Anyandera 31:20 - AHYERƐLƐ KRONGRON

²⁰ Ɔma ye sa sõ ehiafoɛ so, na ɔboka bɛ bɔ bɛyɛ anwumvo ɔ.

Anyandera 31:20 Iomraidhean Croise

Edwein 112:9

Ɔye ye kunu fa nningyein kyekyɛ, ɔyɛ ehiafoɛ paa; ye tenenee wɔ berɛ afebɔɔ, na ye anwoserɛ kɔhɔ so animnyam nu.

Edwein 41:1

Sona bɔ ɔdwene anwumvoinniɛ nwo ne, onya saleɛ. AWURADE pepɛ de ye wɔ ye amaneɛnwunɛ mmerɛ nu.

Edwein 41:2

AWURADE bɔ ye nwo waen, na ɔmaa onya ngoa, oyira ye wɔ aseɛ so. Bɔ ye pɔfoɛ mɔ bɛpena kyɛ ɔto ye ne, ɛmma ɔndo ye.

Anyandera 1:24

Na ɔnate kyɛ ndeane nu mvrɛle, ná ɛmɔammua me, mabɔ ɛmɔ ba, ná ebiala andɛ me so,

Anyandera 19:17

Ebiala bɔ ɔyɛ sona bɔ ɔyɛ anwumvo paa nen, ɔfa fɛmo AWURADE, na paa bɔ wayɛ ne, AWURADE kɔyɛ ye bie kotua kerɛ.

Anyandera 22:9

Sona bɔ ofia ye kunu ɔkyɛ nikyee ne, onya saleɛ, ofikyɛ ɔfa ye aleɛ ne bie ma ehiafoɛ.

Anyandera 31:19

Ɔsɔ bakaa bɔ bɛfa bɛnwo gyese ne anu, na ɔfa ye sa sosɔ kyekye ne anu.

Marko 14:7

Ofikyɛ ɛmɔ ne ehiafoɛ wɔ berɛ daa, na mmerɛ biala bɔ ɛmɔkuro ne, ɛmɔkɔhora bɛkɔboka bɛ; nakoso me de, nna ɛmɔ ne me yeɛ bɛwɔ berɛ daa ɔ.

Romanfoɛ 10:21

Na ɔfa Yisrael nwo de, ɔhane kyɛ, “Alehyeleɛ biala, matrɛ me sa nu kyɛ ngole asoserɛfoɛ mmenia bɔ bayɛ me so lɔen ɔ.”

Romanfoɛ 12:13

Ɛ́mɔboka anwoteefoɛ wɔ bɔ ohia bɛ ɔ nwo, ná ɛ́mɔbɔ mmɔden wɔ ɛwɔfoɛsolɛ nwo.

Ɛfesofoɛ 4:28

Nnɛma awueniɛ wua ko, na mmom ɔsɛ kyɛ ɔbɔ mmɔden ɔfa ye sa yɔ adwuma bɔ ɔfata ɔ; amaa wanya bie wafa waboka sona bɔ wahia ye ɔ.

Deuteronomi 15:11

Ɔyɛ sɛɛ ala a, mmenia bɔ bɛyɛ anwumvo ɔ ngɔpa aseɛ ne aso. Yiti méhyɛ wɔ kyɛ, eliɛngo bɔ ɔte ehianiɛ, bɔ ɔyɛ anwumvo wɔ w’aseɛ ne aso ne, ma wɔ sa so ye so.

Hebrifoɛ 13:16

Nnɛma ɛmɔbu ɛmɔ nye begua so kyɛ ɛmɔkɔyɔ paa ná ɛmɔkɔbokaboka bɛ nwo ɔ, ofikyɛ sɔ afɔleɛ nemɔ yeɛ ɔsɔ Nyameɛ nye ɔ.