Anyandera 31:22 - AHYERƐLƐ KRONGRON

²² Ɔnwo ye bɔbɔ ye bomo, ɔhera nwera paa ne kende.

Anyandera 31:22 Iomraidhean Croise

Gyenesise 41:42

Yeɛ Faro yele ye nzɔanoɛ pɛteaa fili ye sa, ɔfa wurale Yosef, ɔfale kende herale ye, na ɔfale sikaa kɔkorɛ atweaban yale ye.

Ɛseta 5:1

Ye ɛlɛsa ne aso, Ɛseta wurale ye ɛhemmaa ndaadeɛ, na oogyinane ahemvie ne akunu dɔ, wɔ Nana Ahasuro asaso ndendeneɛ so. Né Nana Ahasuro ɔte ye ahennie bia so wɔ ahemvie berɛ, wɔ ahemvie anoa ne ndendeneɛ so.

Ɛseta 8:15

Afei Modekae fili Nana Ahasuro berɛ fitele. Né owura ahemvo ataadeɛ bɔ ɔte bibire ne fufue, nwera ne koogyan aguasoɛ, na né ɔbɔ sikaa kɔkorɛ abotire. Na Susa kuro berɛ ama bɔle ese belili ahurusi.

Anyandera 7:16

Mafa bomo masɛ me bɛen, yeɛ Misraim mbasotam bɔ bali adwii bagua nu ɔ.

Luka 16:19

“Esikaniɛ bie tenane ase bɔ né ɔkera kende ne ago, ná odi aleɛ fɛɛ ɔgye ye nye daa biala ɔ.

1 Petro 3:3

Nnɛmɔma ɛmɔ nwo siesielɛ ne ɔyɛ anwoɔnaen nu nikye, bɔ ɔte tirebɔlɛ, sikaa kɔkorɛ mbembenanneɛ, anaa ndena paa heralɛ;

Nyekyire 19:14

Na ɛlɔen bɔ bɛwɔ nyameɛso, bɔ bewurawura nwera paa, fufue bɔ ye nwo te ɔ, né bɛtete mbɔngɔ fufue so beli ye si.

Nyekyire 19:8

Na bɛfale nwera paa bɔ ɔte fufue, bɔ ye nwo te ɔ bɛmane braa ne kyɛ ɔfa hera.” Na nwera paa ne ole anwoteefoɛ bɛ tenenee.”

Maenbulɛfoɛ 8:26

Esikaa kɔkorɛ asomade bɔ bɛfa bɛmane Gideon ne, nu nonɛ te kilo buru ne ngona (asora mbembenanneɛ, akomuade, ɔne kende bɔ Midian ahemvo mɔ fa siesie bɛ nwo ɔ, ɔne ngaa bɔ ogua b’afupɔngɔ mɔ kɔme anu ɔ).