Anyandera 4:17 - AHYERƐLƐ KRONGRON

¹⁷ Ofikyɛ bɔne yɔleɛ te be gye aleɛ, yeɛ basabasayɔlɛ te bɛ nzaa bɔ bɛno ɔ.

Anyandera 4:17 Iomraidhean Croise

Edwein 14:4

Bɔnefoɛ amukoraa, aso nimdeɛ abɔ bɛ anaa; bɛ yeɛ bedi me mmenia aminɛ kyɛbɔ bedi aleɛ, ná bɛnzɔne AWURADE ɔ?

Anyandera 13:2

Sona paa noa dwirɛ maa onya nningyein paa, nakoso ngondomboniɛ de, basabasayɔlɛ te ye kra aleɛ.

Anyandera 20:17

Aleɛ bɔ sona fa nnakannaka so nya ye ne, ɔyɛ fɛ, nakoso ye si ye, nyɔboseka yi ye noa nu to.

Anyandera 9:17

“Awue nzue yɛ fɛ, na aleɛ bɔ ɛkɔfea wɔ nwo koli ne, ɔyɛ fɛ.”

Yesaya 5:18

Bɛ yaakɔ! Bɛ bɔ bɛfa nnakannaka nyamaa bɛtwetwe amumuyɛɛ ɔ, bɛ bɔ bɛtwetwe bɔne kyɛ teaseɛnam nyamaa yeɛ bɛfa bɛtwe ne,

Yesaya 5:20

Bɛ yaakɔ! Bɛ bɔ bɛkã kyɛ bɔne te paa, ɔne kyɛ paa te bɔne ɔ; bɛ bɔ bɛfa awosii bɛyɛ kanea, ná bafa kanea bayɛ awosii ɔ; bɛ bɔ bɛnwa nikyee weewee te menemene, ná nikyee menemene koso yɛ wee ɔ!

Yeremia 9:4

Odi kyɛ ebiala ɔnea ye nwo yé wɔ obiɛngo anwo, na nnɛfa wɔ wora wura eliɛma nu, ofikyɛ aliɛmaa biala ɔpepɛ sona gya ndii nu, na abiɛngoɛ biala ɔnate di nzekure.

Mika 3:5

Ngɔmhyɛlɛfoɛ bɔ bɛma me maen di makyebu, bɔ ɛma bɛ aleɛ maa bedi a bɛkekã kyɛ, “Asomdwee oo, asomdwee oo”, nakoso sɛ ebie amma bɛ aleɛ maa banni a, bɛfa koɛ bɛtoa ye ne, bɔ AWURADE kã fa bɛ nwo ɛne.

Mika 6:12

Ofikyɛ basabasayɔlɛ wali sikafoɛ nemɔ bɛ ti, kuro ne anu ama bɛpɛ ngondombo, na bɛ noa nu dwirɛ te nnakannaka.

Mika 7:3

Bɛ sa nyɔ ne, ɔbɔ bɔneyɔlɛ nwo mmɔden, mbanyi ne ndɛenbualɛfoɛ bede fea-ase-ma, na tumifoɛ nemɔ bɛkã nikyee tɛɛ bɔ bɛ kra kuro ɔ nhyɛsoɛ so; sɔ yeɛ bɛbɔ nu bɛbɔ porɛ tɛɛ ɔ.

Sefania 3:3

Nu mbanyi mɔ bɛte gyata mɔ bɔ bɛbobɔ nu ɔ; ye maenbulɛfoɛ bɛte nɔsoa mbataku bɔ bɛnyakyi bowue po mma aleɛ ngye so ɔ.

Mateo 23:13

“Ahyerɛlɛfoɛ ne Farasiifoɛ, ɛmɔ yaakɔ! Nyaatwomfoɛ! Ofikyɛ, ɛmɔto nyameɛso ahennie ne anu betia mmenia. Ɛmɔ bɔbɔ a ɛmɔngɔ nu, nakoso bɛ bɔ bɛ́kɔ nu ne, ɛmɔmma bɛ ate mma bɛngɔ nu. [