Anyandera 31:4 - AHYERƐLƐ KRONGRON

⁴ O Lemuel, ɔtte mayee mma ahemvo mɔ kyɛ bɛkɔno nzaa ɔ, ɔtte mayee mma ahemvo mɔ; anaa maenbulɛfoɛ kyɛ bekohuro nzaa serɛ ɔ;

Anyandera 31:4 Iomraidhean Croise

1 Ahemvo 16:9

Nakoso Ela somvoɛ Simri, bɔ ɔte safohene bɔ ɔnea teaseɛnam nemɔ bue so ne, ɔbɔle Ela nwo porɛ. Ɛlɛho bie, né Ela wɔ Tisa, bɔ wano nzaa wabo paa wɔ awuro ɔ. Aasa yeɛ né ɔnea Tisa ahemvie berɛ ɔ.

1 Ahemvo 20:12

Né Ben Hadade ne ye ahemvo nemɔ bɛno nzaa wɔ b’asese nemɔ anu. Ɔtele edwirɛ ne pɛ yeɛ osele ye koɛhonɛfoɛ ne kyɛ, “Ɛ́mɔdwɔso bɛɛho!” Na bɛɛpɛle Samaria kuro ne anwo beyiale bɛfale koɛ bɛtoale bɛ.

Ɛseta 1:10

Ye ɛlɛsoo ne aso bɔ né nzaa ama Nana Ahasuro ye ti anu ayɛ ye fɛfɛɛfɛ ne, osele ye somvoɛ sayɛɛ nzoo, bɔ bɛ ole Mehuman, Bisita, Habona, Bigita, Abagita, Seta ne Kakase,

Ɛseta 3:15

Kyɛbɔ Nana Ahasuro hyɛle mmeraa nen, ɛbɔfoɛ nemɔ hane bɛ nwo bɛhɔle ndɛndɛ; yeɛ mmeraa nemɔ koso bɛbɔle ye nwo dawure wɔ Susa ahenguro. Afei Nana Ahasuro ne Haman bɛtenane ase bɛnone nzaa, wɔ aberɛ bɔ né Susa kuro ne anu ama bɛ nwo adwiri bɛ ɔ.

Anyandera 20:1

Nzaa te ngorohoɛniɛ, nzaa serɛ maa ekuro ngondii, na ebiala bɔ ɔkɔfa ye ti kowura nu ne, ɔnze nworɛ.

Anyandera 23:34

Wɔ nye so kɔyɛ wɔ kyɛ ebie bɔ ɔla ɛpo afia ɔ, okohyini wɔ kyɛ ebie bɔ waala ɛlɛen noa ɔ.

Nworɛ Dwirɛhanɛniɛ 10:17

Ɔte saleɛ ma wɔ, maen bɔ wɔ hene te dehyeɛ baa ɔ, bɔ wɔ nnehyeɛ bɛto poen wɔ mmerɛ bɔ ɔsɛ ɔ nu ɔ, kyɛ bɛfa bɛpena anwoserɛ, ná mmom bɛnno bɛmmo ɔ!

Yesaya 5:22

Bɛ yaakɔ! Bɛ bɔ bale dumaa wɔ nzaanonɛ nu ɔ, ɔne bɛ bɔ bɛbɔ mmɔden wɔ nzaa serɛ frafralɛ nu ɔ.

Habakuku 2:5

Afei koso, nzaa te nnakannaka, anwomasoɛniɛ ne ngɔtena berɛ daa. Ye akɔnnɔ nu trɛ kyɛ ɛborɔ, ɔte kyɛ ewue bɔ ye ko nyi le ɔ. Ɔko boaboa maen maen amukoraa noa ma ye nwo, na ɔkye mmenia amukoraa nnure ɔfa.”