Anyandera 4:7 - AHYERƐLƐ KRONGRON

⁷ Nworɛ te nikye titire, yiti sua nworɛ, w’anwonya mukoraa si ne, pena ndeaseɛ.

Anyandera 4:7 Iomraidhean Croise

2 Aberɛso Dwirɛ 1:10

Yiti ma me nworɛ ne nimdeɛ bɔ ngɔfa ngɔla wɔ maen ye noa ɔ; ofikyɛ wɔ maen piri ye, nwa yeɛ ɔkɔhora kɔla ye noa ɔ?”

Edwein 119:104

Wɔ nhyehyɛleɛ nu yeɛ menya nimdeɛ ɔ; yiti mekyi ngondombo atee biala.

Anyandera 16:16

Ɛse nworɛ a, kyɛbɔ osi te paa tra sikaa kɔkorɛ ɔ! Yeɛ sɛ ɛte badwemma a, ɔte paa tra kyɛ ekonya ɛdwetɛ ɔ.

Anyandera 2:4

sɛ ɛpena ye si atee kyɛbɔ ɛpena ɛdwetɛ, ná ɛpena ye kyɛ agyapadeɛ bɔ bafa bafea ɔ hɔ a,

Anyandera 21:6

Anwonya bɔ bɛfa nnakannaka so benya ye ne, ɔte mbaen, na ɔte bɛ so ewue ngaen.

Anyandera 23:23

Tɔ nahorɛ, na nnɛyɛ ye atɔen; yeɛ tɔ nworɛ, foɛtulɛ, ne nimdeɛ.

Anyandera 4:5

Sua nworɛ, sua nworɛ bɔ nu pi ɔ. Nnɛma wɔ wora fi, yeɛ nnɛyakyi me noa dwirɛ so lilɛ.

Anyandera 8:23

Ɔhyehyɛle me fili tetetete, ɔ́hyɛ ye bo ne, koraka yeɛ ɔ́bɔ aseɛ ɔ.

Nworɛ Dwirɛhanɛniɛ 4:8

Sona bɔ wayɛ angonam bɔ olle ba anaa aliɛmaa ɔ, nakoso adwuma serɛ alaa yeɛ ɔkɔ so yɔ ɔ, na ye nye nzɔ ye anwonya bɔ wanya ye ɔ. Na obisa ye nwo kyɛ, “Adwuma bɔ mefɛ me nwo meyɔ, bɔ mama m’anigye abɔ me ye, nwa yeɛ mefɛ mema ye ɔ?” Ɛhe koso te mbaen ne adwuma fuin.

Nworɛ Dwirɛhanɛniɛ 7:12

Ofikyɛ nworɛ ɔbɔ wɔ nwo waen kyɛbɔ sikaa ɔbɔ wɔ nwo waen ne, na nimdeɛ nwo mvasoɛ ole kyɛ, nworɛniɛ ye nworɛ maa onya ngoa.

Luka 10:42

nikyee komapɛ yeɛ ohia ɔ: Na Maria de, bɔ ɔte paa ne yeɛ waneanea nu waye ɔ, na ɛhe de, bengole bengofi ye sa nu.”

Luka 12:20

Nakoso Nyameɛ sele ye kyɛ, ‘Kwaseambane! Kɔngɔen ye ala ngole wɔ kra ngofi wɔ sa nu; na nningyein bɔ apena agua berɛ ne, nwa yeɛ bɛkɔyɛ ye deɛ ɔ?’

Filipifoɛ 3:8

Amba, ɔnate m’Awurade Kristo Yesu nwo nimdeɛ mmorosoɛ ne ati, mebu nningyein amukoraa kyɛ bafi me sa. Ɔnate ye ti nningyein amukoraa afi me sa, nakoso mebu bɛ kyɛ fofoɛ so wura mbaen, amaa ɔnate so manya Kristo;