Anyandera 30:12 - AHYERƐLƐ KRONGRON

¹² Mmenia biemɔ wɔ berɛ a, bebu bɛ nwo kyɛ bɛ nwo te, nakoso bɛ bɔne mata bɛ, bɔ yeɛ bɛ nwo nde ɔ.

Anyandera 30:12 Iomraidhean Croise

YOB NWOMAA NE 33:9

Ɛnwa: ‘Me nwo te, bɔ bɔne nne me nwo ɔ; me nwo sannwuu, bɔ amumuyɛɛ biala nne me nu ɔ.

Edwein 36:2

Ofikyɛ ode ye nwo di alaa maa ɔnate so ɔngora nwu ye amumuyɛɛ, maa ɔnate so ɔngora ngyi ye amumuyɛɛ ne.

Edwein 51:2

Nwunzi me nwo sannwuu fi m’amumuyɛɛ nwo, ná pete me nwo fi me bɔne nwo.

Edwein 51:7

Fa sufiɛ pete me nwo, na me nwo kofi; nwunzi me nwo, na me nwo kɔyɛ fufue kɔtra ewure.

Anyandera 16:2

Kuro sona bra amukoraa tengyɛ wɔ ye bɔbɔ ye nye so, nakoso AWURADE yeɛ ɔkari sona ti anu dwirɛ nea ɔ.

Anyandera 21:2

Bɔ sona yɔ biala, ɔtengyɛ wɔ ye nye so, nakoso AWURADE yeɛ ɔkari ye ti anu dwirɛ nea ɔ.

Yesaya 1:16

Ɛ́mɔnwunzi ɛmɔ nwo, ɛ́mɔpete ɛmɔ nwo, ɛ́mɔye ɛmɔ bɔne yɔleɛ ne béfi me nye so, ɛ́mɔyakyi bɔne yɔlɛ.

Yesaya 65:5

mmenia bɔ bɛnwa: ‘Pingye dɔ, nnɛfa wɔ nwo kã me, ofikyɛ me de, me nwo te tra wɔ!’ Sɔ mmenia nemɔ bɛte kyɛ nwosina bɔ ɔkɔ me ti anu ɔ, bɛma m’ahone hu kyɛ see bɔ ogye daa biala ɔ.

Yeremia 2:35

ɛnwa, ‘Medi be, amba, ɔngɔfɛ me so yaa.’ Afei ɔnate kyɛ ahã kyɛ, ‘Nnyɔle bɔne’ ne ati, mebaabua wɔ ndɛen.

Yeremia 4:14

Ao Yerusalem, nwunzi w’ahone nwo fi bɔne nu, amaa ɔnate so anya wɔ ti adidi nu. Ɔkwaadwu kyinzu yeɛ ɛkɔhɔ so kɔdwene bɔne adwene ɔ?

Hesekiel 36:25

Ngɔfa nzue gyengɔgyengɔ ngɔpete ɛmɔ nwo, na ɛmɔ nwo kɔte kofi ɛmɔ nwo bɔ ɔnde ne amukoraa nwo, na ngɔte ɛmɔ nwo ngofi ɛmɔ mmosoen amukoraa nwo.

Hosea 12:9

Ofi Misraim aseɛ so, me ole AWURADE wɔ Nyameɛ. Ngɔmaa ekosa kɔtena ɛtena sua mɔ nu, kyɛ aluolue ngyẽa bɔ mahyehyɛ mato berɛ ne ala.

Sakaria 13:1

“Sɔ kyẽa ne, bekobukye mbombonzue bɛkɔma Dawide awuro ama ne Yerusalemfoɛ bɛkɔfa bɛkɔte bɛ nwo bekofi bɔne ne efiɛ nwo.

Luka 16:15

Yiti Yesu sele bɛ kyɛ, “Ɛmɔte mmenia bɔ ɛmɔbu bɛ nwo kyɛ bɛtengyɛ wɔ mmenia nyunu, nakoso Nyameɛ yeɛ ɔse ɛmɔ ti anu ɔ. Ofikyɛ, bɔ ɔmoma ye nwo so wɔ mmenia nu ne, ɔte akyiwadeɛ wɔ Nyameɛ nyunu.

Luka 18:11

Na Farasiiniɛ ne gyinane berɛ bɔle mbaeɛ ye ti anu kyɛ, ‘O Nyameɛ, meda wɔ ase kyɛ me de, nnde kyɛ mmenia ngaa ne ɔ: apoobɔlɛfoɛ, ngondombofoɛ, agyaasɛkyelɛfoɛ, anaakyɛ ɛtoɔdidelɛniɛ he po.

1 Korintofoɛ 6:11

Na sɔ yeɛ né ɛmɔ nu biemɔ bɛte ɔ, nakoso ɔnate Awurade Yesu Kristo dumaa ne yɛ Nyameɛ Sunzum ne ati, Nyameɛ abia ɛmɔ, wate ɛmɔ nwo, na wabua ɛmɔ be.

2 Timoteo 3:5

bɛkɔyɛ bɛ nwo kyɛ basɔ nyamesom paa ne anu, nakoso bɛpo tumi bɔ ɔwɔ nu ne. Twe wɔ nwo fi sɔ mmenia nemɔ nwo.

Tito 3:5

bɔ nna kyɛ tenenee nnwumaa bie bɔ yayɔ ti ɔ; na mmom ye bɔbɔ ye anwumvoinnwunɛ ti ɔ, na ɔfale aworɛ foforɛ ebialɛ nu ne foforɛyɛlɛ wɔ Sunzum Krongron so olele yɛ ngoa.

Nyekyire 1:5

ɔne bɔ ofi Yesu Kristo bɔ ɔte danzeniɛ nahorɛniɛ ne, awufoɛ nu bamuɛbaa ne aseɛ so ahemvo mɔ bɛ hene ne berɛ ne, ɔbra ɛmɔ so. Ye bɔ okuro yɛ dwirɛ, ná wafa ye mogya wanwunzi yɛ nwo wafi yɛ bɔne nu,

Maenbulɛfoɛ 17:13

Na Mika sele kyɛ, “Afei de, mese kyɛ AWURADE kɔmaa okoyie me yé, ofikyɛ manya Lewiniɛ maa waayɛ me sɔfo.”

Maenbulɛfoɛ 17:5

Sɔ biaa Mika he, né ole amoen asɔneyɛɛ. Ɔpale ɔsɔfo ataadeɛ, na ɔyɔle abusua amoen. Ɔhyɛle ɔwa bienzua ko sɔfo maa ɔyɛle ye sɔfo.