Anyandera 30:4 - AHYERƐLƐ KRONGRON

⁴ Nwa yeɛ wafo wahɔ nyameɛso ná wadwu wawa ɔ? Nwa yeɛ waboaboa mvrama noa wɔ ye sa nu ɔ? Nwa yeɛ ɔfa ɛtena ɔbɔ nzue mɔ nonongu ɔ? Nwa yeɛ wafa aseɛ ye ti ne ye ti amukoraa wasiesie berɛ ɔ? Ye dumaa li sɛɛ, yeɛ ɔwa wora ye dumaa li sɛɛ? Sɛ ɛse a, kã kyire me e!

Anyandera 30:4 Iomraidhean Croise

Gyenesise 32:29

Yeɛ Yakob sele ye kyɛ, “Mesrɛ wɔ, bɔ wɔ dumaa kyire me.” Na Biaa ne buale kyɛ, “Nzu ati yeɛ ebisa me dumaa ɔ?” Na oyirale Yakob wɔ berɛ.

YOB NWOMAA NE 11:7

“Nyameɛ mvealeɛ nu dwirɛ ne, ɛkɔhora kɔte ye bo? Tuminiɛ ne, ɛkɔhora kɔte ye bo koyie bɔkɔɔ?

YOB NWOMAA NE 11:8

Ye nworɛ ne, ye konguronn tra nyameɛso. Ɛyɛ sɛɛ né ate ye bo? Ye kuronn tra ɛborɔ. Ɛyɛ sɛɛ né anwu sɔ nworɛ ne?

YOB NWOMAA NE 26:8

Ɔbɔ esue nonongu wura ye munungum nu, nakoso nu nonɛ ne, ɔmma munungum ne anu nzua.

Edwein 135:7

Ye yeɛ ɔma munungum fi aseɛ noa dɔ kɔ anwuro ɔ; esue tɔ a, ɔma agralaa tete, na ɔma mvrama tu fi nekaa bɔ osie ye nningyein ne.

Edwein 2:7

Ngɔfa AWURADE ahyɛdeɛ ne ngɔto dwaa: Osele me kyɛ, “Mma ole wɔ, ɛnɛ mawo wɔ.

Edwein 22:27

Ofi aseɛ ti kɔka ye ti, bɛkɔkaye, ná basa bawa AWURADE berɛ; na maen maen mɔ so mmusua amukoraa, bɛkɔkoto wɔ ye nyunu.

Edwein 24:2

ofikyɛ ye yeɛ wagyina ye wɔ ɛpo so, ná wafa ye watimu asue mɔ so ɔ.

Edwein 68:18

Ɛfole bokaa tendenn ne, elili bɛ bɔ ahye bɛ nnure ne nyunu wɔ mmerɛ bɔ elele akyɛdeɛ bɔ ɔte mmenia ɔ, bɔ ɛlɔenyɛlɛfoɛ po bɛboka so ɔ amaa ɔnate so AWURADE Nyameɛ watena bɛ nu.

Ɛksadɔso 15:10

Ɛmane wɔ nwomeɛ tuli mvrama, na ɛpo ne fale bɛ; na bɛmonone kyɛ kungumaboɔ wɔ buma ne anu.

Ɛksadɔso 6:3

Nyele me nwo ali ngyirele Abraham, Yisake ne Yakob kyɛ nde Tuminiɛ Nyameɛ. Nakoso me dumaa YAHWE (AWURADE) ne de, mamma bangyina so bannwu me.

Yesaya 45:18

Ofikyɛ AWURADE bɔ ɔbɔle anwuro, Nyameɛ bɔ ɔhyehyɛle aseɛ ná ɔyɔle ne, ye bɔ ɔbɔle aseɛ tole berɛ ne, ye bɔ wammɔ ye sesakaa wando berɛ, na mmom ɔbɔle ye kyɛ bɛtena so ne, ɔnwa nyoo: “Me ole AWURADE bɔ ebiala nne berɛ bɔ ɔboka me so ɔ.

Yesaya 53:8

Bɛnate nhyɛsoɛ ne ndɛengyea so bɛfale ye bɛhɔle, na ye aberɛso ama mɔ, nwa yeɛ ɔdwene ye nwo kyɛ bapɛ ye ngoa so bafi ateasefoɛ aseɛ so ɔ, kyɛ me maen mmeraatolɛ ti yeɛ bepurale ye ɔ?

Yesaya 7:14

Yiti AWURADE bɔbɔ kɔma ɛmɔ sɛngyerɛnneɛ. Ɛ́mɔtie! taluwa bie kɔnwonzɛ kɔwo baa bienzua, na ɔkɔto ye dumaa Yimanuel.

Yesaya 9:6

Ofikyɛ bawo akwadaa bama yɛ, bama yɛ baa bienzua, ye yeɛ ahennie ne kowura ye sa ɔ, na ye dumaa ne, bɛkɔfrɛ ye kyɛ, “Foɛtulɛniɛ Nwanwaniɛ, Nyameɛ Tuminiɛ, Seɛ bɔ ɔwɔ berɛ Afebɔɔ, Asomdwee Hene.”

Yeremia 23:6

Na ye aberɛ so, Yuda konya ye ti kodidi nu, na Yisrael kɔtena asomdwee nu. Na ye dumaa bɔ bɛkɔfa bɛkɔfrɛ ye ole ‘AWURADE YƐ TENENEE.’

Mateo 11:27

Me Baba afa nningyein amukoraa awura me sa; na ebiala nze Baa ne, sana Baba ne; yeɛ ebiala nze Baba ne, sana Baa ne ne ebiala bɔ Baa ne kuro kyɛ ɔda ye adi kyire ye ɔ.

Luka 10:22

“Me Baba afa nningyein amukoraa awura me sa; na ebiala nze kyɛbɔ Baa ne te ɔ, sana Baba ne. Yeɛ ebiala nze kyɛbɔ Baba ne te ɔ, sana Baa ne ne ebiala bɔ Baa ne kuro kyɛ ɔda ye adi kyire ye ɔ.”

Yohane 3:13

Ebiala nne berɛ bɔ wafo wahɔ nyameɛso ɔ, sana bɔ ofi nyameɛso odwu wale ne, Sona Awa ne [bɔ ɔwɔ nyameɛso ne.]

Romanfoɛ 10:6

Na tenenee bɔ ogyi gyidie so ne, ɔkã kyɛ, “Nnɛkã ye wɔ w’ahone nu kyɛ, nwa yeɛ ɔkɔfo kɔhɔ nyameɛso ɔ?” (Mekyire bɔ ɔkwaafa Kristo dwu ba ase ɔ);

Deuteronomi 28:58

“Mmeraa he anu dwirɛ mukoraati bɔ bahyerɛ ye sɔ nwomaa he anu ne, sɛ anni so nahorɛ nu, ná anzuro sɔ animnyam dumaa suronyisuronyi, bɔ ye ole AWURADE wɔ Nyameɛ ne a,

Deuteronomi 30:12

Ɔnne nyameɛso, ná aha kyɛ, ‘Nwa yeɛ ɔkɔfo kɔhɔ nyameɛso kɔma yɛ, bɔ ɔkɔɔfa kɔbrɛ yɛ maa yɛkɔte ná yali so ɔ?’

Nyekyire 19:12

Ye nye mmaa te kyɛ see bɔ ogye ɔ, na ahennie abotire pee bobɔ ye ti; na né ole dumaa bie bɔ bahyerɛ bɔ ebiala nze ɔ, sana ye bɔbɔ.

Maenbulɛfoɛ 13:18

Nakoso AWURADE abɔfo ne buale ye kyɛ, “Nzu ati yeɛ ebisa me dumaa ɔ? Me dumaa ne te dumaa bɔ ɔyɛ nwanwa paa ɔ.”