Anyandera 31:30 - AHYERƐLƐ KRONGRON

³⁰ Sokooyɛlɛ te nnakannaka, yeɛ anwonyemene te mbaen, nakoso brasua bɔ osuro AWURADE de, ɔfata kyɛ bɛye ye ayɛ.

Anyandera 31:30 Iomraidhean Croise

2 Samuel 14:25

Yisrael amukoraa, né ebiala nne berɛ bɔ bɛkamvo ye anwonyemene te kyɛ Absalom ɔ. Fite ye gya bo bɔ ɔkwaadwu ye ti so, ye nekaa biala nne berɛ bɔ ɛto ye nwo a ɔyɛ yé ɔ.

Edwein 112:1

Ɛ́mɔye AWURADE ayɛ! Sona bɔ osuro AWURADE, ná ye nye gye ye mmeraa dwirɛ nwo paa ne, onya saleɛ.

Edwein 147:11

na mmom AWURADE nye gye bɛ bɔ besuro ye ɔ nwo, bɛ bɔ bɛfa bɛ nwo bɛto ye ɔdɔ bɔ onni ngasi ne aso ne.

Anyandera 1:7

AWURADE surolɛ yeɛ ɔte nimdeɛnyanɛ ye bohyɛlɛ ɔ, na ngwaseafoɛ de, bɛmva nworɛ ne ngyerɛkyerɛ bɛnyɛ huu.

Anyandera 11:16

Brasua bɔ ye nyunu te ne, onya animnyam, yeɛ mmienzua bɔ bekuro adwuma ne, benya bɛ nwo.

Anyandera 11:22

Brasua anwonyemene bɔ ɔnze nworɛ ne, ɔte kyɛ sikaa kɔkorɛ kaa bɔ owura prako bonyi anu ɔ.

Anyandera 22:4

Anwobrɛaseɛ ne AWURADE surolɛ nwo akatuaa yeɛ ɔfa anwonya, animnyam ne ngoa ba ɔ.

Anyandera 31:29

“Mmrasua pee bɛte mmrasua bɔ begya bɛ ɔ, nakoso wɔ de, ɛpɛ bɛ mukoraa.”

Anyandera 31:31

Adwuma bɔ wayɔ ne, ɛ́mɔbɔ ye aba so, bɔ wayɔ ne, ɛ́mɔma onya ye nwo animnyam wɔ badwa nu.

Anyandera 6:25

Nnɛdi ye anwonyemene si ekuro ye, yeɛ nnɛmaa ɔfa ye ndo nwiaa ne ɔkye w’adwene.

Anyandera 8:13

Esuro AWURADE a, né ekyi bɔne: mekyi anwomasoɛ ne ahandaen, bɔne yɔleɛ ne ngondombopɛlɛ.

Nworɛ Dwirɛhanɛniɛ 12:13

Edwirɛ amukoraa bɔ yate ne, sɔa yeɛ yɛbɔ ye porɛ ɔ: Suro Nyameɛ ná di ye mmeraa dwirɛ so, ofikyɛ bɔ odi kyɛ kuro sona biala ɔyɔ hɔ ɛne.

Nworɛ Dwirɛhanɛniɛ 7:18

Ɔte paa kyɛ ɛkɔsɔ foɛtulɛ bɔ oli moa ne anu, bɔ ɛngɔyakyi bɔ ɔtɔ so nyɔ ne koso anu ɔ. Ofikyɛ sona bɔ osuro Nyameɛ ne, ɔkɔhwe ye nwo kofi ye mukoraa nwo.

Hesekiel 16:15

“Nakoso elili w’anwonyemene si ɛbɔle gyandera, ɔnate w’animnyam ne ati, na ɛfale wɔ nwo mane ebiala bɔ ɔpɛ nu kɔ ɔ.

Luka 1:6

Né bɛ munyɔ bɛtengyɛ wɔ Nyameɛ nyunu, na belili Awurade mmeraa dwirɛ ne ye ahyɛdeɛ so pɛpɛɛpɛ.

Romanfoɛ 2:29

Na mmom Yudaniɛ kaenn ole sona bɔ ɔte Yudaniɛ wɔ ahone nu ɔ; ɔte sunzum nu nikye, na ɔtte anwoɔnaen nu nikye. Nna kuro sona, na mmom Nyameɛ yeɛ ɔye sɔ sona ne ayɛ ɔ.

1 Korintofoɛ 4:5

Yiti nnɛma ɛmɔbua ndɛen koraka ná mmerɛ ne wadwu, koraka né Awurade awa, na ye yeɛ ɔkɔye mvealeɛ nu dwirɛ bɔ ɔwɔ awosii nu kofite ɔ, ná wasa mmenia ti anu nzusuleɛ wagua dwaaso. Na afei ebiala konya ɛkamvolɛ bɔ ɔfata ye ɔ kofi Nyameɛ berɛ.

Yakobo 1:11

Ofikyɛ eyia pukye bɔ gyireingyirein, na ɔyera ndire ne; ye nyerɛen ne poro gua, na ye nyemene sɛkye. Na sɔ ala yeɛ sikaniɛ koso kɔpɛ nu kɔhɔ wɔ bɔ ɔyɔ nu ɔ.

1 Petro 1:24

Ofikyɛ “Anwoɔnaen amukoraa te kyɛ ndire, na sona animnyam amukoraa te kyɛ ndire bɔ wabɔ nyerɛen ɔ. Ndire kese, na ye nyerɛen poro gua;

1 Petro 1:7

amaa ɔnate so ɛmɔ gyidie ne—bɔ ye nyɔboɛ yɛ se tra sikaa kɔkorɛ, bɔ ɔwɔ nu kyɛ beso bɛnea wɔ see nu po, nakoso ɔsɛkye ne—wakakyi ayɛyelɛ, anidie ne animnyam wɔ Yesu Kristo nwo aliyelɛ ne anu.