Anyandera 4:18 - AHYERƐLƐ KRONGRON

¹⁸ Nakoso teneneefoɛ de, b’atee te kyɛ ngyerɛmɔ yia bɔ wapukye ɔ, na ɔbɔ toonn kodwu eyia ketee.

Anyandera 4:18 Iomraidhean Croise

2 Samuel 23:4

ɔte hyireinn kyɛ eyia bɔ wapukye ngyerɛmɔ ɔ, bɔ munungum nne ye nyunu ɔ, ɔte kyɛ eyia bɔ esue tɔ gua ndire so a, ɔbɔ so ɔ.

YOB NWOMAA NE 11:17

Wɔ ngoa kɔta hyireinn kɔtra eyia ketee, na ye awosii po ɔkɔyɛ kyɛ ngyerɛmɔ.

YOB NWOMAA NE 17:9

Nakoso sona bɔ ɔtengyɛ de, ye atee so yeɛ ɔnate ɔ, yeɛ bɛ bɔ bɛ bra te sannwuu ne, bɛkɔ so benya anwoserɛ.

YOB NWOMAA NE 23:10

Nakoso ye de, ɔse atee bɔ mefa so ɔ, na sɛ oso me nea a, ngofi nu ngofite ma me nwo kɔyɛ hyɛmm kyɛ sikaa kɔkorɛ.

Edwein 84:7

Bɛnate a, befi anwoserɛ nu bɛkɔ anwoserɛ nu, na bɛ nu biala bafite Nyameɛ nyunu wɔ Sion.

Edwein 97:11

Kanea ta ma teneneefoɛ, yeɛ bɛ bɔ b’ahone nu te ne koso, benya anigye.

Anyandera 13:9

Teneneefoɛ kanea ta hyireinn, nakoso bɔnefoɛ kanea de, onua.

Anyandera 15:24

Ngoa atee bɔ ɔkɔ anwuro yeɛ nworɛniɛ fa so ɔ, amaa ɔnate so wangɔ ɛborɔ wɔ aseɛ bo dɔ.

Anyandera 2:20

Yiti agyirɛ bɔ mmeni paa betu ne, tu bie, ná fa teneneefoɛ b’atee ne aso bie.

Anyandera 2:9

Na afei ɛkɔte tenenee, nahorɛlilɛ, pɛpɛɛpɛyɛlɛ ne atee bɔ ɔte paa biala bo.

Yesaya 26:7

Teneneeniɛ atee tengyɛ, ɛma teneneeniɛ atimbire da so yɔɔ.

Daniel 12:3

Bɛ bɔ bɛte mmadwemma ne, bɛkɔta kyɛbɔ ewienu ta ɔ; yeɛ bɛ bɔ behyirehyirele mmeni pee maa bɛfale tenenee atee so ne, bɛ wora bɛkɔta kyɛ nzramaa afebɔɔ.

Hosea 6:3

Ɛ́mɔma yɛnwu ye, ɛ́mɔma yɛpere yɛpena AWURADE nwo nimdeɛ. Ye walɛ ne, osi pi kyɛ ngyerɛmɔ; na ɔkɔwa yɛ berɛ kyɛ esue, kyɛ bamborɔ bɔ ɔtɔ gua aseɛ so ɔ.”

Mateo 5:14

“Ɛmɔte wiase kanea. Kuro bɔ ɔla bokaa so ne, ɔngora mvea.

Mateo 5:16

Yiti ɛ́mɔma ɛmɔ kanea ɔta ma mmenia nwu ye, amaa ɔnate so banwu ɛmɔ yɔleɛ paa ne, ná bakamvo ɛmɔ Baba bɔ ɔwɔ nyameɛso ne.

Mateo 5:45

amaa ɔnate so ɛmɔayɛ ɛmɔ Baba bɔ ɔwɔ nyameɛso ne mma. Ɔnate kyɛ ɔma ye yia bɔ bɔnefoɛ mmenia ne mmeni paa so, na ɔtɔ esue gua teneneefoɛ ne bɛ bɔ bɛndengyɛ ɔ so.

Yohane 8:12

Yeɛ Yesu sele bɛ bieku kyɛ, “Me ole wiase kanea ne; ebiala bɔ oli me si ne, ɔngɔnate awosii nu le, na okonya ngoa kanea ne.”

2 Korintofoɛ 3:18

Baye yɛ mukoraa yɛ nyunu ngatanyunu ne, yiti yɛnwu Awurade animnyam ne kyɛ yɛnea neanu nu ɔ, na Awurade Sunzum ne gu so ɔsesã yɛ maa yɛnya ye sue ne bie yɛfi animnyam nu yahɔ animnyam nu.

Filipifoɛ 2:15

amaa ɛmɔayɛ mmenia bɔ edwirɛ nne bɛ nwo bɔ bɛ nwo sonn, Nyameɛ mma bɔ ngekalewa biala nne ɛmɔ nwo wɔ bɔnefoɛ maen bɔ bali makyebu, bɔ ɛmɔta wɔ bɛ nu kyɛ kanea bɔ ɔwɔ wiase,

2 Petro 1:19

Na yɛsa yɛle ngɔmhyɛlɛ dwirɛ bɔ ɔma y’adwene si pi paa tra sɔ ɔ. Na ɛhe yeɛ ohia paa kyɛ ɛmɔnea ye yé, kyɛ kanea bɔ ɔta awosii nu maa okoodwu kyɛ aleɛ kɔhye, ná ngyerɛmɔ nzramaa kɔta ɛmɔ ahone nu ɔ.

2 Petro 3:18

Na mmom, ɛmɔhɔ so benyi wɔ y’Awurade ne yɛ Ngoadefoɛ Yesu Kristo adom ne ye nwo nimdeɛ nu. Ye yeɛ animnyam hã ye kekesaala ye ɔne daa daa ɔ. Amen.

Nyekyire 21:23

Na kuro ne nhia kyɛ eyia kɔbɔ nu anaa ɛsraen kɔta nu ɔ, ofikyɛ Nyameɛ animnyam ta wɔ nu, na Boaen Ba ne yeɛ ɔte ye kanea ɔ.

Nyekyire 22:5

Na aleɛ ngɔsa berɛ ko; yeɛ benhia kanea anaa eyia ye hyireinn; ofikyɛ Awurade Nyameɛ yeɛ ɔkɔyɛ bɛ kanea ɔ, na bekoli hene afebɔɔ.

Maenbulɛfoɛ 5:31

Yiti AWURADE, ma wɔ pɔfoɛ amukoraa, bɛ boso ónua! Nakoso bɛ bɔ bekuro wɔ dwirɛ de, maa bɛyɛ kyɛ eyia bɔ ɔbɔ gyireingyirein ɔ.” Na asomdwee wale aseɛ ne aso afoɛ aburanna.