Anyandera 30:14 - AHYERƐLƐ KRONGRON

¹⁴ Mmenia biemɔ wɔ berɛ a, bɛ gye te kyɛ ngrandɛ, bɛ gye bɔ ɔwɔ bɛ nnaalɔ dɔ ne, ɔte kyɛ dadeɛ ba, bɔ bɛfa bekuku mmenia bɔ bɛyɛ anwumvo ɔ befi aseɛ ye aso, ɔne ehiafoɛ befi adasa nu ɔ.

Anyandera 30:14 Iomraidhean Croise

YOB NWOMAA NE 29:17

Mmubuli amumuyɛɛniɛ ye gye so, na naen bɔ wafa ye gye watira ye nu ne, mmaa ɔyakyili ye nu.

YOB NWOMAA NE 41:14

Nwa yeɛ ɔkɔhora kobukye ye awogyee nu ɔ? Ye gye bɔ ogua ye noa nu amukoraa ɔyɛ suro.

Edwein 12:5

AWURADE nwa nyoo, “Ɔnate kyɛ sona bɔ olle bie ne, bɛhyɛ ye, ná bɛma sona bɔ ɔyɛ anwumvo ne odi aworabɔlɛ ne ati, ngɔkekã me nwo. Ye nwo waenbɔlɛ bɔ yeɛ ɔpena ne, ngɔfa ngɔma ye.”

Edwein 124:6

Animnyam hã AWURADE, ye bɔ wamma bamva yɛ banyɛ naen bammɔ bɛ gye so ɔ!

Edwein 14:4

Bɔnefoɛ amukoraa, aso nimdeɛ abɔ bɛ anaa; bɛ yeɛ bedi me mmenia aminɛ kyɛbɔ bedi aleɛ, ná bɛnzɔne AWURADE ɔ?

Edwein 3:7

Ao AWURADE, dwɔso e! Pepɛ de me, ao me Nyameɛ! Ofikyɛ wɔ yeɛ ebubu me pɔfoɛ amukoraa b’awogyee, ná ebubu amumuyɛɛfoɛ bɛ gye ɔ.

Edwein 52:2

Wɔ noa kekã musue dwirɛ, wɔ temverema te kyɛ dɛmaa nnaennaen.

Edwein 57:4

Gyata mɔ yeɛ me kra la b’afia ɔ. Bɛ gye te pealɛɛ ne agyaen, bɛ temverema te ngrandɛ nnaennaen.

Edwein 57:5

Ao Nyameɛ, kyire kyɛbɔ esi te piri ɔ wɔ anwuro anwuro! Ma w’animnyam kata aseɛ ye aso amukoraa.

Edwein 58:6

Ao Nyameɛ, bubu bɛ gye bɔ ogua bɛ noa nu ɔ, ao AWURADE, tutu gyata akrɔngrɔma nemɔ bɛ gye!

Anyandera 12:18

Edwudwolɛ fumfum kora pura sona kyɛ ngrandɛ, nakoso nworɛniɛ ye noa dwirɛ de, ɔsa anwonyerɛ.

Anyandera 22:16

Sona bɔ osisi ehiafoɛ fa nya ye nwo, ɔne bɔ ɔfa ye anwonya kyɛ sikafoɛ ne, ehiaa yeɛ okohia ye ɔ.

Anyandera 28:3

Ehianiɛ bɔ okosisi ehianiɛ ne, ɔte kyɛ esue bɔ ɔtɔ titititi sɛkye eboo nu aleɛ ɔ.

Anyandera 30:15

Miminɛ le mmaa mmrasua nyɔ bɔ bɛteatea nu kyɛ, “Fa ma me! Fa ma me!” Nningyein nza biemɔ wɔ berɛ bɔ bɛ ko nyi le ɔ; yoo, nningyein nna biemɔ wɔ berɛ bɔ bɛ de bɛnga kyɛ, “Ɔte paa, me ko ayi” ɔ.

Nworɛ Dwirɛhanɛniɛ 4:1

Nza nwuni nhyɛsoɛ amukoraa bɔ ɔkɔ so wɔ wiase ɔ. Bɛ bɔ mmenia hyɛ bɛ so ne, nea bɛ nye moen, belle aworakyekyerɛniɛ biala. Tumi wura bɛ bɔ bedi anyandim ne sa. Ao, amaneɛnwunɛfoɛ nemɔ, belle aworakyekyerɛniɛ biala!

Yesaya 10:2

kyɛ bɛfa bebua ehiafoɛ ndɛengyea, kyɛ bɛfa bedi me mmenia bɔ bɛyɛ anwumvo ɔ aminɛ, bɔ ɔnate so bɛfa akunafoɛ mmrasua bɛkakyi bɛ koɛ nu nzesadeɛ, ɔne kyɛ bedi nyisiaa aminɛ ɔ.

Yesaya 3:14

AWURADE baabua ye maen mbanyi ne ahemvo ndɛen, kyɛ, “Ɛmɔ, ɛmɔ yeɛ ɛmɔali bobe boo ne ɔ, ehiafoɛ nningyein bɔ ɛmɔasisi bɛ bale ne, ogua ɛmɔ awuro.

Yesaya 3:15

Ɔwale ye sɛ bɔ ɛmɔadufudufu me mmenia sɔa, bɔ ɛmɔadwiridwiri ehiafoɛ bɛ nyunu sɔa e?” AWURADE, Asafo NYAMEƐ ne, ye noa dwirɛ ɛne.

Yesaya 32:7

Nnakannakaniɛ ye kanda nworɛ ne te bɔne, ɔbɔ porɛ tɛɛ kyɛ ɔkɔfa kanda nworɛ konya bɛ bɔ bɛyɛ anwumvo ɔ, ɔmva ye nwo kyɛ ehianiɛ ne ye dwirɛ yɛ fɛ ɔ.

Hesekiel 22:6

“ ‘Tie, Yisrael mbanyi bɔ bɛwɔ wɔ nu ne, bɛ nu biala gyina ye tumi so yeɛ ɔkã mogya gua ɔ.

Hesekiel 34:3

Ɛloe ne yeɛ ɛmɔdi ɔ, mmoaen ne nwo nwiaa yeɛ ɛmɔfa bɛyɛ ɛtena bɛkera ɔ, ɛmɔku bɔ walɔ ne, nakoso mmoaen nemɔ de, ɛmɔnnea bɛ so.

Amose 2:7

Bɛ yeɛ betiatia ehiafoɛ ti so bɛkã bɛ ti bewura nnɛterɛ nu, ná besisi mmenia bɔ bɛyɛ anwumvo ɔ; ebie ne ɔse bɛ ne afaneɛ ko bɛda bɛfa begua me dumaa krongron ne anwo fiɛ.

Amose 4:1

Ɛmɔ, ɛ́mɔtie, Basan nandwie mmeleɛ bɔ ɛmɔwɔ Samaria bokaa so ɔ, ɛmɔ bɔ ɛmɔhyɛ mmenia bɔ bɛyɛ anwumvo ɔ so, ná ɛmɔsisi ehiafoɛ ɔ; ɛmɔ bɔ ɛmɔkã bekyire ɛmɔ ahu mɔ kyɛ, ‘Fa bra maa yɛno’ ɔ.

Amose 8:4

Ɛ́mɔtie ɛhe, ɛmɔ bɔ ɛmɔsisi mmenia bɔ bɛyɛ anwumvo ɔ, kyɛ ɛmɔfa so ma aseɛ ne aso ehiafoɛ bedi amia,

Habakuku 3:14

Ɛfale ye bɔbɔ ye pealɛɛ sinane bɔ ɔla ye koɛhonɛfoɛ nemɔ noa ne; bɛwale kyɛ mvrama bɔ ɔpɛ ye nwo ɔ, kyɛ bɛbabɔ me bɛpete. Bɔ bɛ nye gye ye nwo ole kyɛ bekohu anwumvoin mmenia wɔ mvealeɛ nu ɔ.

Sefania 3:3

Nu mbanyi mɔ bɛte gyata mɔ bɔ bɛbobɔ nu ɔ; ye maenbulɛfoɛ bɛte nɔsoa mbataku bɔ bɛnyakyi bowue po mma aleɛ ngye so ɔ.

Mateo 23:13

“Ahyerɛlɛfoɛ ne Farasiifoɛ, ɛmɔ yaakɔ! Nyaatwomfoɛ! Ofikyɛ, ɛmɔto nyameɛso ahennie ne anu betia mmenia. Ɛmɔ bɔbɔ a ɛmɔngɔ nu, nakoso bɛ bɔ bɛ́kɔ nu ne, ɛmɔmma bɛ ate mma bɛngɔ nu. [

Nyekyire 9:8

bele nwiaa te kyɛ brasua nwiaa, yeɛ bɛ gye te kyɛ gyata gye.