Anyandera 30:10 - AHYERƐLƐ KRONGRON

¹⁰ Nnɛkã akoaa nwo dwirɛ tɛɛ kyire ye mene, ɛyɔ sɔ a, ɔkɔwa wɔ amoen, na ekoli fɔ.

Anyandera 30:10 Iomraidhean Croise

Gyenesise 8:21

Na AWURADE tele afɔleɛ ne fona nen, ɔhane ye ye ti anu kyɛ, “Ɔnate kuro sona ti mengɔnoma aseɛ ko, ofikyɛ sona ti anu nzusuleɛ te bɔne fite ye ngwadaa nu; na sɔ ala yeɛ mengɔsɛkye abɔdeɛ biala ko kyɛbɔ mayɔ ye ɔ.”

Anyandera 11:26

Sona bɔ ɔndɔne ye aburoo wɔ mmerɛ bɔ mmenia hia ne, mmenia paye ye, nakoso bɔ ɔtɔne ye deɛ ne de, onya saleɛ.

Anyandera 28:27

Sona bɔ ɔkyɛ ehiafoɛ nikyee ne, nikye fee nwo ngohia ye, nakoso bɔ okobu ye nye kogua bɛ mmokalɛ so ne de, amoenwaa pee kɔwa ye so.

Nworɛ Dwirɛhanɛniɛ 7:21

Nnɛma w’adwene kɔ edwirɛ amukoraa bɔ mmenia kekã ɔ so, amaa ɔnate so ande kyɛ wɔ somvoɛ ɔnoma wɔ ɔ.

Daniel 6:13

Yeɛ besele ɛhene ne kyɛ, “Sɔ Daniel ne, bɔ ɔte mmenia bɔ bɛhyele bɛ nnure befili Yuda nemɔ anu ko ne, Nana, ommu wɔ, yeɛ ɔmva mmeraa bɔ wɔ sa wura ye bo ne nyɛ huu, na mmom ɛlɛho biala ɔbɔ ye mbaeɛ ne pɛen nza.”

Daniel 6:24

Yeɛ ɛhene ne hyɛle maa bɛɛfale mmenia bɔ bɛbɔle Daniel kwaadu ne bɛwale, na ɔmaa beegyili bɛ beguale gyata mɔ bɛ tuin ne anu, bɛ ne bɛ mma ne bɛ ye mɔ; na bandwu tuin ne abo dɔ po yeɛ gyata nemɔ hyele bɛ ɔ, na bɛgorɔgorɔle bɛ mmowue mukoraa nu pasapasa.

Romanfoɛ 14:4

Wɔ ole nwa bɔ ebua ebie akoaa ndɛen ɔ? Ye bɔbɔ ye mene yeɛ okohyire kyɛ ɔsɔ ye nye anaa ɔnzɔ ye nye ɔ. Na ɔkɔsɔ ye nye, ofikyɛ Awurade kora maa ɔsɔ ye nye.

Deuteronomi 15:9

Nea yé né annya adwene tɛɛ bie kyɛ, ‘Afoɛ bɔ ɔtɔ so nzoo, bɔ ɔte kerɛ-fahyɛlɛ afoɛ ne apingye,’ ná amva eliɛma hianiɛ nwo dwirɛ tɛɛ anzie wɔ ti anu, kyɛ ɛngɔma ye hwee. Eliɛma ne kosũ kogua wɔ so kohyire AWURADE, na ɔkɔkakyi bɔne kotia wɔ.

Deuteronomi 23:15

“Sɛ kanganiɛ bie nwati fi ye mene berɛ ba wɔ berɛ a, nnesa fa ye kɔma ye mene.

1 Samuel 24:9

Na Dawide sele Sɔɔlo kyɛ, “Bɛ bɔ bɛkeka kyɛ, ‘Dawide pena wɔ ku wɔ’ ne, nzu ati yeɛ etie bɛ dwirɛ ye?

1 Samuel 26:19

Nana, me mene, tie wɔ somvoɛ noa dwirɛ. Sɛ AWURADE yeɛ wamaa atu me anyeɛ a, ye de mesrɛ kyɛ ole afɔleɛ ná ɔyakyi. Nakoso sɛ kuro mmenia ahɔ de a, ye de AWURADE tua bɛ kerɛ, ofikyɛ ɛnɛ bafoa me bafi AWURADE agyapadeɛ ne anwo bɔ mengonya bie ɔ. Na bɛnwa: ‘Kɔso nyameɛ foforɛ biemɔ.’

1 Samuel 30:15

Na Dawide bisale ye kyɛ, “Ekoohyire me nekaa bɔ apaabɔlɛfoɛ nemɔ wɔ ne anaa?” Yeɛ obuale kyɛ, “Fa Nyameɛ ta ndaen kyire me kyɛ engohu me, anaakyɛ ɛngɔfa me ngowura me mene sa, na ngoohyire wɔ nekaa bɔ apaabɔlɛfoɛ nemɔ bɛwɔ ɔ.”