Anyandera 30:9 - AHYERƐLƐ KRONGRON

⁹ amaa ɔnate so mannya me nwo tam, ná mambo wɔ manga kyɛ, “Nwa ole AWURADE?” Afei koso, ná wanhia me ma manwua, ná mamva fiɛ manga me Nyameɛ dumaa.

Anyandera 30:9 Iomraidhean Croise

Edwein 125:3

Ahemvo bɔnefoɛ mɔ bɛ hɔtɔ ngɔhɔ so ngoli tumi wɔ aseɛ bɔ bafa bama teneneefoɛ ne aso, kyɛbɔ ɔkɔyɛ bɔ teneneefoɛ bɛngɔfa bɛ nwo bɛngɔfɔlefɔle amumuyɛɛ ɔ.

Ɛksadɔso 20:7

“Nnɛbɔ AWURADE wɔ Nyameɛ dumaa mbaen mbaen; ofikyɛ ebiala bɔ ɔkɔbɔ AWURADE dumaa mbaen mbaen ne, ɔngɔma ɔngɔfa ye nwo ngoli tɔtorɔtɔɔ.

Ɛksadɔso 5:2

Nakoso Faro buale kyɛ, “AWURADE ne ole nwa bɔ ɔsɛ kyɛ metie ye ná mema Yisraelfoɛ bɛkɔ ɔ? Menze sɔ AWURADE ne, yeɛ Yisraelfoɛ koso mengɔma bɛngɔhɔ!”

Anyandera 29:24

Ebiala bɔ ɔne awueniɛ bekotu nu ne, ɔpɔ ye bɔbɔ ye kra, ɔte amoenwaa ne de, nakoso ɔnga nahorɛ.

Yesaya 59:13

Yato AWURADE mmeraa, yeɛ yapɛ ye ngondombo, yayakyi yɛ Nyameɛ si lilɛ, yɛ dwudwolɛ te nhyɛsoɛ ne ɛlɔenyɛlɛ, na yɛ ti anu nzusuleɛ bɔ ofite yɛ noa ne, ɔte nnakannaka.

Yeremia 2:31

Na ɛmɔ, sɔ aworɛ ndoatoasoɛ he, ɛ́mɔtie AWURADE dwirɛ ne! Aso makakyi ɛserɛ so mama Yisrael, anaa makakyi aseɛ bɔ so te awosii kabii ɔ? Na nzu ati yeɛ me maen kã kyɛ, ‘Yɛle yɛ nwo, yɛngɔwa wɔ berɛ ko’ ɔ?

Yeremia 5:12

Bapɛ AWURADE nwo ngondombo, na bahã kyɛ, ‘Ɔngɔyɔ huu, edwirɛ tɛɛ biala ngɔto yɛ, koɛ ngɔto yɛ, yeɛ ɛhɔen koso ngɔwa.

Hesekiel 23:35

Yiti AWURADE Nyameɛ nwa nyoo: Ɔnate kyɛ ama wɔ wora afi me, ná apo me ne ati, wɔ koso ekonya wɔ nyanzoen bra ne wɔ gyandera nwo asohwenɛ.”

Daniel 4:17

Sɔ ahyɛdeɛ ne, awɛmvoɛ nemɔ bɛ noa dwirɛ ɛne, krongronfoɛ nemɔ b’agyina bɔ batu hɔ ɛne, amaa ɔnate so ateasefoɛ banwu kyɛ Anwuro Awuroniɛ ne yeɛ ole adasa ahennie so tumi ɔ, ɔfa ma sona biala bɔ okuro ɔ, na adasa nu anwobrɛaseɛfoɛ yeɛ ɔfa bɛ sie so ɔ.’

Daniel 4:30

na osele kyɛ, “Babilɔn yeɛ wayɛ piri sɔa e! Aso nna me tumi piri yeɛ mafa makyekye kuro ye maa wayɛ m’ahenguro, bɔ mefa meye m’ahennie animnyam ali ɔ?”

Hosea 13:6

Ndire bɔ belili ne, kyɛbɔ né ye paa si te nen, sɔ ala yeɛ bɛ ko yili ɔ; bɛ ko yili, na bɛyɛle anwomasoɛ, yiti bɛ wora fili me.

Lewitikɔso 5:1

“Sɛ ebie nye tua edwirɛ bie, anaakyɛ ɔte edwirɛ bie, ná bɛfrɛ ye kyɛ ooli ye nwo adanzeɛ, ná wangɔ maa ɔnate so ɔyɔ bɔne a, ye musue kɔbɔ ye ti so.

Mateo 26:72

Na Petro tale ndaen sale bieku kyɛ, “Biaa ne, menze ye oo!”

Mateo 26:74

Na Petro hyɛle ye bo lili amoen tale ndaen kyɛ, “Biaa ne, menze ye oo!” Na berɛ ne ala, akɔ bɔle.

Deuteronomi 31:20

Ofikyɛ, mefa bɛ mekodwu aseɛ bɔ nyɔfonesue ne woɛ tengyɛ wɔ so, bɔ ndale ndaen kyɛ ngɔfa ngɔma bɛ nana mɔ ne aso, ná bedidi ma bɛ ko yi, ná bɛyɛ mbiri mbiri a, bekooli nyameɛ foforɛ biemɔ si bɛkɔso bɛ, bɛkɔpo me, ná babu m’apam ne aso.

Deuteronomi 32:15

“Yakob didili mane ye ko yili, Yesurun yɛle branoa, na ɔyɛle lɔen. Ɛyɛle twɔtwɔfee, ɛyɛle piri bɔ ɛpakye ɔ. Afei ɔyakyili Nyameɛ bɔ ɔbɔle ye ne si lilɛ, na ɔpole Nyɔbotaen bɔ ɔte ye ngoalelɛ ne.

Yosua 24:27

Na Yosua sele maen ne amukoraati kyɛ, “Ɛ́mɔtie, nyɔboɛ he yeɛ ɔte adanzeɛ ɔ, ofikyɛ wate AWURADE dwirɛ amukoraa bɔ waha wahyire yɛ ne. Na sɛ ɛmɔanni nahorɛ bamma ɛmɔ Nyameɛ a, nyɔboɛ ne kɔyɛ adanzeɛ kotia ɛmɔ.”