Anyandera 5:4 - AHYERƐLƐ KRONGRON

⁴ nakoso ɔkwaayie ye bo ne, ɔyɛ wee te kyɛ awɔwee, na ɔyɛ nna te kyɛ sɛpɔ.

Anyandera 5:4 Iomraidhean Croise

Edwein 55:21

ye noa dwirɛ te menemene tra woɛ, nakoso koɛ nwo adwene yeɛ ɔwɔ ye ti anu ɔ; ye noa nu dwirɛ te bɛtɛɛ kyɛ aloko, nakoso edwirɛ ne te ngrandɛ bɔ bahwe ɔ.

Edwein 57:4

Gyata mɔ yeɛ me kra la b’afia ɔ. Bɛ gye te pealɛɛ ne agyaen, bɛ temverema te ngrandɛ nnaennaen.

Anyandera 9:18

Nakoso bienzua ne, ɔnze kyɛ berɛ te ewue kuro ɔ, na mmienzua bɔ bɛkɔ ye nekaa ne, ɛborɔ bo dɔ yeɛ baagua ɔ.

Nworɛ Dwirɛhanɛniɛ 7:26

Na nwuni bɔ ye nwo yɛ suro tra ewue ɔ: Ye ole brasua bɔ ye adwene te ngaen ne ɛtɛen ɔ, bɔ ye sa te ngɔnzɔngɔnzɔ ɔ. Sona bɔ ɔsɔ Nyameɛ nye ne, ode ye nwo fi sɔ braa ne sa nu, nakoso bɔnefoɛ de, ɔtɔ braa ne ngaen nu.

Hebrifoɛ 4:12

Ɔnate kyɛ Nyameɛ dwirɛ ne te ase na anwoserɛ wɔ nu, na ɔyɛ nna tra sɛpɔ biala. Ɔpɛ tonn kɔworo ɛkra ne sunzum b’afia, sona aporɛ so ne ye bowue nu fonyi b’afia, na ɔpɛnzɛpɛnze ahone ne adwene nu nzusuleɛ mukoraa nu.