Anyandera 4:3 - AHYERƐLƐ KRONGRON

³ Me ngwadaa nu bɔ né me ne me baba yɛwɔ berɛ ne, bɔ né nde kãa, ná me ni di me bahorɛ ne,

Anyandera 4:3 Iomraidhean Croise

1 Aberɛso Dwirɛ 22:5

Na Dawide hane kyɛ, “Mma Solomon te kãa, yeɛ afei onnya onnwuni nningyein nye so yé. Awuro bɔ yɛsi yɛma AWURADE ne koso, odi kyɛ ɔyɛ nyemene paa bɔ okole dumaa maa bɛkɔkamvo ye wɔ maen amukoraati so ɔ. Yiti odi kyɛ mepena ye silɛ nwo nningyein megua berɛ.” Yiti Dawide penane suasilɛ nningyein pee guale berɛ koraka yeɛ owu ɔ.

1 Aberɛso Dwirɛ 29:1

Nana Dawide sele maen ne amukoraa kyɛ, “Mma Solomon bɔ Nyameɛ waneanea nu waye ye ngome ne, ɔte akwadaa ná onnwuni nningyein nye so yé paa. Nakoso adwuma ne, ɔte piri paa, ofikyɛ sua ne, nna kuro sona sua ɔ, na mmom AWURADE Nyameɛ bɔbɔ deinn ye deɛ ɔ.

1 Aberɛso Dwirɛ 3:5

Ɔwole mmaa hemɔ koso wɔ Yerusalem: Simea, Sobabo, Natan, Solomon, yeɛ ngwadaa nna bɔ ɔne Amiɛl awa Bate Sua bɛwole bɛ ne,

Yeremia 10:23

Ao AWURADE, mese kyɛ kuro sona ye asetena nu dwirɛ, ɔnne ye bɔbɔ ye sa nu; kyɛ kuro sona biala ye asetena nu, olle ye nwo.

Sakaria 12:10

“Ngohwie ɛlolɛ ne sufrɛ sunzum ngogua Dawide awuro ama ne Yerusalemfoɛ so, amaa ɔnate so bafa bɛ nye bato me bɔ basina me ne aso; na bekosu ye kyɛbɔ sona su ye bahorɛ ɔ, yeɛ bekosu ye hahii kyɛbɔ sona sũ ye bamuɛbaa ɔ.

Romanfoɛ 12:16

Ɛmɔ amukoraa bɛ́yɛ adwene ko; na nnɛma ɛmɔmoma ɛmɔ nwo so, na mmom ɛ́mɔbrɛ ɛmɔ nwo ase. Nnɛma ɛmɔbu ɛmɔ nwo nworɛfoɛ.