.