Anyandera 7:13 - AHYERƐLƐ KRONGRON

¹³ Yeɛ braa ne to brale ye, na ɔfele ye noa, na braa ne totone ye nye lili sele ye kyɛ,

Anyandera 7:13 Iomraidhean Croise

Gyenesise 39:12

Braa ne sɔle Yosef ataadeɛ nu hyɛle ye kyɛ, “Ɛne me la!” Nakoso ofotili, na ɔyakyili ye ataadeɛ ne wɔ braa ne sa nu nwatili fili awuro berɛ.

Gyenesise 39:7

Mmerɛ bie asi ne, Yosef ye mene aye tuli ye nye siele ye so, na ɔhane kyɛ, “Ɛne me la.”

Edwein 59:3

Ao AWURADE, nndole mmeraa biala, yeɛ nnyɔle bɔne biala, nakoso kekesaala ye po, bɛtetɛ me beku me; nzɛmmɔnefoɛ bɛboa bɛ noa bɛbɔ me ti so porɛ.

Anyandera 21:29

Bɔnefoɛ kumgum ye nyunu, nakoso teneneeniɛ de, ɔdwene ye agyirɛtulɛ nwo.

Anyandera 9:15

kyɛ ɔfrɛfrɛ ebiala bɔ ɔpɛ nu kɔ ɔ, bɛ bɔ bɛkɔ bɛ nyunu tee ne kyɛ,

Yesaya 50:7

Ofikyɛ AWURADE Nyameɛ gyi me si, yiti ɔnyɛ me nya, yiti matindim berɛ serɛserɛ kyɛ nyɔbotaen, na mese kyɛ me nyunu ngogua ase.

Hesekiel 16:33

Mmienzua yeɛ bɛma mmrasua gyanderafoɛ amukoraa akyɛdeɛ ɔ. Nakoso wɔ de, ɛfa w’akyɛdeɛ ɛma mmienzua bɔ bekuro wɔ amukoraa, na ɛma bɛ fea-ase-ma, kyɛ béfi nekaa biala bɛbra wɔ berɛ bɛ ne wɔ bɛɛbɔ adwaman.

Hesekiel 2:4

Ofikyɛ bɛte aniammɔwoho ne asoserɛfoɛ mmenia, na mésoma wɔ bɛ berɛ maa ekose bɛ kyɛ, ‘Bɔ AWURADE Nyameɛ ɔkã hɔ ɛhe oo.’

Hesekiel 2:6

Na wɔ, Sona awa, nnɛsuro bɛ, yeɛ nnɛsuro bɛ noa dwirɛ. Ɔwɔ nu kyɛ ɛfone ne agurɛ nu yeɛ ɛla ɔ, yeɛ anyanyangyeleɛ mɔ nu yeɛ ɛte ɔ de, nakoso nnɛsuro bɛ noa dwirɛ, yeɛ nnɛsuro bɛ nyunu, ɔwɔ nu kyɛ bɛte abusua bɔ bayɛ lɔen ɔ de.

Numeri 25:1

Mmerɛ bɔ Yisraelfoɛ bɛɛkyekyele asikyeleɛ bɛtenane Sitim ne, Yisraelfoɛ hyɛle ye bo bɛ ne Moabo mmrasua nemɔ bɛlelale.

Numeri 31:16

Mmrasua hemɔ yeɛ Balaam tuli bɛ foɛ tɛɛ maa bɛlakalakale Yisraelfoɛ, bɔ ɔnate so Yisraelfoɛ hwi fale AWURADE dwirɛ so ná bɛɛsɔnene Peɔ ne. Na ɛhe mane amaneɛ piri tole AWURADE mmenia.

Nyekyire 2:20

Nakoso mebɔ wɔ kwaadu kãa, ofikyɛ ɛma braa Yesebɛl bɔ ɔfrɛ ye nwo ngɔmhyɛlɛniɛ ne ate, kyɛ ɔyɛ ngyerɛkyerɛ ná ɔlakalaka me ngoaa mɔ ma bɛbɔ adwaman ná beli bosoen so aleɛ.