Anyandera 8:21 - AHYERƐLƐ KRONGRON

²¹ Bɛ bɔ bekuro me dwirɛ ne, memaa benya bɛ nwo, na nekaa bɔ besie bɛ nningyein ne, ngɔmaa okoyi tɛkyɛɛ.

Anyandera 8:21 Iomraidhean Croise

Gyenesise 15:14

Nakoso ngobua maen bɔ bɛkɔso ye ne ndɛen, na ɛhe asi ye, bɛkɔfa anwonya pee paa bekofi maen ne anu bɛkɔhɔ.

Edwein 16:11

Wɔ yeɛ ekyire me ngoa atee ɔ. Wɔ nyunu yeɛ nningyein bɔ ɔyɛ ahomeka mu wɔ ɔ, na wɔ sa famaa nu yeɛ anigye wɔ afebɔɔ ɔ.

Anyandera 1:13

yɛkonya nningyein bɔ bɛ nyɔboɛ yɛ se ɔ, na yɛkɔfa sɔ nzesadeɛ nemɔ yɛkogua yɛ awuro maa berɛ koyi tɛkyɛ;

Anyandera 10:22

AWURADE saleɛ yeɛ ɔma sona nya ye nwo ɔ, na ɔmva aworabɔlɛ biala mmoka so.

Anyandera 15:6

Anwonya pee wɔ teneneeniɛ awuro, nakoso bɔnefoɛ de, ye anwonya te musue.

Anyandera 21:20

Agudeɛ bɔ odi mu ne ngoo wɔ nworɛniɛ awuro, nakoso kwaseaa de, onya ye a ɔsɛkye ye.

Anyandera 24:4

bɛfa nimdeɛ so yeɛ bɛfa anwodeɛ nyɔboɛserɛ nyemenenyemene amukoraa besiesie ye pumbu nemɔ anu ɔ.

Anyandera 6:31

Nakoso sɛ bɛkye ye a, okotua ye nwo mmɔhoɛ nzoo, ɔkɔhwere ye awuro nningyein amukoraa.

Anyandera 8:18

Me berɛ yeɛ anwonya ne animnyam wɔ ɔ, anwonyadeɛ bɔ ɔkyɛ, ɔne tenenee.

Anyandera 8:20

Tenenee atimbire so yeɛ mefa ɔ, mefa ndɛenbualɛ turoloo atee so.

Mateo 25:46

Na ɛhemɔ kofi berɛ kɔhɔ asohwenɛ bɔ olle ayieleɛ nu; nakoso teneneefoɛ nemɔ de, bɛkɔhɔ daa ngoa nu.”

Romanfoɛ 8:17

Na sɛ yɛte Nyameɛ mma de a, ye de yɛle agyapadeɛ, yɛle agyapadeɛ wɔ Nyameɛ nu, yɛne Kristo yɛbɔ nu yɛle agyapadeɛ; nakoso sana yɛne ye nwu amaneɛ koraka, amaa ɔnate so bahyɛ yɛ ne ye animnyam.

Hebrifoɛ 10:34

Ofikyɛ ɛmɔnwuni bɛ bɔ begua kuku nu anwumvoin, na mmerɛ bɔ bɛfene ɛmɔ nningyein bɛfale ne, ɛmɔle anigye bɛpenene so, ofikyɛ ɛmɔse kyɛ ɛmɔle nningyein paa bɔ ɔtra so wɔ nyameɛso afebɔɔ.

1 Petro 1:4

maa yanya agyapadeɛ bɔ ɔmborɔ, bɔ ngekalewa nne ye nwo, bɔ ɔmbɛ nu ngɔ, bɔ bafa basie nyameɛso bama ɛmɔ

Nyekyire 21:7

Ebiala bɔ odi ngonim ne, okonya ɛhemɔ amukoraa, na ngɔyɛ ye Nyameɛ, ná ye koso wayɛ mma.

1 Samuel 2:8

Ɔma ehianiɛ so fi asefuo nu, na ɔma sona bɔ ɔyɛ anwumvo ɔ so fi fofoɛ so, maa ɔtena atitirefoɛ nu, na ɔmaa onya animnyam bia tena so. Ofikyɛ aseɛ nyinasoɛ nemɔ, AWURADE deɛ ɔ, na nyinasoɛ nemɔ so yeɛ wafa ewiase wasie ɔ.