Anyandera 30:15 - AHYERƐLƐ KRONGRON

¹⁵ Miminɛ le mmaa mmrasua nyɔ bɔ bɛteatea nu kyɛ, “Fa ma me! Fa ma me!” Nningyein nza biemɔ wɔ berɛ bɔ bɛ ko nyi le ɔ; yoo, nningyein nna biemɔ wɔ berɛ bɔ bɛ de bɛnga kyɛ, “Ɔte paa, me ko ayi” ɔ.

Anyandera 30:15 Iomraidhean Croise

Anyandera 27:20

Kyɛbɔ ɛborɔ ne Abadɔn bɛ ko nyi le ne, sɔ ala yeɛ kuro sona nye ɔneanea a ɔmvɛ ɔ.

Anyandera 30:14

Mmenia biemɔ wɔ berɛ a, bɛ gye te kyɛ ngrandɛ, bɛ gye bɔ ɔwɔ bɛ nnaalɔ dɔ ne, ɔte kyɛ dadeɛ ba, bɔ bɛfa bekuku mmenia bɔ bɛyɛ anwumvo ɔ befi aseɛ ye aso, ɔne ehiafoɛ befi adasa nu ɔ.

Anyandera 30:16

Bɛ ole: Ɛborɔ, koɛ bɔ ɔte mmotaen, aseɛ bɔ ɔmeme nzue a ɔnde ye, yeɛ see bɔ ɔnga kyɛ, “Ɔte paa, maa nnua” ɔ.

Anyandera 30:21

Nningyein nza yeɛ ɔma aseɛ woso ɔ, yeɛ nningyein nna yeɛ ɔngora ye noa gyina ɔ. Bɛ ole:

Anyandera 30:24

Nningyein nna biemɔ wɔ aseɛ ye aso bɔ bɛte mmaa mmaa, nakoso bɛte nworɛfoɛ paa. Bɛ ɛhe:

Anyandera 30:29

Nningyein nza yeɛ bɛ natelɛ yɛ nyemene ɔ, amba, nna de, bɛ gya tutulɛ yɛ ahomeka. Bɛ ole:

Anyandera 6:16

Sɔ nningyein nzia hemɔ bɛyɛ AWURADE tɛ, amba, nningyein nzoo hemɔ bɛte ye akyiwadeɛ:

Yesaya 57:3

Nakoso ɛmɔ de, bayifoɛ brasua mma, ɛ́mɔpingye wa, agyaasɛkyelɛniɛ ne gyanderaniɛ bosofoɛ.

Hosea 4:18

Bɛno bɛ nzaa ngapealaa ne a, gyandera alaa yeɛ bɛbɔ ɔ; animguaseɛ yeɛ bɛ mbanyi mɔ bekuro ɔ.

Amose 1:11

AWURADE nwa nyoo, “Ɔnate Edom ye amumuyɛɛ nza, eh, ɔne nna ne ati, mengɔhwe ye so hwenɛ ne mengosa; ofikyɛ ɔfale ngrandɛ guli oliɛma so. Wanyɛ ye anwumvo, ɔmane ye ahone hɔle so huli, na ɔmane ye yaafɛlɛ piri ne hɔle so afebɔɔ.

Amose 1:13

AWURADE nwa nyoo, “Ɔnate Amonfoɛ b’amumuyɛɛ nza, eh, ɔne nna ne ati, mengɔhwe bɛ so hwenɛ ne mengosa; ofikyɛ mmerɛ bɔ bɛko bɛtrɛtrɛ bɛ wɛen nu ne, bɛpakyepakyele Gileade pemvoɛ mɔ kunu.

Amose 1:3

AWURADE nwa nyoo, “Ɔnate Damasko ye amumuyɛɛ nza, eh, ɔne nna ne ati, mengɔhwe ye so hwenɛ ne mengosa; ofikyɛ bafa buralɛ bɔ bɛfa bɛboro aburoo ɔ bapɛkyɛ Gileade.

Amose 1:6

AWURADE nwa nyoo, “Ɔnate Gasa ye amumuyɛɛ nza, eh, ɔne nna ne ati, mengɔhwe ye so hwenɛ ne mengosa; ofikyɛ bɛsoale mmenia bɔ bahye bɛ nnure ne amukoraa bɛfale bɛ beewurale Edom sa.

Amose 1:9

AWURADE nwa nyoo, “Ɔnate Tiro ye amumuyɛɛ nza, eh, ɔne nna ne ati, mengɔhwe ye so hwenɛ ne mengosa; ofikyɛ bɛfale mmenia bɔ bahye bɛ nnure ne amukoraa beewurale Edom sa, na bangaye aliɛmaa apam ne.

Amose 2:1

AWURADE nwa nyoo, “Ɔnate Moabo ye amumuyɛɛ nza, eh, ɔne nna ne ati, mengɔhwe ye so hwenɛ ne mengosa; ofikyɛ ɔyerale Edom hene mmowue maa ɔtɔle nzoen.

Amose 2:4

AWURADE nwa nyoo, “Ɔnate Yuda ye amumuyɛɛ nza, eh, ɔne nna ne ati, mengɔhwe ye so hwenɛ ne mengosa; ofikyɛ bapo AWURADE mmeraa, banni ye mmeraa dwirɛ so. Bɛ nnakannaka bɔ ɔte atee bɔ bɛ nana mɔ fale so ne, wamaa bali makyebu.

Mika 7:3

Bɛ sa nyɔ ne, ɔbɔ bɔneyɔlɛ nwo mmɔden, mbanyi ne ndɛenbualɛfoɛ bede fea-ase-ma, na tumifoɛ nemɔ bɛkã nikyee tɛɛ bɔ bɛ kra kuro ɔ nhyɛsoɛ so; sɔ yeɛ bɛbɔ nu bɛbɔ porɛ tɛɛ ɔ.

Mateo 23:32

Ɛmɔ nana mɔ b’asusudeɛ ne, ɛmɔ koso ɛmɔhɔ so bewura ma oyi tɛkyɛ!

Yohane 8:39

Bebuale ye kyɛ, “Yɛ nana ole Abraham.” Na Yesu sele bɛ kyɛ, “Sɛ ɛmɔte Abraham nnomaa a, ahaa ɛmɔkɔyɔ bɔ Abraham yɔle ɔ;

Yohane 8:44

Ɛmɔ de, ɛmɔ baba bɔ ɛmɔfi ye nu ole abɔnzam, na ɛmɔ baba n’apɛdeɛ yeɛ ɛmɔkuro kyɛ ɛmɔyɔ ɔ. Ɔte wudiniɛ fi ahyɛaseɛ ne; na ollili nahorɛ le, ɔnate kyɛ nahorɛ biala nne ye nu. Sɛ ɔkã ngondombo dwirɛ a, kyɛbɔ ye sue te ne ala yeɛ ɔkã ɔ, ofikyɛ ɔte ngondomboniɛ ne ngondombo baba.

Romanfoɛ 16:18

Ofikyɛ sɔ mmenia nemɔ bɛnzo y’Awurade Kristo, na mmom bɛso bɛ bɔbɔ bɛ ko. Na bɛfa bɛ noa dwirɛ fɛɛ ne anoanubobɔlɛ bɛlakalaka mmenia bɔ b’adwene te nganga ɔ.

2 Petro 2:3

Na bɛ nye bɔ ɔboro nikyee ne ati, bɛkɔfa nnakannaka dwirɛ bekodidi ɛmɔ nwo. Na ofi tetetete, ndɛen bɔ babua bɛ ne ɔndwetwe ye ase, yeɛ b’asohwenɛ koso ɔndɔ ngosie.