Anyandera 6:9 - AHYERƐLƐ KRONGRON

⁹ O, ɛfoen sona, ɛkɔla maa okoodwu kyinzu? Mmerɛ beni yeɛ ekofi wɔ nnafelɛ nu kodwɔso ɔ?

Anyandera 6:9 Iomraidhean Croise

Edwein 94:8

Ao, maen ne anu mmenia bɔ ɛmɔ adwene te nganga ɔ, odi kyɛ ɛmɔte ye bo, ngwaseafoɛ, kyinzu yeɛ ɛmɔkonwu nworɛ ɔ?

Anyandera 1:22

“Ɛmɔ bɔ ɛmɔ adwene te nganga ɔ, ɛmɔpena kyɛ ɛmɔ adwene yɛ nganga kodwu kyinzu? Ngorohoɛfoɛ nye kɔgye bɛ ngorohoɛ nwo koodwu kyinzu? Yeɛ ngwaseafoɛ kohyi nimdeɛ koodwu kyinzu?

Anyandera 19:15

Ɛfoen ma sona da hatee, yeɛ akwadworɔ sona di hɔen.

Anyandera 20:13

Nnɛma nnafelɛ yɛ wɔ fɛ, ná wanhia wɔ, tete wɔ nye, na ekonya aleɛ pee kɔma wɔ ko koyi.

Anyandera 26:14

Kyɛbɔ anoa ɔpɛ ye nwo wɔ ye ndenasoɛ so ne, sɔ ala yeɛ ɛfoen sona yɔ wɔ ye bɛen so ɔ.

Anyandera 6:10

‘Maa nna kãa, maa ndɔ ngosie kãa, maa ndengyɛ me nu kãa.’

Anyandera 6:6

Ɛfoen sona, kɔ ngyiregyiraa berɛ, nea kyɛbɔ ɔyɔ ye nningyein ɔ, ná sua nworɛ.

Anyandera 6:8

nakoso wawa pe a, ɔpena ye aleɛ sie, yeɛ fieso aleɛ falɛ dwu a, ɔboaboa ye noa aleɛ noa.

Nworɛ Dwirɛhanɛniɛ 4:5

Sona kwaseaa ye gya nga ye sa nga, na ɔyɛ ye bɔbɔ ye nwo aborɛ.

Yeremia 4:14

Ao Yerusalem, nwunzi w’ahone nwo fi bɔne nu, amaa ɔnate so anya wɔ ti adidi nu. Ɔkwaadwu kyinzu yeɛ ɛkɔhɔ so kɔdwene bɔne adwene ɔ?

Yohane 1:6

Na biaa bie wɔ berɛ bɔ Nyameɛ somane ye ɔ, bɔ ye dumaa li Yohane.

Romanfoɛ 13:11

Na ɛhemɔ asi ne, ɛmɔse mmerɛ ne, kyɛ mmerɛ aso kyɛ ɛmɔtingye befi nnaa nu ɔ. Ofikyɛ yɛ ngoalelɛ ne wapingye watra mmerɛ bɔ yɛɛyɛle agyidifoɛ ɔ.

Ɛfesofoɛ 5:14

Ɛhe ati yeɛ ɔkã kyɛ, “Wɔ bɔ alafe ne, tingye, ná dwɔso fi awufoɛ nu, na Kristo kɔta kɔma wɔ.”