Anyandera 6:16 - AHYERƐLƐ KRONGRON

¹⁶ Sɔ nningyein nzia hemɔ bɛyɛ AWURADE tɛ, amba, nningyein nzoo hemɔ bɛte ye akyiwadeɛ:

Anyandera 6:16 Iomraidhean Croise

2 Ahemvo 21:16

Asa koso, Manase hane mogya bɔ odi be ɔ pee guale, kɔpem kyɛ ɔhane mogya guale Yerusalem nekaa biala ɔ. Asora bɔne bɔ ɔhwehwene Yuda hɔle nu maa ɔnate so bɛyɔle bɔ ɔte bɔne wɔ AWURADE nyunu ne.

YOB NWOMAA NE 5:19

Ɔkɔye wɔ kofi amaneɛ sɔ alaa nzia nu, yoo, na bɔ ɔtɔ so nzoo ne anu, edwirɛ biala ngɔto wɔ.

Edwein 11:5

AWURADE so teneneefoɛ ne bɔnefoɛ nea, nakoso ye kra kyi sona bɔ okuro basabasayɔlɛ ɔ.

Edwein 5:7

Nakoso, ɔnate wɔ ɔdɔ bɔ onni ngasi ne ati, ngɔwa w’awuro; ɔnate kyɛ mesuro wɔ ne ati, ngɔfa me nye ngohyire w’asɔneyɛɛ sua krongron ne ngɔsɔne wɔ.

Anyandera 11:1

Tonyi bɔ bawura nu te AWURADE akyiwadeɛ, nakoso ye nye sɔ asusudeɛ nyɔboɛ bɔ ɔkã nahorɛ ɔ.

Anyandera 11:20

Bɛ bɔ bɛte kanda ne, bɛte AWURADE akyiwadeɛ, nakoso bɛ bɔ bɛ bra te sannwuu ne de, bɛsɔ ye nye.

Anyandera 12:22

Noa bɔ ɔnga nahorɛ ne, ɔte AWURADE akyiwadeɛ, nakoso bɛ bɔ bedi nahorɛ de, bɛsɔ ye nye.

Anyandera 17:15

Ebiala bɔ obua bɔnefoɛ be, ɔne ebiala bɔ obua teneneeniɛ fɔ ne, AWURADE kyi bɛ munyɔ kɔkɔkɔkɔ.

Anyandera 20:10

Asusudeɛ mɔ bɔ nzonzoleɛ wɔ nu, ɔne tonyi mɔ bɔ nzonzoleɛ wɔ nu ɔ, AWURADE kyi bɛ munyɔ kɔkɔkɔkɔ.

Anyandera 20:23

Asusudeɛ mɔ bɔ nzonzoleɛ wɔ nu ne, bɛte AWURADE akyiwadeɛ, yeɛ tonyi bɔ bawura nu ne koso ɔtte mayee.

Anyandera 21:4

Anyeɛ bɔ ɔnzɔ sona ne anwomasoɛ, bɛte bɔnefoɛ kanea, bɛte bɔne.

Anyandera 3:32

Ofikyɛ sona bɔ ɔte kanda ne, ɔte AWURADE akyiwadeɛ, nakoso teneneeniɛ de, AWURADE kã ye ti anu dwirɛ kyire ye.

Anyandera 30:18

Nningyein nza yeɛ bɛyɛ me nwanwa paa ɔ; yoo, nna de, mende ye bo. Bɛ ole:

Anyandera 30:21

Nningyein nza yeɛ ɔma aseɛ woso ɔ, yeɛ nningyein nna yeɛ ɔngora ye noa gyina ɔ. Bɛ ole:

Anyandera 30:24

Nningyein nna biemɔ wɔ aseɛ ye aso bɔ bɛte mmaa mmaa, nakoso bɛte nworɛfoɛ paa. Bɛ ɛhe:

Anyandera 30:29

Nningyein nza yeɛ bɛ natelɛ yɛ nyemene ɔ, amba, nna de, bɛ gya tutulɛ yɛ ahomeka. Bɛ ole:

Anyandera 6:15

Yiti musue kɔto sɔ sona ne mvum nu, na ɔkɔto ye mvum nu bɔ ongonya ye sɔbea ɔ.

Anyandera 6:17

anyeɛ bɔ ɔtra ye ndo nwiaa, noa bɔ ɔnga nahorɛ ɔ, asaa bɔ ɔkã mogya bɔ odi be gua ɔ,

Anyandera 8:13

Esuro AWURADE a, né ekyi bɔne: mekyi anwomasoɛ ne ahandaen, bɔne yɔleɛ ne ngondombopɛlɛ.

Yeremia 26:15

Na mmom, ɛ́mɔnwu ye kyɛ amba, sɛ ɛmɔku me a, mogya bɔ odi be ɔ yeɛ ɛmɔkɔmaa ɔkɔbɔ ɛmɔ bɔbɔ deinn, kuro he ɔne nu ama bɛ ti so ɔ. Ofikyɛ nahorɛ nu, AWURADE yeɛ ɔsomane me ɛmɔ berɛ kyɛ mmanga sɔ dwirɛ ye amukoraa ngyire ɛmɔ maa ɔhɔ ɛmɔ so anu ɔ.”

Amose 1:11

AWURADE nwa nyoo, “Ɔnate Edom ye amumuyɛɛ nza, eh, ɔne nna ne ati, mengɔhwe ye so hwenɛ ne mengosa; ofikyɛ ɔfale ngrandɛ guli oliɛma so. Wanyɛ ye anwumvo, ɔmane ye ahone hɔle so huli, na ɔmane ye yaafɛlɛ piri ne hɔle so afebɔɔ.

Amose 1:3

AWURADE nwa nyoo, “Ɔnate Damasko ye amumuyɛɛ nza, eh, ɔne nna ne ati, mengɔhwe ye so hwenɛ ne mengosa; ofikyɛ bafa buralɛ bɔ bɛfa bɛboro aburoo ɔ bapɛkyɛ Gileade.

Amose 1:6

AWURADE nwa nyoo, “Ɔnate Gasa ye amumuyɛɛ nza, eh, ɔne nna ne ati, mengɔhwe ye so hwenɛ ne mengosa; ofikyɛ bɛsoale mmenia bɔ bahye bɛ nnure ne amukoraa bɛfale bɛ beewurale Edom sa.

Amose 1:9

AWURADE nwa nyoo, “Ɔnate Tiro ye amumuyɛɛ nza, eh, ɔne nna ne ati, mengɔhwe ye so hwenɛ ne mengosa; ofikyɛ bɛfale mmenia bɔ bahye bɛ nnure ne amukoraa beewurale Edom sa, na bangaye aliɛmaa apam ne.

Amose 2:1

AWURADE nwa nyoo, “Ɔnate Moabo ye amumuyɛɛ nza, eh, ɔne nna ne ati, mengɔhwe ye so hwenɛ ne mengosa; ofikyɛ ɔyerale Edom hene mmowue maa ɔtɔle nzoen.

Amose 2:4

AWURADE nwa nyoo, “Ɔnate Yuda ye amumuyɛɛ nza, eh, ɔne nna ne ati, mengɔhwe ye so hwenɛ ne mengosa; ofikyɛ bapo AWURADE mmeraa, banni ye mmeraa dwirɛ so. Bɛ nnakannaka bɔ ɔte atee bɔ bɛ nana mɔ fale so ne, wamaa bali makyebu.

Amose 2:6

AWURADE nwa nyoo, “Ɔnate Yisrael ye amumuyɛɛ nza, eh, ɔne nna ne ati, mengɔhwe ye so hwenɛ ne mengosa; ofikyɛ bɛtɔne teneneeniɛ bɛfa bede ɛdwetɛ, yeɛ bɛtɔne ehianiɛ bɛfa bede mmaboa.

Sakaria 8:17

nnɛma ɛmɔ nu biala nya obiɛngo nwo adwene tɛɛ, nnɛma ɛmɔ nye gye ngondombo ndaentalɛ nwo, ofikyɛ mekyi sɔ nningyein ne amukoraa, AWURADE noa dwirɛ ɛne.”

Deuteronomi 23:18

Brasua bɔ adwaman nya sikaa, anaakyɛ kyea (bienzua adwamanbɔlɛniɛ) bɔ adwaman nya sikaa a, nnɛfa sikaa ne ba AWURADE wɔ Nyameɛ awuro batua bɔhyɛ biala, ofikyɛ bɛ munyɔ bayɛ bɛ nwo akyiwadeɛ bama AWURADE wɔ Nyameɛ.

Deuteronomi 24:4

ye de ohu bɔ oli moa, bɔ oguale ye wure maa ɔhɔle ne, atee nne berɛ kyɛ sɛ braa ne nwo agua efiɛ ayie a, osa kogya braa ne bieku ɔ, ofikyɛ ɛhe te akyiwadeɛ wɔ AWURADE nyunu. Na ɔnzɛ kyɛ ɛma bɔne ba aseɛ bɔ AWURADE wɔ Nyameɛ ɔ́fa ma wɔ maa ɔyɛ wɔ deɛ ne aso.

Deuteronomi 25:16

Ofikyɛ ebiala bɔ ɔyɔ sɔ nningyein nemɔ ne, ebiala bɔ odi aminɛ nen, wayɛ ye nwo akyiwadeɛ wama AWURADE wɔ Nyameɛ.

Nyekyire 21:27

Nakoso nikyee biala bɔ ye nwo nde, yeɛ bɔ ɔbɔ akyiwadeɛ bra, anaa bɔ ɔpɛ ngondombo ɔ de, ongowura nu; sana bɛ bɔ bahyerɛ bɛ dumaa wɔ Boaen Ba ne ngoa nwomaa ne anu angome.