Anyandera 8:36 - AHYERƐLƐ KRONGRON

³⁶ nakoso bɔ ɔkɔyɔ bɔne kotia me ne de, ɔyɛ ye bɔbɔ ye kra aborɛ, ebiala bɔ ɔpɔ me ne, né ewue yeɛ okuro ɔ.”

Anyandera 8:36 Iomraidhean Croise

YOB NWOMAA NE 35:6

Sɛ ɛyɔ bɔne a, nzikyɛ ɛhawo yeɛ ɔfa brɛ Nyameɛ ɔ? Yeɛ sɛ wɔ mmeraatolɛ yɛ pee a, nzikyɛ ɛhawo yeɛ ɔfa brɛ ye ɔ?

Anyandera 1:31

Yiti, bɛ yɔleɛ nwo akatuaa yeɛ bɛ sa kɔhã ye ɔ, na bɛ porɛ bɔ bɛbɔ ne, ɔkɔbɔ bɛ bɔbɔ bɛ ti so.

Anyandera 1:32

Ofikyɛ bɛ bɔ b’adwene te nganga ne, foɛtulɛ nwo asoserɛ yeɛ okohu bɛ ɔ, na ngwaseafoɛ bɛ yeeyɛlɛ yeɛ okohu bɛ ɔ.

Anyandera 12:1

Ebiala bɔ okuro kyɛ bɛtengyɛtengyɛ ye ne, okuro nimdeɛ, nakoso bɔ okyi kyɛ bɛkɔhã ye nyunu ne de, wagyimi.

Anyandera 15:32

Sona bɔ ɔpo foɛtulɛ ne, obu ye bɔbɔ ye kra animtia, na bɔ otie anyunuhanɛ ne de, ɔyɛ badwemma.

Anyandera 20:2

Sɛ ɛhene fɛ yaa hahii a, ɔte kyɛ gyata bɔ opo ɔ, ebiala bɔ okohu ye ahone ne, ɔfa ye ngoa pɛ so.

Anyandera 21:6

Anwonya bɔ bɛfa nnakannaka so benya ye ne, ɔte mbaen, na ɔte bɛ so ewue ngaen.

Yesaya 3:9

Kyɛbɔ basi bayɛ bɛ nyunu ne, odi adanzeɛ tia bɛ, bɛbɔ bɛ bɔne nwo dawure kyɛ Sodom, bɛmva bɛmvea. Bɛ kra yaakɔ! Ofikyɛ bahwehwe musue babrɛ bɛ nwo.

Yeremia 27:13

Nzu ati yeɛ odi kyɛ ɛne wɔ maen bewuwu wɔ ngrandɛ, ɛhɔen ne ewue anwonyerɛ noa, kyɛbɔ AWURADE wahã wafa maen biala bɔ ɔngɔso Babilɔn hene nwo ne ɔ?

Hesekiel 18:31

Mmeraatolɛ amukoraa bɔ ɛmɔato ne, ɛ́mɔgyi ye mukoraa béfi ɛmɔ so bégua, ná ɛmɔnya adwene foforɛ ne sunzum foforɛ. O Yisrael awuro ama, nzu ati yeɛ odi kyɛ ɛmɔwuwu ɔ?

Hesekiel 33:11

Se bɛ kyɛ: Kyɛ nde ase ye, me nye ngye bɔnefoɛ ye wue nwo, na mmom me nye gye kyɛ bɔnefoɛ kɔyakyi ye yɔleɛ, ná okonya ngoa ɔ. AWURADE Nyameɛ noa dwirɛ ɛne. Ɛ́mɔyakyi, ɛ́mɔyakyi ɛmɔ bɔne yɔleɛ ne! O Yisrael awuro ama, nzu ati yeɛ odi kyɛ ɛmɔwuwu ɔ?

Asomafoɛ 13:46

Na Pɔɔlo ne Banaba sili b’ahone besele kyɛ, “Né ohia kyɛ ɛmɔ, Yudafoɛ yeɛ yɛdi moa yɛkã Nyameɛ dwirɛ ne yɛkyire ɛmɔ ɔ. Nakoso ɔnate kyɛ ɛmɔpo edwirɛ ne, ná ɛmɔmmu bɛ nwo kyɛ ɛmɔfata daa ngoa ne ati, ɛ́mɔtie, yɛkɔyakyi yɛkɔhɔ Amaenmaensofoɛ mɔ berɛ.

Asomafoɛ 16:28

Na Pɔɔlo teane nu serɛserɛ sele kyɛ, “Nnɛdi wɔ nwo awue, na yɛ mukoraa yɛwɔ wa!”

1 Korintofoɛ 16:22

Sɛ ebie nguro Awurade Yesu Kristo dwirɛ a, musue to ye! Y’Awurade bra! (Maranata).

Hebrifoɛ 10:29

Sɛ ɔte sɔ de a, nzaade sona bɔ okobu Nyameɛ Awa ne animtia, ná wabu apam mogya bɔ bafa bate ye nwo ne kyɛ ye nwo nde, ná wafa adom Sunzum ne nyunu watwitwi ase ne, nzikyɛ asohwenɛ yeɛ ɛmɔsusu kyɛ ɔfata ye ɔ?

Hebrifoɛ 2:3

nzaade sɛ yɛpo ngoalelɛ piri bɔ ɔte sɔa de a, yɛkɔyɛ sɛɛ ná yafa yɛ nwo yali? Awurade lili moa bɔle ngoalelɛ he nwo dawure, na bɛ bɔ bɛtele ne koso lili ye nwo adanzeɛ maa yɛnwuni kyɛ ɔte nahorɛ.