Anyandera 31:17 - AHYERƐLƐ KRONGRON

¹⁷ Ɔyere ye nwo yɔ adwuma, na ɔbɔ ye nwo mmɔden wɔ adwumayɔlɛ nu.

Anyandera 31:17 Iomraidhean Croise

Gyenesise 49:24

nakoso wando ye agyaen ne, Ɔnate Yakob ye Tuminiɛ ne ye anwoserɛ ti, ye abasa nu kɔyɛ se. (Ɔnate Mmoaenneafoɛ bɔ yeɛ ɔte Yisrael Nyɔbotaen ne dumaa nu).

1 Ahemvo 18:46

Nakoso né AWURADE tumi gyi Elia si. Elia bɔle ye abɔsoɛ tuli amirika lili Ahabo teaseɛnam ne anyunu alaa oodwuli Yesreel.

2 Ahemvo 4:29

Na Elisa sele Gehasi kyɛ, “Bɔ w’abɔsoɛ, fa me pɔmaa ne tira, na si nu kɔ. Sɛ eyia ebiala wɔ atunu a, nnebisa ye ahye; na sɛ ebiala bisa wɔ ahye a, nnesuro. Fa me pɔmaa ne kɔto akwadaa ne aso.”

YOB NWOMAA NE 38:3

Bɔ w’abɔsoɛ kyɛ bienzua, mebaabisa wɔ dwirɛ, na ye ye noa kyire me.

Anyandera 31:16

Ɔfa sie ye nye so kyɛ ɔkɔtɔ aseɛ, na ɔtɔ, na sikaa bɔ onya fi ye sa noa adwuma nu ne, ɔfa yɛ bobe boo.

Anyandera 31:18

Onwu kyɛ ye adwuma kɔ so, na ye kanea nnua kɔngɔen.

Yesaya 44:12

Buralɛ dwumvoɛ fa buralɛ wura see nu, ɔfa bɔsobaka boro, na ɔfa ye sa bɔ nu ɔyɛ se ne siesie ye. Ɛhɔen ku ye ma ye anwoserɛ yie, ɔnno nzue, na ɔyɛ bɛtɛɛ.

Hosea 7:15

Ɔwɔ nu kyɛ me yeɛ mama bɛ ndeteyɛɛ, yeɛ mamaa banya anwoserɛ ɔ, nakoso bɛbɔ me nwo porɛ.

Luka 12:35

“Ɛ́mɔmia ɛmɔ abɔsoɛ nu ná ɛ́mɔma ɛmɔ kanea ogye,

Ɛfesofoɛ 6:10

Bɔ ɔpɛ ye bo ɔ, aliɛmaa mɔ, ɛ́mɔma ɛmɔ nwo yɛ se wɔ Awurade nu, ɔne ye anwoserɛ tumi ne anu.

Ɛfesofoɛ 6:14

Yiti ɛ́mɔgyina pindinn, ɛ́mɔfa nahorɛ bɛyɛ abɔsoɛ bɛbɔ ɛmɔ yaase, ná ɛ́mɔfa tenenee bɛyɛ buralɛ bɛkata ɛmɔ hue so,

1 Petro 1:13

Yiti ɛ́mɔsiesie ɛmɔ adwene ma osi pi, ɛ́mɔma ɛmɔ nye la berɛ, ná ɛ́mɔma ɛmɔ anyelasoɛ amukoraa ówura adom bɔ Yesu Kristo kɔfa kɔbrɛ ɛmɔ wɔ ye nwo aliyelɛ ne anu.