Anyandera 31:10 - AHYERƐLƐ KRONGRON

¹⁰ Braa paa, nwa yeɛ okonya ɔ? Odi mu tra agudeɛ bɔkɔɔ.

Anyandera 31:10 Iomraidhean Croise

YOB NWOMAA NE 28:18

Nyɔboɛ nahanaha ne nyɔboɛ hyɛnhyɛnn po, yɛngɔhora ngɔfa bɛ ngɔtoto ye nwo, ofikyɛ nworɛ nwo le mvasoɛ tra agudeɛ.

Anyandera 12:4

Braa paa ɔte ohu abotire, nakoso nyanzoen braa de, ɔte kyɛ kokoram wɔ ohu mmowue nu.

Anyandera 14:1

Brasua nworɛniɛ osi ye sua, nakoso brasua kwaseaa de, ɔfa ye sa dwiri ye gua.

Anyandera 18:22

Bienzua bɔ okonya yeɛ ne, wanya nikye paa, na AWURADE alo ye.

Anyandera 19:14

Awuro ne anwonya te agyapadeɛ bɔ seɛ fa yakyi mma ɔ, nakoso braa badwemma de, ofi AWURADE berɛ.

Anyandera 20:15

Sikaa kɔkorɛ wɔ berɛ, yeɛ agudeɛ paa pee koso wɔ berɛ, nakoso noa bɔ ɔkã nimdeɛ dwirɛ de, ɔte mbembenanneɛ bɔ ye nyɔboɛ yɛ se ɔ.

Anyandera 3:15

Nworɛ nyɔboɛ yɛ se tra agudeɛ, na bɔ wɔ nye gye ye nwo biala, ɛngɔhora ngɔfa ngɔtoto nworɛ nwo.

Anyandera 31:11

Ohu fa ye wora wura ye nu, na ɔnate so ohu nhia hwee.

Anyandera 8:11

ofikyɛ nworɛ te paa tra agudeɛ, na bɔ ɛpena kyɛ enya ye biala, ɛngɔhora ngɔfa ngɔtoto nworɛ nwo.

Nworɛ Dwirɛhanɛniɛ 7:28

Ngɔle so alaa mbenane ndeaseɛ ne, nakoso mannwu bɔ mepena ne. Nwuni bienzua ko wɔ mmienzua apee ko nu, nakoso mmrasua mɔ nu de, mannwu brasua.

Rutu 3:11

Afei, mma, nnɛsuro. Nikyee bɔ ekobisa biala, ngɔyɔ ngɔma wɔ, ofikyɛ kuro wa ama mukoraa se ye kyɛ ɛte brasua bɔ wɔ suban te paa ɔ.

1 Samuel 25:3

Sɔ biaa ne li Nabal, yeɛ ɔye koso li Abigail. Né braa ne te nworɛniɛ bɔ ye nwo koso yɛ nyemene ɔ; nakoso biaa ne de, né ye ti anu yɛ se, yeɛ ye sa bo koso yɛ se. Biaa ne te Kalebo bosoniɛ.