Anyandera 8:12 - AHYERƐLƐ KRONGRON

¹² Me, nworɛ, me ne adwene bɔ nu abukye yeɛ yɛte ɔ, na manya ndeaseɛ nwo nimdeɛ.

Anyandera 8:12 Iomraidhean Croise

1 Ahemvo 7:14

Hiram oni te braa kunaniɛ bie bɔ ofi Nafetali abusua kure nu. Né ɔse koso te kɔɔbere dwumvoɛ bɔ ofi Tiro ɔ. Né Hiram di adwii paa, ɔse nworɛ, na ole kɔɔbere adwuma nwo nimdeɛ. Ɔwale Nana Solomon berɛ ɔɔyɔle ye kɔɔbere nwo adwuma amukoraa mane ye.

1 Aberɛso Dwirɛ 28:12

Kyɛbɔ odi kyɛ besi ɛhemɔ amukoraa ne, Dawide fale ye nwo ngrataa mane Solomon: AWURADE awuro aluo berɛ, pumbu amukoraa bɔ bapɛ aluo berɛ nwo bayia ne, nekaa bɔ bɛfa Nyameɛ awuro nningyein besie ne, ɔne nekaa bɔ bɛfa nningyein bɔ batu basie berɛ bama Nyameɛ besie ne.

1 Aberɛso Dwirɛ 28:19

Na Dawide sele Solomon kyɛ, “Krataa bɔ okyire kyɛbɔ besi sua ne amukoraa, bahyerɛ, na AWURADE yeɛ ɔfa mane me ɔ.”

2 Aberɛso Dwirɛ 13:14

Yudafoɛ nemɔ pɛnene bɛ nye ne, benwuni kyɛ koɛ ne afite bɛ nyunu ne bɛ si. Yudafoɛ nemɔ sũ frɛle AWURADE, na asɔfo nemɔ huli totorobɛndo nemɔ.

Edwein 104:24

Ao, AWURADE wɔ sa noa nnwumaa sone paa! Ɛfale nworɛ tole ye nwo yeɛ ɛbɔle bɛ mukoraa ɔ; w’abɔdeɛ mɔ bayi aseɛ so tɛkyɛ.

Ɛksadɔso 35:30

Na Mose sele Yisraelfoɛ kyɛ, “Ɛ́mɔtie, AWURADE aneanea nu waye Besalel bɔ ɔse ole Yuri, bɔ ye koso ɔse ole Hure, bɔ ofi Yuda abusua kure nu ne;

Anyandera 1:4

Ɔma sona bɔ ye adwene te kãa ɔ onwu nworɛ, na ɔma mmerandeɛ nimdeɛ ne adwene nu bukyelɛ.

Anyandera 8:5

Ɛmɔ bɔ ɛmɔ adwene te nganga ɔ, odi kyɛ ɛmɔma ɛmɔ adwene nu bukye, ɛmɔ, ngwaseafoɛ, ɛ́mɔsua nworɛ.

Yesaya 28:26

Ofikyɛ ye Nyameɛ ahyirehyire ye, na okyire ye bɔ odi kyɛ ɔyɔ ɔ.

Romanfoɛ 11:33

O! Nyameɛ anwonya ne ye nworɛ ne ye nimdeɛ nu pi! Nwa yeɛ ɔkɔhora kohyirehyire ye porɛ bɔ wabɔ nu ɔ? Nwa yeɛ ɔse ye atee bɔ ɔfa so yɔ ye nningyein, anaa nwa yeɛ ɔkɔte ye bo koyie ɔ?

Ɛfesofoɛ 1:11

Na ye bɔ ɔyɔ ye nikyee biala kyɛbɔ ye nhyehyɛleɛ ne ye pɛ osi te ne, wafa Kristo so waneanea nu waye yɛ kyɛ yɛyɛ ye deɛ;

Ɛfesofoɛ 1:8

na ɔmaa ɔbole so mane yɛ wɔ nworɛ ne nimdeɛ amukoraa nu.

Ɛfesofoɛ 3:10

kyɛbɔ ɔkɔyɛ bɔ afei ɔnate asɔre ne aso, Nyameɛ nworɛ ne kɔla ye nwo ali wɔ atee ahoroɔ so kohyire ahennie ne tumi ahoroɔ bɔ bɛwɔ anwuro dɔ ɔ.

Kolosefoɛ 2:3

Na ye nu yeɛ bafa nworɛ ne nimdeɛ agyapadeɛ mukoraa basie ɔ.