Anyandera 31:26 - AHYERƐLƐ KRONGRON

²⁶ Odwudwo nworɛ nu, na otu paayɛlɛ nwo foɛ.

Anyandera 31:26 Iomraidhean Croise

Ɛseta 4:4

Yeɛ Nana hemmaa Ɛseta abaawa nemɔ ne ye sayɛɛ nemɔ bɛɛbɔle ye amaneɛ, na edwirɛ ne hale Ɛseta paa. Yiti ɔmaa bɛfale ndaadeɛ bɛɛmane Modekae, kyɛ ɔpa ɛsɛen tena ne ogua dɔ, ná ɔfa ndaadeɛ ne owura, nakoso wanne ndaadeɛ ne.

Ɛseta 5:8

Nana, sɛ anwu me anwumvoin a, yeɛ sɛ ɛpene so kyɛ ɛkɔyɔ m’abisadeɛ kɔma me, ɔne kyɛ ɛkɔma me sa kɔha bɔ mepena ɔ de a, ye de, Nana, ɛpoen bieku bɔ ɛhema ngɔto ngɔma wɔ ne Haman ne, mesrɛ wɔ ala, ɛmɔbra ye bo, na ngɔfa me dwirɛ ne ngɔto wɔ nyunu.”

Anyandera 10:31

Teneneeniɛ ye noa dwirɛ te nworɛ dwirɛ, nakoso temverema bɔ ɔlakalaka ne de, bɛkɔpɛ bɛkɔto.

Anyandera 12:18

Edwudwolɛ fumfum kora pura sona kyɛ ngrandɛ, nakoso nworɛniɛ ye noa dwirɛ de, ɔsa anwonyerɛ.

Anyandera 16:24

Edwirɛ bɔ ɔyɛ fɛ ne, ɔte kyɛ woɛ bɔ ɔwɔ nzasameɛ nu ɔ, ɔte menemene ma sona kra, na ɔma aporɛnuserɛ.

Anyandera 19:14

Awuro ne anwonya te agyapadeɛ bɔ seɛ fa yakyi mma ɔ, nakoso braa badwemma de, ofi AWURADE berɛ.

Anyandera 25:15

Enya aboterɛ a, ɔkora ma ndɛenbualɛniɛ kakyi ye adwene, yeɛ sɛ ɛyɛ wɔ noa bɛtɛɛ a, ɔkora ma maen mbanyi betie wɔ dwirɛ.

Anyandera 31:27

Ɔnea toto bɔ ɔkɔ so wɔ ye awuro ɔ yé, na ɔtte foen wɔ nikyee biala nwo.

Edwein Nu Dwein 2:14

O m’abubure bɔ ɛwɔ tokuro bɔ ɔla nyɔbotaen nu ɔ, bɔ aafea nyɔbotaen si ɔ, maa nwu wɔ nyunu e, maa nde wɔ komvi e, ofikyɛ wɔ komvi yɛ fɛ, na wɔ nyunu yɛ nyemene.

Edwein Nu Dwein 4:11

M’atɔmvorɛ braa, wɔ noa pepe woɛ, woɛ ne nyɔfonesue wɔ wɔ temverema bo, wɔ tena nu fona te kyɛ Lebanon fona.

Malaki 2:6

Nahorɛ mmeraa ne yɛle ye noa dwirɛ, na amumuyɛɛ biala wamvite ye noa. Asomdwee ne pɛpɛɛpɛyɛlɛ nu yeɛ ɔne me natele ɔ, na ɔmane mmeni pee bɛyakyili amumuyɛɛyɔlɛ.

Luka 1:38

Yeɛ Maria buale kyɛ, “Yieee, nde Awurade afaneɛ; maa ɔyɛ berɛ ma me kyɛbɔ wɔ dwirɛ ne te ɔ.” Na abɔfo ne yakyili ye berɛ hɔle.

Asomafoɛ 18:26

Ɔhyɛle ye bo sili ye ahone dwudwole wɔ nyianu sua nu; na mmerɛ bɔ Prisila ne Akwila nwuni ye ne, bɛ ne ye hɔle b’awuro, na behyirehyirele ye Nyameɛ Atee ne anu pɛpɛɛpɛ.

Asomafoɛ 6:15

Badwafoɛ ne amukoraa neane Setefano haa, na benwuni kyɛ ye nyunu ayɛ kyɛ abɔfo nyunu.

Ɛfesofoɛ 4:29

Nnɛmɔma edwirɛ fiɛ biala fi ɛmɔ noa, na mmom edwirɛ paa bɔ ɔfata ná ɔma ngɔsoɛ ɔ, ná walo bɛ bɔ betie ne.

Kolosefoɛ 4:5

Bɛ bɔ bɛnne yɛ fekue ne anu ne, ɛ́mɔnate nworɛ nu wɔ bɛ nu, na nnɛma ɛmɔsɛkye ɛmɔ mmerɛ mbaen.

1 Petro 3:1

Yeɛ mɔ, sɔ ala yeɛ ɛ́mɔbrɛ ɛmɔ nwo ase bɛ́ma ɛmɔ bɔbɔ bɛ hu mɔ ɔ; na sɛ ɔba kyɛ bɛ nu biemɔ benne edwirɛ ne benni a, bafa bɛ ye mɔ suban so, bɔ nna bɛ noa dwirɛ ahɔ ɔ basakyera;

Maenbulɛfoɛ 13:23

Nakoso ɔye sele ye kyɛ, “Sɛ AWURADE pena kyɛ oku yɛ a, ahaa ongole yɛ naen yeralɛ afɔleɛ ɔne yɛ aburoo afɔleɛ ne ngɔto nu. Ahaa ɔngɔye nningyein hemɔ amukoraa ngohyire yɛ, anaa ɔngɔhã edwirɛ sɔaa mɔ ngohyire yɛ.”