Anyandera 6:34 - AHYERƐLƐ KRONGRON

³⁴ Ofikyɛ nungunɛ ma bienzua fɛ yaa piri paa, na kyẽa bɔ ɔkɔtɔ sɔ biaa ne so wereɛ ne, ongonwu ye anwumvoin.

Anyandera 6:34 Iomraidhean Croise

Gyenesise 39:19

Na mmerɛ bɔ Yosef mene ne tele amaneɛ bɔ ɔye fa bɔle ye kyɛ, “Atee bɔ w’akoaa ne afa me afa so ɛhe” nen, ɔfɛle yaa.

2 Samuel 11:5

Braa ne nwonzɛle, na ɔsomane maa bɛɛbɔle Dawide amaneɛ kyɛ, “Menwonzɛ.”

Anyandera 11:4

Ɛyaafɛlɛ piri kyẽa ne dwu a, anwonya te mbaen, nakoso bra bɔ ɔtengyɛ de, ode sona fi ewue nu.

Anyandera 27:4

Ɛyaafɛlɛ ti anu yɛ se, yeɛ ahonehulɛ tra so, nakoso nwa yeɛ ɔkɔhora kogyina nungunɛ noa ɔ?

Anyandera 6:33

Ye sa kɔhã epuralɛ ne animguaseɛ, na ye nyanzoen ne ngofi ye so.

Anyandera 6:35

Ongole mbata biala, yeɛ sɛ ɛma ye akyɛdeɛ pee po a, ɔngɔpene.

Edwein Nu Dwein 8:6

Fa me yɛ w’ahone nwo nzɔanoɛ, fa me yɛ wɔ sa nwo nzɔanoɛ, ofikyɛ ehurolɛ nu yɛ se te kyɛ ewue, nungunɛ ti anu yɛ se te kyɛ asieleɛ kumaa. Ehurolɛ nzramaa te see nzramaa bɔ ɔsɔ wuronyiwuronyi ɔ.

Yesaya 13:17

Tie, ngɔkanyane Medesefoɛ maa bekodwɔso bekotia bɛ, Medesefoɛ de, bemmu dwetɛ, yeɛ bɛ nye ngye sikaa kɔkorɛ nwo.

Numeri 25:11

“Me yaa bɔ mvɛle ye wɔ Yisraelfoɛ so ne, Finehase bɔ ɔse ole ɔsɔfo Aarɔn awa Eleasa ne, wama m’ahone atɔ nzue nu. Ofikyɛ watu ye nwo wasie berɛ wagyina me gya nu wahwe bɛ nwo nungunɛ wama me. Ɔnate ye sɔ ti, mangũkũ Yisraelfoɛ mɔ wɔ me nungunɛhwenɛ nu.

Numeri 5:14

sɛ nungunɛ wura biaa ne anu maa ɔtwe ɔye bɔ ye nwo agua fiɛ ne anwo nungunɛ, anaakyɛ nungunɛ wura biaa ne anu maa ɔtwe ɔye ne anwo nungunɛ wɔ aberɛ bɔ ɔye ne nwo ogguale fiɛ a,

1 Korintofoɛ 10:22

Anaa yɛpena kyɛ yɛwura Awurade apue maa ɔtwe nungunɛ hɔ ɔ? Yɛbu ye kyɛ yɛ nwo yɛ se tra ye anaa?