Anyandera 8:17 - AHYERƐLƐ KRONGRON

¹⁷ Bɛ bɔ bekuro me dwirɛ ne, mekuro bɛ dwirɛ, na bɛ bɔ bɛ nye boro bɛpena me ne, benwu me.

Anyandera 8:17 Iomraidhean Croise

2 Aberɛso Dwirɛ 34:3

Nana Yosia lili hene ne, ye afoɛ mmɔtwɛ ne anu bɔ né ɔtɛte abɛɛmaa ne, ɔhyɛle ye bo kyɛ ɔso ye nana Dawide Nyameɛ ne. Ye afoɛ buru ne nyɔ ne anu, ɔhyɛle ye bo tutuli ɛhemɔ bo fili Yuda ne Yerusalem: asɔneyɛɛ mɔ, bosoen Asera dosii mɔ, yeɛ amoen bɔ base ne amoen bɔ bahuro nikyee bafa bayɔ ɔ.

Edwein 91:14

Ɔnate kyɛ wafa ye nwo wabata me ne ati, ngɔpepɛ ngole ye. Ɔnate kyɛ ɔse me dumaa ne ati, ngɔpagya ye.

Anyandera 1:28

Afei bekosu bɛkɔfrɛ me, nakoso mengɔtɛ bɛ so, bɛkɔpena me paa, nakoso bengonwu me.

Anyandera 2:4

sɛ ɛpena ye si atee kyɛbɔ ɛpena ɛdwetɛ, ná ɛpena ye kyɛ agyapadeɛ bɔ bafa bafea ɔ hɔ a,

Anyandera 2:5

ye de ɛkɔte kyɛbɔ AWURADE surolɛ osi te ɔ bo, na ekonya Nyameɛ nwo nimdeɛ.

Anyandera 4:6

Nnɛpo nworɛ, na ɔkɔnea wɔ so, kuro ye dwirɛ, na ɔkɔbɔ wɔ nwo waen.

Anyandera 8:16

me so yeɛ maen mbanyi bɛfa bebu maen ɔ, bɛ ne nnehyeɛ ne bɛ bɔ bebu maen nahorɛ nu amukoraa.

Nworɛ Dwirɛhanɛniɛ 12:1

Kaye Nyameɛ bɔ ɔbɔle wɔ ne wɔ wɔ mmerandeɛ nu koraka né mmerɛ tɛɛ ne awa; anyɔ sɔ ná afoɛ nemɔ pingye a, ɛkɔhã kyɛ, “Mennya bɛ nu anigye biala”;

Edwein Nu Dwein 3:4

Nzane bɛ nwo ne ala, yeɛ nwuni bɔ me kra kuro ye ne ɔ. Ndo mmrale ye, kyɛ mengɔma ɔngɔhɔ, kɔpem kyɛ mvale ye mmale me ni awuro, sona bɔ ɔnwonzɛle me ne, ye pumbu ne anu ɔ.

Yesaya 45:19

Nna mvealeɛ nu yeɛ ndwudwole ɔ, nna aseɛ so nekaa bie bɔ ɔte awosii ɔ; manga mangyire Yakob boso ama kyɛ, ‘Odi kyɛ ɛmɔpena me si atee wɔ basabasayɔlɛ nu.’ Me ole AWURADE bɔ medwudwo nahorɛ nu ɔ, edwirɛ bɔ ɔtengyɛ yeɛ mekã ɔ.

Yesaya 55:6

“Ɛ́mɔpena AWURADE si atee, mmerɛ bɔ ɛmɔpena ye a ɛmɔkonwu ye ɔ, ɛ́mɔfa ɛmɔ dwirɛ bɛ́to ye nyunu, mmerɛ bɔ opingye ɛmɔ ɔ.

Mateo 6:33

Na ɛ́mɔli moa bɛ́pena Nyameɛ ahennie ne ye tenenee ne mmom, na ɔkɔfa ɛhemɔ amukoraa ɔkɔboka so kɔma ɛmɔ.

Marko 10:14

Na Yesu nwuni ye sɔ nen, wanyɛ ye fɛ, na osele bɛ kyɛ, “Ɛ́mɔma ngwadaa nemɔ ate ma bɛbra me berɛ, na nnɛma ɛmɔsi bɛ ate; ofikyɛ ɛhemɔ sɔa ye yeɛ Nyameɛ ahennie ne ɔte bɛ deɛ ɔ.

Yohane 14:21

Na sona bɔ ole m’ahyɛdeɛ ná odi so nen, ye yeɛ okuro me dwirɛ ɔ; na bɔ okuro me dwirɛ nen, me Baba kohuro ye dwirɛ, ngohuro ye dwirɛ, na ngɔye me nwo ali ngohyire ye.”

Yohane 14:23

Na Yesu buale ye kyɛ, “Sɛ ebie kuro me dwirɛ a, okoli me dwirɛ so, na me Baba kohuro ye dwirɛ, na yɛkɔwa ye berɛ, ná yaayɔ yɛ atenaleɛ wɔ ye berɛ.

Yohane 16:27

ɔnate kyɛ Baba ne bɔbɔ okuro ɛmɔ dwirɛ, ofikyɛ ɛmɔkuro me dwirɛ, na ɛmɔale bali kyɛ Baba ne berɛ yeɛ mvi mmale ɔ.

Yohane 5:4

Né odwu mmerɛ bie a, abɔfo dwu ba ɛkwaa ne anu ɔbaponda nzue ne; na sɛ nzue ne ponda a, ebiala bɔ okoli moa kɔɔtɔ nu ne, anwonyerɛ biala bɔ ɔha ye ne, ye nwo sa.]

Yohane 7:37

Na kyẽa bɔ ɔpɛ ye bo, bɔ ɔte aluolue ne anu kyẽa piri ne, Yesu dwɔso gyinane, na ɔteane nu hane kyɛ, “Sɛ nzuhɔen ku ebie a, ɔbra me berɛ ɔɔno nzue oo.

Yakobo 1:5

Na sɛ ɛmɔ nu bie tɔ sii nworɛ nu a, maa obisa Nyameɛ bɔ ɔye ye kunu fa ma mmenia, bɔ ɔmva animguaseɛ mmata ye nwo ne, na ɔkɔfa kɔma ye.

1 Yohane 4:19

Yɛkuro ye dwirɛ, ofikyɛ ye yeɛ olili moa hurole yɛ dwirɛ ɔ.

1 Samuel 2:30

Yiti AWURADE Yisrael Nyameɛ nwa nyoo, ‘Nhyɛle bɔ kyɛ w’abusua ne wɔ nana abusua bekoli sɔfo bɛkɔso me daa.’ Nakoso kekesaala ye de, AWURADE nwa: ‘Mengɔma sɔ dwirɛ ne ngɔyɛ adwuma! Ofikyɛ bɛ bɔ bedi me ni ne, me koso ngoli bɛ ni, yeɛ bɛ bɔ betiatia me nyunu ne, me koso mengɔfa bɛ ngɔyɛ huu.