Anyandera 6:17 - AHYERƐLƐ KRONGRON

¹⁷ anyeɛ bɔ ɔtra ye ndo nwiaa, noa bɔ ɔnga nahorɛ ɔ, asaa bɔ ɔkã mogya bɔ odi be gua ɔ,

Anyandera 6:17 Iomraidhean Croise

2 Ahemvo 21:16

Asa koso, Manase hane mogya bɔ odi be ɔ pee guale, kɔpem kyɛ ɔhane mogya guale Yerusalem nekaa biala ɔ. Asora bɔne bɔ ɔhwehwene Yuda hɔle nu maa ɔnate so bɛyɔle bɔ ɔte bɔne wɔ AWURADE nyunu ne.

2 Ahemvo 24:4

ɔne mogya bɔ odi be bɔ ɔhã guale ne ati. Ofikyɛ ɔhane mogya bɔ odi be ɔ guale wɔ Yerusalem nu amukoraa, na né AWURADE ayɛ ye adwene kyɛ ɔngɔfa sɔ bɔne ne ngɔhyɛ.

Edwein 10:4

Bɔnefoɛ ye anwomasoɛ maa ɔmbena Nyameɛ si atee; ye adwene amukoraa ole kyɛ, “Nyameɛ biala nne berɛ.”

Edwein 101:5

Ebiala bɔ ɔfea toatoa obiɛngo ne, ngɔmaa ɔkɔhã ye noa kɔto nu. Sona bɔ ɔte nduhoɛ ne anwomasoɛ ne de, mengɔpene ye.

Edwein 131:1

Ao AWURADE, m’ahone nyɛ anwomasoɛ, me nye ndra me ndo nwiaa, yeɛ menha me nwo nningyein mbiri mbiri nwo, anaa anwanwadeɛ bɔ ɔbo me so ɔ nwo.

Edwein 18:27

Ɛpepɛ de anwobrɛaseɛfoɛ, nakoso anwomasoɛfoɛ de, ɛbrɛ bɛ ase.

Edwein 31:18

Ma ngondombofoɛ bɛtɔ mumu, bɛ bɔ bɛfa anwomasoɛ ne dwɛɛ bɛkekã edwirɛ tɛɛ betia teneneefoɛ ne.

Edwein 5:6

Ɛma ngondombofoɛ b’ayieleɛ yie bɛ, na kodiawufoɛ ne ndurumfoɛ de, AWURADE kyi bɛ.

Edwein 5:7

Nakoso, ɔnate wɔ ɔdɔ bɔ onni ngasi ne ati, ngɔwa w’awuro; ɔnate kyɛ mesuro wɔ ne ati, ngɔfa me nye ngohyire w’asɔneyɛɛ sua krongron ne ngɔsɔne wɔ.

Anyandera 1:11

Sɛ bɛkã kyɛ, “Bra maa yɛɛtetɛ yɛli awue, bɛ bɔ bedi be ne, maa yɛɛtɛ atunu yɛhu bɛ mbaen;

Anyandera 1:16

ofikyɛ amirika yeɛ betu bekodi bɔne ɔ, na bɛma bɛ nwo yɛ nyera bedi awue.

Anyandera 12:22

Noa bɔ ɔnga nahorɛ ne, ɔte AWURADE akyiwadeɛ, nakoso bɛ bɔ bedi nahorɛ de, bɛsɔ ye nye.

Anyandera 14:5

Danzeniɛ nahorɛniɛ mbɛ anoanu, nakoso danzeniɛ ngondomboniɛ de, odi adanzewia.

Anyandera 16:5

Ebiala bɔ ɔte ahandaen ne, AWURADE kyi ye, nahorɛ nu, ɔngɔfa ye nwo ngoli tɔtorɔtɔɔ.

Anyandera 17:7

Kwaseaa nze edwirɛ bɔ bɛkã ye kama ɔ, yeɛ nnakannaka dwirɛ hanɛ koso mvata dehyeɛ.

Anyandera 21:4

Anyeɛ bɔ ɔnzɔ sona ne anwomasoɛ, bɛte bɔnefoɛ kanea, bɛte bɔne.

Anyandera 26:28

Sona bɔ ɔlakalaka ye mmango ne, okyi bɛ, yeɛ bɔ ɔfa ye noa dɛfɛdɛfɛ ne, ɔma mmenia kɔ amaneɛ nu.

Anyandera 28:17

Sɛ ebie di obiɛngo wue nwo fɔ a, ɔkɔnwati toonn kɔfa kɔhɔ ewue nu, na nnɛma ebiala si ye ate.

Anyandera 30:13

Mmenia biemɔ wɔ berɛ a, bɛ nye nzɔ sona, na bɛ nye tra bɛ ndo nwiaa!

Anyandera 6:16

Sɔ nningyein nzia hemɔ bɛyɛ AWURADE tɛ, amba, nningyein nzoo hemɔ bɛte ye akyiwadeɛ:

Yesaya 1:15

Sɛ ɛmɔtrɛtrɛ ɛmɔ sa nu (kyɛ ɛmɔbɔ mbaeɛ a,) ngɔye me nye ngɔto buro bɔ mengɔtɛ ɛmɔ so ɔ. Ɛmɔbɔ mbaeɛ pee de, nakoso mengotie, ofikyɛ ɛmɔahã mogya bagua paa.

Yesaya 2:11

Bɛkɔbrɛ ahandaen anyeɛ ase, yeɛ bekogua mmenia b’anwomasoɛ nyunu ase, na AWURADE angome yeɛ bɛkɔma ye so sɔ kyẽa ne ɔ.

Yesaya 3:16

Asa koso, AWURADE hane kyɛ, Ɔnate kyɛ Sion mma mmrasua te ahandaen, bɛ kɔme la bɛ nwo, bɛtwetwe bɛ nye asi bɛnate, bɛyeye bɛ gya ngoko ngoko, ná bɛma ngaa bɔ ogua bɛ gya wosowoso ne ati,

Yesaya 3:9

Kyɛbɔ basi bayɛ bɛ nyunu ne, odi adanzeɛ tia bɛ, bɛbɔ bɛ bɔne nwo dawure kyɛ Sodom, bɛmva bɛmvea. Bɛ kra yaakɔ! Ofikyɛ bahwehwe musue babrɛ bɛ nwo.

Yeremia 26:15

Na mmom, ɛ́mɔnwu ye kyɛ amba, sɛ ɛmɔku me a, mogya bɔ odi be ɔ yeɛ ɛmɔkɔmaa ɔkɔbɔ ɛmɔ bɔbɔ deinn, kuro he ɔne nu ama bɛ ti so ɔ. Ofikyɛ nahorɛ nu, AWURADE yeɛ ɔsomane me ɛmɔ berɛ kyɛ mmanga sɔ dwirɛ ye amukoraa ngyire ɛmɔ maa ɔhɔ ɛmɔ so anu ɔ.”

Yohane 8:44

Ɛmɔ de, ɛmɔ baba bɔ ɛmɔfi ye nu ole abɔnzam, na ɛmɔ baba n’apɛdeɛ yeɛ ɛmɔkuro kyɛ ɛmɔyɔ ɔ. Ɔte wudiniɛ fi ahyɛaseɛ ne; na ollili nahorɛ le, ɔnate kyɛ nahorɛ biala nne ye nu. Sɛ ɔkã ngondombo dwirɛ a, kyɛbɔ ye sue te ne ala yeɛ ɔkã ɔ, ofikyɛ ɔte ngondomboniɛ ne ngondombo baba.

Deuteronomi 19:10

Na ɛhe ngɔma bɛngɔhã mogya bɔ odi be bengogua aseɛ bɔ AWURADE wɔ Nyameɛ ɔ́fa ma wɔ maa ɔyɛ wɔ deɛ ne aso, ná anni mogya nwo fɔ.

Deuteronomi 27:25

“ ‘Musue tó sona bɔ okole fea-ase-ma ná okohu obiɛngo bɔ odi be ɔ.’ Na mmenia ne amukoraa kosuro so kyɛ, ‘Amen!’

1 Petro 5:5

Sɔ ala yeɛ ɛmɔ bɔ ɛmɔte mmabunu ne koso, ɔsɛ kyɛ ɛmɔbrɛ ɛmɔ nwo ase bewura mbanyi mɔ bo ɔ. Ɛmɔ amukoraa, ɛ́mɔfa anwobrɛaseɛ bɛ́hera, ná ɛ́mɔfa bɛ́so ɛmɔ nwo ngoko ngoko, ofikyɛ Nyameɛ nye sa anwomasoɛfoɛ, na ɔdo anwobrɛaseɛfoɛ.

Nyekyire 22:15

Na kuro ne asi dɔ yeɛ ngyea, ngonyaayelɛfoɛ, adwamanbɔlɛfoɛ, awudifoɛ, bosoensolɛfoɛ ne bɛ bɔ bekuro ngondombopɛlɛ ná bɛpɛ ɔ bɛ mukoraa bɛwɔ ɔ.