Anyandera 5:12 - AHYERƐLƐ KRONGRON

¹² ná anga kyɛ, “Ao, ɔyɛle me ahi kyɛ ngotie foɛtulɛ ɔ, na me kra hyili ye kɔkɔkɔkɔ kyɛ bekohwi me nyunu ɔ!

Anyandera 5:12 Iomraidhean Croise

Gyenesise 19:9

Nakoso besele ye kyɛ, “Dwɔso berɛ kɔ dɔ!” Na besa bɛhane kyɛ, “Sɔ akoaa he te amanvraniɛ yeɛ waatena wa ɔ, nakoso wayɛ ye nwo ndɛenbualɛniɛ! Bɔ yɛkɔfa yɛkɔyɔ wɔ ne, ɔkɔtra bɛ deɛ ne!” Afei bɛhɔle Lɔto so, na bɛhɔle anoa ne anwo kyɛ bɛkwaatu ye bo.

2 Aberɛso Dwirɛ 25:16

Nakoso ngɔmhyɛlɛniɛ ne noa wɔ so bɔ odwudwo ne, Nana Amasia sele ye kyɛ, “Nwa yeɛ ɔyɛle wɔ Nana ye tufohene ɔ? Ka wɔ noa to nu. Wanyɛ sɔ a, ngohũ wɔ.” Yiti ngɔmhyɛlɛniɛ ne yakyili ngɔm ne hyɛlɛ, nakoso osele kyɛ, “Me de mese kyɛ Nyameɛ pena kyɛ oku wɔ ɔ, ɔnate bɔ ayɔ ɔ, ɔne kyɛ andie me foɛtulɛ ne ati.”

2 Aberɛso Dwirɛ 36:16

Nakoso bɛhɔle so bɛgorole Nyameɛ ɛbɔfoɛ nemɔ anwo, bamva ye dwirɛ banyɛ huu, na bɛserele ye ngɔmhyɛlɛfoɛ nemɔ alaa kɔpem kyɛ AWURADE ɛyaa piri bɔ wafɛ ye wɔ ye maen so ne, ɔhɔle anwuro maa né bɛyɔ ye nwo hwee a ɔnyɛ yé ɔ.

Edwein 50:17

Ofikyɛ ekyi kyɛ ngɔtea wɔ ɔ, yeɛ afa me dwirɛ ato ahameɛ.

Edwein 73:22

né nde kyɛ sona kwaseaa bɔ ɔnze hwee ɔ, nyɛle kyɛ kaka bie wɔ wɔ nye so.

Anyandera 1:22

“Ɛmɔ bɔ ɛmɔ adwene te nganga ɔ, ɛmɔpena kyɛ ɛmɔ adwene yɛ nganga kodwu kyinzu? Ngorohoɛfoɛ nye kɔgye bɛ ngorohoɛ nwo koodwu kyinzu? Yeɛ ngwaseafoɛ kohyi nimdeɛ koodwu kyinzu?

Anyandera 1:25

bɔ me foɛtulɛ amukoraa gua ɛmɔ so asi, ná ɛmɔmva ɛmɔ nyunu bɔ metwi ne bɛnyɛ huu ne ati,

Anyandera 1:7

AWURADE surolɛ yeɛ ɔte nimdeɛnyanɛ ye bohyɛlɛ ɔ, na ngwaseafoɛ de, bɛmva nworɛ ne ngyerɛkyerɛ bɛnyɛ huu.

Anyandera 10:17

Sona bɔ otie foɛtulɛ ne, ɔnate ngoa atee so, nakoso bɔ ɔpo bɛ nyunu hwilɛ ne de, odi makyebu fi atee ne aso.

Anyandera 12:1

Ebiala bɔ okuro kyɛ bɛtengyɛtengyɛ ye ne, okuro nimdeɛ, nakoso bɔ okyi kyɛ bɛkɔhã ye nyunu ne de, wagyimi.

Anyandera 13:18

Betu wɔ foɛ ná endie a, ehiaa ne animguaseɛ kã wɔ, nakoso sɛ ede wɔ nyunu hwilɛ to nu a, enya animnyam.

Anyandera 15:5

Kwaseaa mva ye baba foɛtulɛ nyɛ huu, nakoso sona bɔ betwi ye nyunu a otie ne, ɔte badwemma.

Anyandera 5:11

ná wɔ ngoa ayieleɛ ne, wando wɔ ne ɛpenenɛ, mmerɛ bɔ anwonyerɛ adidi wɔ sonaluwaa ne anwoɔnaen ne,

Anyandera 6:23

Ofikyɛ mmeraa dwirɛ ne te kanea, yeɛ ngyerɛkyerɛ ne te hyireinn, na betwi wɔ nyunu bɛtengyɛtengyɛ wɔ a, ɔte asetena nu esaa bɔ ɔla berɛ ɔ;

Anyandera 8:36

nakoso bɔ ɔkɔyɔ bɔne kotia me ne de, ɔyɛ ye bɔbɔ ye kra aborɛ, ebiala bɔ ɔpɔ me ne, né ewue yeɛ okuro ɔ.”

Yeremia 44:4

Nakoso ndoale so nzomane me somvoɛ ngɔmhyɛlɛfoɛ amukoraa wɔ ɛmɔ berɛ kyɛ beese ɛmɔ kyɛ, ‘Ao, nnɛma ɛ́mɔyɔ musue nikye he bɔ mekyi ne!’