Anyandera 31:9 - AHYERƐLƐ KRONGRON

⁹ Te wɔ noa dwudwo, bua ndɛen bɔ ɔtengyɛ ɔ, di ehiafoɛ ne bɛ bɔ bɛyɛ anwumvo ɔ bɛ dwirɛ ma bɛ.

Anyandera 31:9 Iomraidhean Croise

2 Samuel 8:15

Yiti Dawide lili Yisrael amukoraa so hene. Nahorɛlilɛ ne pɛpɛɛpɛyɛlɛ yeɛ ɔfa lili ye mmenia ne amukoraa so ɔ.

YOB NWOMAA NE 29:12

ofikyɛ mmokale mmenia bɔ bɛyɛ anwumvo bɔ besu bɛpena mmokalɛ ɔ, ɔne awisiafoɛ bɔ belle bokafoɛ ɔ.

Edwein 82:3

Ɛmɔli ehiafoɛ ne nyisiaafoɛ bɛ dwirɛ bɛma bɛ; ɛ́mɔbua bɛ bɔ bɛyɛ anwumvo ne bɛ bɔ belle bie ɔ ndɛen turoloo.

Anyandera 16:12

Ɔte akyiwadeɛ ma ahemvo kyɛ bɛkɔyɔ bɔne ɔ, ofikyɛ ɔnate tenenee so yeɛ bia ne bo tira ndii ɔ.

Anyandera 20:8

Sɛ ɛhene tena ndɛenbualɛ bia so a, ɔfa ye nye kari nwu bɔ ɔte bɔne amukoraa.

Anyandera 29:7

Teneneeniɛ dwene bɛ bɔ bɛyɛ anwumvo ɔ nwo, nakoso bɔnefoɛ de, olle sɔ adwene ne.

Yesaya 1:17

Ɛ́mɔsua bɔ ɔte paa ɔ bɛyɔ, ɛ́mɔpena pɛpɛɛpɛyɛlɛ si atee, ɛ́mɔpepɛ bele bɛ bɔ bɛyɛ anwumvo ɔ, ɛ́mɔhã bie bɛma nyisiaafoɛ, ná ɛmɔgyina akunafoɛ mmrasua si.

Yesaya 1:23

Wɔ mbanyi ayɛ lɔen, na bafa awuefoɛ abiɛngoɛ. Bɛ mukoraa bɛ nye gye fea-ase-ma nwo, na bɛpere bɛpena akyɛdeɛ. Bɛnga bie bɛmma nyisiaafoɛ, na akunafoɛ mmrasua dwirɛ ba bɛ nyunu a bɛmvrɛ.

Yesaya 11:4

na mmom tenenee yeɛ ɔkɔfa kobua anwumvoinfoɛ ndɛen ɔ, na pɛpɛɛpɛyɛlɛ yeɛ ɔkɔfa koli anwobrɛaseɛfoɛ bɛ dwirɛ kɔma bɛ ɔ. Ye noa nu dwirɛ yeɛ ɔkɔfa kɔyɛ mbire kofi aseɛ ɔ, na ɔkɔfa ye noa nu nwomeɛ kohũhũ bɔnefoɛ.

Yeremia 21:12

Ao Dawide awuro ama! Bɔ AWURADE kã ɛhe: Ɛ́mɔbua ndɛen turoloo ngyerɛmɔ, na ebiala bɔ babɔ ye apoo ne, ɛ́mɔpepɛ bele ye béfi aminɛlilɛfoɛ bɛ sa nu, wanyɔ sɔ a, m’ahone kohu kyɛ see, na okogye bɔ ebiala ngɔhora ye nua ɔ, ɔnate ɛmɔ bɔne yɔleɛ nemɔ ati.’ ”

Yeremia 22:3

Bɔ AWURADE kã ɛhe: Ɛ́mɔbua ndɛen turoloo, ná ɛ́mɔyɔ bɔ ɔtengyɛ ɔ. Na ebiala bɔ babɔ ye apoo ne, ɛ́mɔpepɛ bele ye béfi aminɛlilɛfoɛ bɛ sa nu. Nnɛma ɛmɔyɔ bɔne betia ɛwɔfoɛ, ayisiaa anaa kunaniɛ, yeɛ nnɛma ɛmɔsisi bɛ. Afei koso, nnɛma ɛmɔkã mogya bɔ odi be ɔ begua wɔ ɛwa.

Yeremia 23:5

“Tie, mmerɛ bie ɔba, AWURADE noa dwirɛ ɛne, bɔ ngɔma Mmaen bie bɔ ɔtengyɛ ɔ kodwɔso wɔ Dawide bosofoɛ nu. Okoli hene, na okoyie ye yé. Okobua ndɛen turoloo kɔyɛ bɔ ɔtengyɛ ɔ wɔ aseɛ ne aso.

Yeremia 5:28

Bayɛ branoa totwetotwee. Amba, bedi nzɛmmɔne bɛtra so; bemmua nyisiaafoɛ ndɛen bɔ ɔtengyɛ ɔ, nakoso sɔ mmenia nemɔ benya bɛ nwo, yeɛ bɛnga bie bɛmma bɛ bɔ bɛyɛ anwumvo ɔ.

Daniel 4:27

Yiti Nana, me foɛ bɔ mebaatu wɔ ye, de to nu: Bɔ bra bɔ ɔtengyɛ ɔ ná yakyi bɔne yɔlɛ; nwu bɛ bɔ bɛyɛ anwumvo ɔ anwumvoin, ná yakyi amumuyɛɛ yɔlɛ, amaa ɔnate so ebiaa né wɔ so anu atɔ wɔ ahyɛ.”

Lewitikɔso 19:15

“Nnɛma ɛmɔbua ndɛengyea. Nnɛkã kyɛ ebie te ehianiɛ yiti ebua ye be, yeɛ nnɛkã kyɛ ebie te sona titire yiti ɛkɔ so tu ye dwirɛ hyɛ kyẽa, na mmom bua ebiɛngo ndɛen turoloo.

Sakaria 7:9

“Asafo AWURADE nwa nyoo: Ɛ́mɔbua ndɛen turoloo, ná ebiala ɔla anwumvoinnwunɛ ne adɔeɛ ali ohyire obiɛngo;

Sakaria 9:9

O Sion awa brasua, di ahurusi paa! O Yerusalem awa brasua, bɔ ese! Tie, wɔ Hene ne ɔ́ba wɔ berɛ, ɔtengyɛ, na ye yeɛ ngoalelɛ wɔ ye berɛ ɔ, odwo, na ɔte afunum so, afunum akrɔngrɔma so, bɔ ɔte afunum beleɛ ɔ.

Yohane 7:24

Nnɛma ɛmɔnea sona nyunu bebua ye ndɛen, na mmom ɛ́mɔbua ndɛen bɔ ɔtengyɛ ɔ!”

Deuteronomi 1:16

Na sɔ mmerɛ ne, nhyɛle ɛmɔ ndɛenbualɛfoɛ nemɔ kyɛ, “Ɔsɛ kyɛ ɛmɔtie edwirɛ bɔ ɔkɔwa ɛmɔ aliɛma mɔ afia ɔ, ná ɛmɔbua ndɛen turoloo, ɔmva ye nwo kyɛ sona ne te ɛmɔ aliɛma Yisraelniɛ, anaakyɛ ɛwɔfoɛ bɔ waatena ɛmɔ nu ɔ.

Hebrifoɛ 1:9

Ekuro tenenee, na ekyi amumuyɛɛ. Ɛhe ati Nyameɛ, wɔ Nyameɛ aye wɔ; wafa anika ngoo wapopa wɔ maa wabo wɔ mmango mɔ deɛ so.”

Nyekyire 19:11

Na nwuni kyɛ nyameɛso abukye, na yieee, pɔngɔ fufue bie yele ye ti. Na bɔ ɔte ye so ne, bɛfrɛ ye Kanayɔ ne Nahorɛniɛ, na tenenee nu yeɛ obua ndɛen ná ɔko koɛ ɔ.

1 Samuel 19:4

Yonatan hane Dawide nwo dwirɛ paa hyirele ye baba Sɔɔlo kyɛ, “Nana, ɔnzɛ kyɛ ɛfa edwirɛ tɛɛ biala edi wɔ somvoɛ Dawide, ofikyɛ ɔyyɔle bɔne biala ottiale wɔ, yeɛ bɔ wayɔ amukoraa koso wayɔ wafa waso wɔ.

1 Samuel 20:32

Na Yonatan bisale ye baba kyɛ, “Nzu ati yeɛ ɔsɛ kyɛ beku ye ɔ? Nzikyɛ yeɛ wayɔ ɔ?”