Anyandera 4:24 - AHYERƐLƐ KRONGRON

²⁴ Nnɛfa wɔ noa kekã nnakannaka dwirɛ, twe wɔ nwo fi ngondombo dwirɛ kekanɛ nwo.

Anyandera 4:24 Iomraidhean Croise

YOB NWOMAA NE 11:14

Sɛ bɔne wɔ wɔ nu a, yakyi ye yɔlɛ korakorakora, yeɛ nnɛma amumuyɛɛ tena w’awuro.

Edwein 34:14

Twe wɔ nwo fi bɔne nwo, ná yɔ bɔ ɔte paa ɔ, pena asomdwee si atee, na fa bɔ wɔ bra.

Anyandera 10:32

Teneneeniɛ ye noa se edwirɛ bɔ bɛkã a ɔtɔ asoɛ nu ɔ, nakoso bɔnefoɛ noa de, ɔkã nnakannaka dwirɛ.

Anyandera 17:20

Sona bɔ ɔte kanda ne, onyie ye yé, yeɛ nnakannaka sona wora musue to ye.

Anyandera 19:1

Ehianiɛ bɔ ye bra te sannwuu ne, ɔte paa tra sona bɔ ɔte nnakannaka ne kwaseaa ɔ.

Anyandera 4:25

Ma wɔ nye nea wɔ nyunu tee, ná ma wɔ ndo nwiaa ɔnea wɔ nyunu tee.

Anyandera 6:12

Sona mbaen, busueniɛ, ɔnate kekã nnakannaka dwirɛ,

Anyandera 8:13

Esuro AWURADE a, né ekyi bɔne: mekyi anwomasoɛ ne ahandaen, bɔne yɔleɛ ne ngondombopɛlɛ.

Anyandera 8:8

Me noa dwirɛ amukoraa tengyɛ, nnakannaka anaa ngondombo biala nne nu.

Hesekiel 18:31

Mmeraatolɛ amukoraa bɔ ɛmɔato ne, ɛ́mɔgyi ye mukoraa béfi ɛmɔ so bégua, ná ɛmɔnya adwene foforɛ ne sunzum foforɛ. O Yisrael awuro ama, nzu ati yeɛ odi kyɛ ɛmɔwuwu ɔ?

Kolosefoɛ 3:8

Nakoso kekesaala ye de, ɛ́mɔgyi ɛhemɔ amukoraa bégua: ɛyaafɛlɛ, ahone tɛɛ, ɛpɔen, musue dwirɛ ne edwudwolɛ fiɛ.

1 Timoteo 6:5

manzoenhwenɛ wɔ mmenia bɔ b’adwene awu ɔ nu, bɔ bɛne nahorɛ abɔ nzahoɛ, bɔ besusu kyɛ nyamesom paa ma sona nya ye nwo ɔ.

Yakobo 1:21

Yiti ɛ́mɔgyi bra fiɛ ne bɔne yɔleɛ amukoraa bégua, ná ɛ́mɔfa anwobrɛaseɛ betira edwirɛ bɔ balua ye wɔ ɛmɔ nu ne anu, na ye yeɛ ɔkora de ɛmɔ kra ngoa ɔ.

Yakobo 1:26

Sɛ ebie dwene kyɛ ɔte nyamesomniɛ, ná wannea ye dwudwolɛ so yé, ná mmom ɔlakalaka ye nwo a, sɔ sona ne nyamesom te mbaen.

1 Petro 2:1

Yiti ɛ́mɔgyi bɔne yɔleɛ amukoraa, nnakannaka amukoraa, nyaatwomyɛlɛ, ɛpɔen ne nzekure amukoraa bégua.