Anyandera 8:13 - AHYERƐLƐ KRONGRON

¹³ Esuro AWURADE a, né ekyi bɔne: mekyi anwomasoɛ ne ahandaen, bɔne yɔleɛ ne ngondombopɛlɛ.

Anyandera 8:13 Iomraidhean Croise

YOB NWOMAA NE 1:1

Né biaa bie te Yuse aseɛ so. Ye dumaa li Yob. Sɔ biaa ne, né ye bra te sannwuu, na ɔtengyɛ. Ɔte sona bɔ né osuro Nyameɛ ɔ, na ɔhwene ye nwo fili bɔne nwo.

YOB NWOMAA NE 28:28

Na osele kuro sona kyɛ, ‘Tie, nworɛ ole kyɛ ekosuro AWURADE ɔ, yeɛ nimdeɛ ole kyɛ ɛkɔhwe wɔ nwo kofi bɔne nwo ɔ.’ ”

Edwein 101:3

Mengɔfa nikyee biala bɔ mvasoɛ nne so ɔ mengosie me nye so. Bɛ bɔ bedi wɔ dwirɛ nwo makyebu ne, mekyi bɛ yɔleɛ; mengɔma bɛ yɔleɛ ne ngɔte ngɔmata me.

Edwein 119:104

Wɔ nhyehyɛleɛ nu yeɛ menya nimdeɛ ɔ; yiti mekyi ngondombo atee biala.

Edwein 119:128

Yiti megyina wɔ dwirɛ so yeɛ mebɔ me bra ɔ; na mekyi ngondombo atee biala.

Edwein 138:6

Ofikyɛ ɔwɔ nu kyɛ AWURADE wɔ anwuro anwuro de, nakoso ɔdo anwobrɛaseɛfoɛ; na anwomasoɛfoɛ de, ɔbrɛ bɛ ase fi dedeede.

Edwein 97:10

Ɛmɔ bɔ ɛmɔkuro AWURADE dwirɛ ne, odi kyɛ ɛmɔkyi bɔne; ɔbɔ ye anwoteefoɛ bɛ kra nwo waen, na ɔpepɛ de bɛ fi bɔnefoɛ mɔ sa nu.

Ɛksadɔso 1:17

Nakoso né mmrasua bɔ bede aworɛ ne suro Nyameɛ, yiti banyɔ bɔ Misraim hene hyɛle bɛ kyɛ bɛyɔ ne, na mmom bɛmane mmienzua nemɔ nyane bɛ ti didili nu.

Anyandera 10:31

Teneneeniɛ ye noa dwirɛ te nworɛ dwirɛ, nakoso temverema bɔ ɔlakalaka ne de, bɛkɔpɛ bɛkɔto.

Anyandera 15:9

Bɔnefoɛ mɔ atee te AWURADE akyiwadeɛ, nakoso bɛ bɔ bɛfa tenenee besie bɛ nye so de, okuro bɛ dwirɛ.

Anyandera 16:18

Anwomasoɛ ne ɛsɛkyelɛ yeɛ bɛnate ɔ, yeɛ ahandaen ne asetɔlɛ yeɛ bɛnate ɔ.

Anyandera 16:5

Ebiala bɔ ɔte ahandaen ne, AWURADE kyi ye, nahorɛ nu, ɔngɔfa ye nwo ngoli tɔtorɔtɔɔ.

Anyandera 16:6

Bɛfa pɛpɛɛpɛyɛlɛ ne nahorɛlilɛ yeɛ bɛyɛ bɔne nwo mbata ɔ, na AWURADE surolɛ yeɛ ɔma sona twe ye nwo fi bɔne nwo ɔ.

Anyandera 3:7

Nnɛbu wɔ nwo nworɛniɛ, suro AWURADE, ná twe wɔ nwo fi bɔne nwo.

Anyandera 4:24

Nnɛfa wɔ noa kekã nnakannaka dwirɛ, twe wɔ nwo fi ngondombo dwirɛ kekanɛ nwo.

Anyandera 6:12

Sona mbaen, busueniɛ, ɔnate kekã nnakannaka dwirɛ,

Yesaya 13:11

Mebaahwe ewiase so wɔ ye bɔne nwo, ngɔhwe bɔnefoɛ so wɔ b’amumuyɛɛ nwo, ngɔpɛ ahandaenfoɛ b’anwomasoɛ ne aso, yeɛ ngɔbrɛ atianuserɛfoɛ bɛ nduhoɛ ne ase.

Amose 5:15

Ɛmɔhyi bɔne ná ɛmɔhuro bɔ ɔte paa ɔ. Ɛ́mɔbua ndɛen turoloo wɔ nekaa bɔ bedi dwirɛ ne. Ebiaa AWURADE Asafo Nyameɛ, okonwu Yosef boso ama ngaa nemɔ anwumvoin.

Amose 6:8

AWURADE Nyameɛ wata ye nwo ndaen, (AWURADE, Asafo Nyameɛ nwa), “Yakob ye anwomasoɛ ne yɛ me tɛ, yeɛ mekyi ye anwoserɛ afealeɛ nemɔ; yiti ngɔfa kuro ne, ɔne bɔ ɔwɔ nu amukoraa ngowura pɔfoɛ mɔ sa.

Sakaria 8:17

nnɛma ɛmɔ nu biala nya obiɛngo nwo adwene tɛɛ, nnɛma ɛmɔ nye gye ngondombo ndaentalɛ nwo, ofikyɛ mekyi sɔ nningyein ne amukoraa, AWURADE noa dwirɛ ɛne.”

Romanfoɛ 12:9

Ɛ́mɔma ɛmɔ ɔdɔ ɔyɛ kaenn; ɛ́mɔhyi bɔne, ná ɛ́mɔtira bɔ ɔte paa ɔ nu serɛserɛ.

1 Tɛsalonikafoɛ 5:22

ná ɛmɔhwe ɛmɔ nwo befi bɔne sue mukoraa nwo.

2 Timoteo 2:19

Nakoso Nyameɛ fapem ne, ogyi berɛ pindinn, bɔ nzɔanoɛ he sɔ ye noa ɔ: “Awurade se bɛ bɔ bɛte ye deɛ”, yeɛ “Ma ebiala bɔ ɔbɔ Awurade dumaa ne ɔhwe ye nwo fi amumuyɛɛ nwo.”

1 Petro 5:5

Sɔ ala yeɛ ɛmɔ bɔ ɛmɔte mmabunu ne koso, ɔsɛ kyɛ ɛmɔbrɛ ɛmɔ nwo ase bewura mbanyi mɔ bo ɔ. Ɛmɔ amukoraa, ɛ́mɔfa anwobrɛaseɛ bɛ́hera, ná ɛ́mɔfa bɛ́so ɛmɔ nwo ngoko ngoko, ofikyɛ Nyameɛ nye sa anwomasoɛfoɛ, na ɔdo anwobrɛaseɛfoɛ.

1 Samuel 2:3

Nnɛma ɛmɔka nduhoɛ dwirɛ mbiri mbiri ko, nnɛmɔma anwomasoɛ dwirɛ fi ɛmɔ noa nu ba; ofikyɛ AWURADE te Nyameɛ bɔ onwu nikyee biala ɔ, na ye yeɛ obua ebiala yɔleɛ nwo ndɛen ɔ.