Anyandera 30:17 - AHYERƐLƐ KRONGRON

¹⁷ Anyeɛ bɔ ɔgoro ye baba anwo, ɔne bɔ ɔpo kyɛ okotie ye maame dwirɛ ne, bɔnza nu anene mɔ kotutu sɔ anyeɛ ne, na kɔleɛ mma mɔ kosuso koli.

Anyandera 30:17 Iomraidhean Croise

2 Samuel 21:10

Afei Aya awa brasua Risipa fale ɛsɛen tena sɛle nyɔboɛ so wɔ nekaa bɔ efuin nemɔ gua ne. Na ɔtenane berɛ toonn fite mmerɛ bɔ bɛhyɛle ayuotelɛ bo maa oodwuli kyɛ esue tɔ guale efuin nemɔ so ɔ. Alehyeleɛ nu, wamma nnomaa ate ma banzuso efuin nemɔ. Yeɛ alesaleɛ nu koso, wamma ngaka aboyaa ate ma banni.

Anyandera 15:20

Baa nworɛniɛ ma ye baba nya anika, na sona kwaseaa de, obu ye maame animtia.

Anyandera 20:20

Ebiala bɔ ɔkɔnoma ɔse anaa oni ne, ye kanea konua wɔ awosii kabii nu.

Anyandera 23:22

Tie wɔ baba bɔ ɔwole wɔ ne dwirɛ, yeɛ sɛ wɔ maame yɛ aworowaa a, nnɛbu ye animtia.

Anyandera 30:11

Mmenia biemɔ wɔ berɛ a, bɛnoma bɛ baba, yeɛ bɛnga kyɛ bɛ maame onya saleɛ.

Anyandera 30:18

Nningyein nza yeɛ bɛyɛ me nwanwa paa ɔ; yoo, nna de, mende ye bo. Bɛ ole:

Lewitikɔso 20:9

Ebiala bɔ ɔkɔnoma ɔse anaa oni ne, odi kyɛ beku ye, ɔnate kyɛ wanoma ɔse anaa oni, na ye wue kɔbɔ ye bɔbɔ ye ti so.

Malaki 1:6

Baa di ɔse ni, yeɛ akoaa di ye mene ni. Na sɛ nde Seɛ de a, né nzaade m’anidie wɔ nisua? Na sɛ nde meneɛ de a, né nzaade esurolɛ bɔ besuro me ne ɔwɔ nisua? Ɛmɔ, asɔfo mɔ bɔ ɛmɔbu me dumaa animtia ɔ, bɔ Asafo AWURADE ose ɛmɔ hɔ ɛne. Nakoso ɛmɔbisa kyɛ, ‘Atee beni aso yeɛ yabu wɔ dumaa animtia ɔ?’

Deuteronomi 28:26

Wɔ fuin kɔyɛ ewienu nnomaa mukoraati ne aseɛ so ngaka aleɛ, na bengonya sona biala ma ɔngɔfoa bɛ.

1 Samuel 17:44

Na Filistiniɛ ne sele Dawide kyɛ, “Wɔ de bra me nyunu, na ngɔfa wɔ naen ngɔma ewienu nnomaa ne eburo ngaka.”