Anyandera 8:11 - AHYERƐLƐ KRONGRON

¹¹ ofikyɛ nworɛ te paa tra agudeɛ, na bɔ ɛpena kyɛ enya ye biala, ɛngɔhora ngɔfa ngɔtoto nworɛ nwo.

Anyandera 8:11 Iomraidhean Croise

Edwein 119:103

Wɔ dwirɛ ne, kyɛbɔ osi yɛ me fɛ ɔ! Ɔyɛ me noa nu fɛ tra woɛ!

Edwein 119:127

Amba, me nye gye wɔ mmeraa dwirɛ ne anwo tra esikaa kɔkorɛ, tra esikaa kɔkorɛ paa.

Edwein 119:72

Wɔ noa nu mmeraa te paa ma me tra esikaa kɔkorɛ ne ɛdwetɛ apee apee.

Edwein 19:10

Nhyehyɛleɛ ne di mu tra esikaa kɔkorɛ, ɔtra esikaa kɔkorɛ paa po. Ɔte menemene tra woɛ, na ɔtra woɛ bɔ ofi nzasameɛ nu ɔpepe ɔ.

Anyandera 16:16

Ɛse nworɛ a, kyɛbɔ osi te paa tra sikaa kɔkorɛ ɔ! Yeɛ sɛ ɛte badwemma a, ɔte paa tra kyɛ ekonya ɛdwetɛ ɔ.

Anyandera 20:15

Sikaa kɔkorɛ wɔ berɛ, yeɛ agudeɛ paa pee koso wɔ berɛ, nakoso noa bɔ ɔkã nimdeɛ dwirɛ de, ɔte mbembenanneɛ bɔ ye nyɔboɛ yɛ se ɔ.

Anyandera 31:10

Braa paa, nwa yeɛ okonya ɔ? Odi mu tra agudeɛ bɔkɔɔ.

Nworɛ Dwirɛhanɛniɛ 7:11

Nworɛ te paa kyɛ agyapadeɛ bɔ bafa bayakyi wɔ ɔ, ɔte mvasoɛ ma bɛ bɔ bɛte ngoa nu ɔ.

Mateo 16:26

Na sɛ sona nya ewiase amukoraa ná ɔhwere ye kra a, nzikyɛ mvasoɛ yeɛ okonya ɔ? Anaakyɛ, nzikyɛ yeɛ sona kɔhora kɔfa kɔsesã ye kra ngoa ɔ?

Deuteronomi 30:13

Yeɛ ɔnne ɛpo asi dɔ, ná aha kyɛ, ‘Nwa yeɛ ɔkɔpɛ ɛpo ne kɔhɔ ye si kɔma yɛ, bɔ ɔkɔɔfa kɔbrɛ yɛ maa yɛkɔte ná yali so ɔ?’