Anyandera 8:14 - AHYERƐLƐ KRONGRON

¹⁴ Foɛtulɛ ne nworɛ paa te me deɛ, me ole ndeaseɛ, na me nwo yɛ se.

Anyandera 8:14 Iomraidhean Croise

YOB NWOMAA NE 12:13

“Nyameɛ berɛ yeɛ nworɛ ne tumi wɔ ɔ, ye berɛ yeɛ foɛtulɛ ne ndeaseɛ wɔ ɔ.

Anyandera 1:25

bɔ me foɛtulɛ amukoraa gua ɛmɔ so asi, ná ɛmɔmva ɛmɔ nyunu bɔ metwi ne bɛnyɛ huu ne ati,

Anyandera 18:1

Sona bɔ ɔpena ye ngome ye yeeyɛlɛ ne, ɔpena ye ngome ye deɛ, na onne nzusuleɛ paa biala ndo nu.

Anyandera 19:20

Tie foɛtulɛ ná de ngyerɛkyerɛ to nu, amaa ɔnate so anwu nworɛ kyẽa bie.

Anyandera 24:5

Bienzua bɔ ɔse nworɛ ne, ole anwoserɛ, yeɛ bɔ ole nimdeɛ ne koso, onya anwoserɛ mmɔhoɛ mmɔhoɛ;

Anyandera 3:21

Mma, fa nworɛ bɔ nu pi ɔ, ɔne adwene bɔ nu abukye ɔ sie, nnɛmaa befi wɔ nye so,

Nworɛ Dwirɛhanɛniɛ 7:19

Nworɛ ma nworɛniɛ nya tumi tra mbanyi buru bɔ bɛnea kuro so ɔ.

Yesaya 28:29

Ɛhe koso ofi Asafo AWURADE berɛ, ye foɛtulɛ te nikyee bɔ ɔyɛ nwanwa, na ye nworɛ ne te piri paa.

Yesaya 40:14

Nwa yeɛ Nyameɛ ne ye baatu agyina wapena adwene ɔ, nwa yeɛ ohyirele ye pɛpɛɛpɛyɛlɛ atee ne ɔ? Nwa yeɛ ohyirele ye nimdeɛ ɔ, nwa yeɛ ohyirele ye ndeaseɛ atee ne ɔ?

Yesaya 9:6

Ofikyɛ bawo akwadaa bama yɛ, bama yɛ baa bienzua, ye yeɛ ahennie ne kowura ye sa ɔ, na ye dumaa ne, bɛkɔfrɛ ye kyɛ, “Foɛtulɛniɛ Nwanwaniɛ, Nyameɛ Tuminiɛ, Seɛ bɔ ɔwɔ berɛ Afebɔɔ, Asomdwee Hene.”

Yeremia 32:19

Wɔ bɔ wɔ nworɛ te totohyia, ná wɔ nnwumaa yɛ nwanwa ɔ; wɔ nye tua adasa b’atee amukoraa, kyɛ ɛkɔma ebiala ye atee bɔ ɔnate so ɔ ɔne ye yɔleɛ nwo akatuaa;

Yohane 1:9

Nahorɛ kanea bɔ ɔta ma sona biala ne yeɛ né ɔba wiase ɔ.

Romanfoɛ 1:22

Bɛdwenene kyɛ bɛse nworɛ, nakoso bɛte ngwaseafoɛ.

1 Korintofoɛ 1:24

Na bɛ bɔ bafrɛ bɛ ne de, Yudafoɛ oo, Helafoɛ oo, Kristo te Nyameɛ tumi ne ye nworɛ ma bɛ.

1 Korintofoɛ 1:30

Ngoa bɔ ɛmɔle ye wɔ Yesu nu ne fi Nyameɛ berɛ, na Nyameɛ afa Kristo ayɛ yɛ nworɛ, yɛ tenenee, yɛ fawɔnwodi ne krongronyɛlɛ.

Kolosefoɛ 2:3

Na ye nu yeɛ bafa nworɛ ne nimdeɛ agyapadeɛ mukoraa basie ɔ.