Anyandera 4:4 - AHYERƐLƐ KRONGRON

⁴ me baba tuli me foɛ sele me kyɛ, “Fa me dwirɛ bɔ mekã ne to wɔ ti anu, di me mmeraa dwirɛ so, ná nya ngoa.

Anyandera 4:4 Iomraidhean Croise

Gyenesise 18:19

Mapa nu maye ye, kyɛ ɔ́hyɛ ye mma ne ye boso ama bɔ bɛkɔwa nziɛ ye ma bɛnate AWURADE atee so, ma bɛyɔ bɔ ɔtengyɛ, ɔne bɔ ɔte pɛpɛɛpɛ ɔ; amaa ɔnate so AWURADE ama ɛbɔ bɔ wahyɛ Abraham ne awa nu.”

1 Aberɛso Dwirɛ 28:9

“Na afei, mma Solomon, AWURADE wɔ baba ye Nyameɛ ne, odi kyɛ enwu ye yé, ná ɛfa ahone bɔ nu te, ɔne sotie ɛso ye. Ofikyɛ AWURADE neanea ahone amukoraa nu, na ɔse nzusuleɛ ne adwene biala. Sɛ ɛpena ye si ate a, ekonwu ye, nakoso sɛ ɛpo ye a, ɔkɔye ye sa kofi wɔ bo afebɔɔ.

Edwein 119:11

Mafa wɔ dwirɛ ne masie me ti anu, amaa ɔnate so manyɔ bɔne mandia wɔ.

Edwein 119:144

Wɔ noa dwirɛ te tenenee daa; ma me nimdeɛ, amaa ɔnate so manya ngoa.

Edwein 119:168

Medi w’ahyɛdeɛ ne wɔ noa dwirɛ so, ofikyɛ m’atee amukoraa la wɔ nyunu.

Anyandera 22:6

Tete akwadaa ma onwu atee paa bɔ odi kyɛ ɔfa so ɔ, amaa sɛ onyi a wamvi so.

Anyandera 23:26

Mma, fa w’adwene ma me, ná ma wɔ nye gye m’atee nwo.

Anyandera 3:1

Mma, nnɛma wɔ wora fi me foɛtulɛ ne, na mmom fa me mmeraa dwirɛ nemɔ sie wɔ ti anu;

Anyandera 3:2

ofikyɛ bɛkɔmaa ekonyi kɔhyɛ, ekonya ngoa tendenn, ná wayie wɔ yé.

Anyandera 7:2

Di me mmeraa dwirɛ so ná nya ngoa; ma me ngyerɛkyerɛ nwo hia wɔ kyɛ wɔ nye kyiremvua;

Yesaya 55:3

Ɛ́mɔyɛ asoɛ bétie, ná ɛmɔbra me berɛ; ɛ́mɔtie, amaa ɔnate so ɛmɔ kra anya ngoa. Me ne ɛmɔ yɛkɔyɛ apam afebɔɔ, bɔ ɔte me ɔdɔ bɔ onni ngasi bɔ nne ye ma Dawide ne.

Yeremia 38:20

Nakoso Yeremia buale kyɛ, Bɛngɔfa wɔ bengowura bɛ sa. Mesrɛ wɔ, tie AWURADE noa dwirɛ bɔ mekã mekyire wɔ ye, na okoyie wɔ yé, na wɔ kra konya ye ti kodidi nu.

Yohane 12:50

Na mese kyɛ ye ahyɛdeɛ te daa ngoa. Yiti edwirɛ bɔ mekã ne, kyɛbɔ Baba ne ahã ahyire me ne, sɔ ala yeɛ mekã ɔ.”

Ɛfesofoɛ 6:4

Seɛ mɔ, nnɛma ɛmɔhu ɛmɔ mma mɔ b’ahone, na mmom ɛ́mɔtete bɛ wɔ Awurade ndeteyɛɛ ne foɛtulɛ nu.

Deuteronomi 4:9

“Nakoso ɛ́mɔnea yé, ɛ́mɔnea ɛmɔ nwo yé, ná ɛmɔ wora amvi nningyein bɔ ɛmɔ nye anwu ye ne, yeɛ nnɛmɔma ofi ɛmɔ ti anu le wɔ mmerɛ biala bɔ ɛmɔte ngoa nu ɔ. Ɛ́mɔfa béhyirehyire ɛmɔ mma ne ɛmɔ nnomaa;

Deuteronomi 6:6

Na mmeraa bɔ méhyehyɛ méma wɔ ɛnɛ ye, maa ɔla w’ahone nwo.

2 Timoteo 1:5

Na ɔmaa mekaye wɔ nahorɛ gyidie ne, gyidie bɔ wɔ nana Loyese ne wɔ maame Yunise belili moa benyane ye ne, na mede medi kyɛ wɔ koso ele bie.

2 Timoteo 3:15

ɔne kyɛbɔ ofi wɔ ngwadaa nu yeɛ anwu Ahyerɛlɛ Krongron ne kyɛ ɔkora maa enwu nworɛ bɔ ɔnate Yesu Kristo nu gyidie so ɔfa wɔ kɔ ngoalelɛ nu ɔ.

Hebrifoɛ 5:9

na olili mu yiele nen, ɔɔyɛle ngoa bɔ olle ayieleɛ ti mane bɛ bɔ bɛyɔ sotie bɛma ye nemɔ amukoraa,

Maenbulɛfoɛ 13:12

Yeɛ Manoa bisale kyɛ, “Sɛ wɔ dwirɛ ne ba nu a, nzikyɛ nhyehyɛleɛ yeɛ ɔfa akwadaa ne anwo ɔ? Nzikyɛ yeɛ odi kyɛ ɔyɔ ɔ?