Anyandera 5:22 - AHYERƐLƐ KRONGRON

²² Bɔnefoɛ ye bɔbɔ ye amumuyɛɛ yeɛ osua ye ngaen kye ye ɔ, na ye bɔne nyamaa yeɛ ɔkyekye ye ɔ.

Anyandera 5:22 Iomraidhean Croise

1 Ahemvo 18:18

Elia buale kyɛ, “Nnhale Yisrael biala, na mmom wɔ ɛne wɔ baba abusuafoɛ yeɛ ɛmɔahã Yisrael ɔ. Ofikyɛ ɛmɔabu AWURADE mmeraa dwirɛ so, na ɛmɔaasɔne mmosoen Baal mɔ.

Ɛseta 9:25

Nakoso mmerɛ bɔ Ɛseta hɔle Nana Ahasuro nyunu nen, Nana Ahasuro hyɛle mmeraa maa bɛhyerɛle, kyɛ Yudafoɛ ti so porɛ bɔ Haman wabɔ ne, odi kyɛ ɔbɔ ye bɔbɔ ye ti so. Na odi kyɛ besinze ye ne ye mma mmienzua nemɔ wɔ bakaa so.

YOB NWOMAA NE 18:8

Ofikyɛ ye bɔbɔ ye gya diedie ye kowura ngaen nu, na otutu ye gya kɔtɔ kumaa nu.

Edwein 40:12

Ofikyɛ amaneɛ bɔ bɛka a bennwu ye noa ɔ, bapɛ me nwo bayia, m’amumuyɛɛ mɔ babungam bafa me so, bɔ ɔmma mengora mennwu nikye ɔ; bɛsone bɛtra me ti nwiaa, na wamaa ahunundetelɛ atɔ me so.

Edwein 9:15

Kumaa bɔ maen maen mɔ batu ne, batete bagua nu; ngaen bɔ besuale bɛfa bɛfeale ne, wasɔ bɛ bɔbɔ bɛ gya.

Edwein 9:17

Bɔnefoɛ bekowu bɛkɔhɔ ɛborɔ, maen maen amukoraa bɔ bɛ wora fi Nyameɛ ne koso, sɔ ala.

Anyandera 1:18

Nakoso sɔ mmenia nemɔ bɛtetɛ bedi bɛ bɔbɔ bɛ nwo awue, na bɛtetɛ bekuku bɛ nwo.

Anyandera 11:3

Sona bɔ ye bra te sannwuu ne, ye nahorɛlilɛ kyire ye atee, nakoso ngondombofoɛ bɛ nnakannaka fa bɛ kɔ ɛsɛkyelɛ nu.

Anyandera 11:5

Sona bɔ ye bra te sannwuu ne, ye tenenee ma ye atee tengyɛ, nakoso bɔnefoɛ de, ye bɔbɔ ye bɔne yeɛ okotua ye kerɛ ɔ.

Anyandera 11:6

Sona bɔ ye bra te sannwuu ne, ye tenenee kɔpepɛ kole ye, nakoso ngondomboniɛ de, ye anyeboroborolɛ kakyi ngaen kye ye.

Anyandera 12:14

Sona noa dwirɛ maa onya nikye paa bɔ ɔma ye kunu dwo ɔ, yeɛ sona nya ye sa noa adwuma nwo akatuaa.

Anyandera 14:32

Bɔnefoɛ ye bɔne yeɛ ɔbrɛ ye ase ɔ, nakoso teneneeniɛ de, ole anyelasoɛ wɔ ye wue nu.

Anyandera 18:7

Kwaseaa ye dwudwolɛ fa ye kɔ amaneɛ nu, na ye noa dwirɛ sua ye kra ngaen.

Anyandera 24:12

ná sɛ ɛkã kyɛ, “Tie, né yɛnze” a, Nyameɛ bɔ ɔse sona ti anu dwirɛ ne, aso onnwuni wɔ anaa? Ye bɔ ɔnea wɔ kra so ne, aso ɔnze anaa? Aso ongotua ebiala kerɛ kyɛbɔ ye yɔleɛ te anaa?

Anyandera 26:27

Ebiala bɔ ɔpɛ kumaa ne, ɔkɔte kɔtɔ nu, yeɛ sona bɔ omunu nyɔboɛ ne, nyɔboɛ ne kosa ye si kɔɔtɔ ye so.

Nworɛ Dwirɛhanɛniɛ 7:26

Na nwuni bɔ ye nwo yɛ suro tra ewue ɔ: Ye ole brasua bɔ ye adwene te ngaen ne ɛtɛen ɔ, bɔ ye sa te ngɔnzɔngɔnzɔ ɔ. Sona bɔ ɔsɔ Nyameɛ nye ne, ode ye nwo fi sɔ braa ne sa nu, nakoso bɔnefoɛ de, ɔtɔ braa ne ngaen nu.

Yeremia 2:19

Wɔ bɔbɔ wɔ bɔne kɔbɔ wɔ ti so, na Nyameɛ si lilɛ bɔ ayakyi ne, sɔ suban ne kobua wɔ foɛ. Nwu ye ná kaye kyɛ ɔte aworabɔlɛ dwirɛ kyɛ ɛkɔpo AWURADE wɔ Nyameɛ ɔ; na me nwo suronyi ɔnne wɔ nu. AWURADE, Asafo Nyameɛ noa dwirɛ ɛne.

Awuye 1:14

“Wafa ye sa wakyekye me mmeraatolɛ ne maa wakakyi kɔnnua. Basina baya me kɔme anu, wama m’anwoserɛ ayie. Bɛ bɔ mengora bɛ nyunu gyina ne, AWURADE afa me wawura bɛ sa.

Obadia 1:15

Ofikyɛ AWURADE kyẽa ne wapingye wɔ maen maen amukoraa bɛ so. Kyɛbɔ ayɔ ne, sɔ ala yeɛ bɛkɔfa bɛkɔyɔ wɔ ɔ; wɔ yɔleɛ kɔbɔ wɔ bɔbɔ wɔ ti so.

Numeri 32:23

Nakoso sɛ ɛmɔanyɔ sɔ a, ye de ɛmɔayɔ bɔne batia AWURADE, na ɛ́mɔkaye kyɛ ɛmɔ bɔne nwo asohwenɛ kɔwa ɛmɔ so.

Hebrifoɛ 13:4

Odi kyɛ ebiala di agyaa ni, na nnɛma ebiala gua agyaa mba nwo fiɛ, ofikyɛ Nyameɛ kobua adwamanbɔlɛfoɛ ne agyaasɛkyelɛfoɛ ndɛen.

Maenbulɛfoɛ 20:41

Afei Yisrael koɛhonɛfoɛ kure piri ne kakyili bɛ nye, na Benyaminfoɛ nye so tanene, ofikyɛ benwuni kyɛ edwirɛ piri ato bɛ.

Maenbulɛfoɛ 9:57

Nyameɛ mane Sɛkemfoɛ bɛ bɔne amukoraa bɔle bɛ ti so, na Yerubaal awa Yotam ɛnomalɛ ne wale bɛ so.