Anyandera 3:9 - AHYERƐLƐ KRONGRON

⁹ Fa bɔ ele ye ɔ hyɛ AWURADE animnyam, wɔ fieso aleɛ bɔ ekoli moa kɔfa amukoraa koso,

Anyandera 3:9 Iomraidhean Croise

Gyenesise 28:22

Na nyɔboɛ he bɔ mafa mapena berɛ mayɛ ngayeɛ nyɔboɛ ye kɔyɛ Nyameɛ awuro, na nikyee biala bɔ ɛkɔma me ne, ngɔma wɔ so buru nu ngyɛmuɛ ko.”

2 Aberɛso Dwirɛ 31:10

Yeɛ ɔsɔfo panyi Asaria bɔ ɔte Sadoke bosoniɛ ne, obuale Hesekia kyɛ, “Ofi mmerɛ bɔ bɛhyɛle ye bo bɛfale sɔ nningyein nemɔ bɛwale AWURADE awuro ne, yanya aleɛ yali maa wabu yɛ so, ofikyɛ AWURADE ayira ye maen, amaa ɔnate ye sɔ ti yeɛ yanya nningyein pee maa wabu yɛ so ye.”

2 Aberɛso Dwirɛ 31:21

Na nikyee biala bɔ ɔyɔle ye wɔ Nyameɛ awuro berɛ ɛsɔnenɛ nu, ɔne bɔ ogyinane mmeraa ne mmeraa dwirɛ ne aso yɔle kyɛ ɔfa ɔso ye Nyameɛ ne, ofiane ye kunu ɔyɔle, na oyiele ye yé.

Edwein 144:13

Ahaa né yɛ pata mɔ so ayi to bɔ aleɛ ahoroɔ gua so ɔ; ahaa né yɛ mmoaen bawo apee apee, apee buru apee buru wɔ yɛ aseɛ mɔ aso.

Ɛksadɔso 22:29

“Wɔ fieso nningyein ne wɔ ngoo bɔ beli moa ne, nnɛtwetwe wɔ bo ase kyɛ ɛkɔfa kɔbɔ afɔleɛ kɔma me ɔ. Wɔ mma mmienzua nemɔ nu bamuɛbaa ne, fa ma me.

Ɛksadɔso 23:16

“Di Buberɛ aluolue ne, wɔ mmerɛ bɔ ekoli moa kɔpɛ aleɛ bɔ alua ye wɔ aseɛ ne aso ne. Di Aleɛ Noa Boaboalɛ aluolue ne, wɔ afoɛ ne ayieleɛ, mmerɛ bɔ afa wɔ boo nu aleɛ ne.

Ɛksadɔso 23:19

“W’aseɛ so aleɛ paa bɔ ekoli moa kɔpɛ ne, fa brɛ AWURADE wɔ Nyameɛ awuro. Nnɛfa abɔngye ba oni nyɔfonesue gua ye nwo to.

Ɛksadɔso 34:26

“W’aseɛ so aleɛ paa bɔ ekoli moa kɔpɛ ne, fa brɛ AWURADE wɔ Nyameɛ awuro. Nnɛfa abɔngye ba oni nyɔfonesue gua ye nwo to.”

Anyandera 11:25

Sona bɔ ɔtaa kyɛ nikyee ne, okonya ye nwo, yeɛ sona bɔ ɔboka ebiemɔ maa bɛyɛ yee ne, ye koso ɔkɔyɛ yee.

Anyandera 14:31

Ɛhyɛ sona bɔ ɔyɛ anwumvo so a, né agua ye Nyameɛ bɔ ɔbɔle ye ne nyunu ase, na ebiala bɔ onwu ehianiɛ anwumvo ne, ɔhyɛ Nyameɛ animnyam.

Yesaya 43:23

Amva wɔ mmoaen amma ammɔ naen yeralɛ afɔleɛ amma me, yeɛ amva w’afɔleɛ mɔ anhyɛ me animnyam. Mamva afɔleɛ mɔ manyɛ wɔ so adesoa, yeɛ mammisa wɔ ɛyɛɛ mamva manha w’adwene.

Lewitikɔso 19:25

Nakoso ye afoɛ nnu ne aso de, ɛ́mɔli bɛ mma bɔ bekosu ne bie, amaa ɔnate so basu pee bama ɛmɔ: Me ole AWURADE ɛmɔ Nyameɛ.

Numeri 15:20

Mɔle bɔ ofi aburoo bɔ ɛmɔkoli moa bekobu nu ne, ɛ́mɔfa bie bɛyɔ taterɛ bɛyɛ akyɛdeɛ bɛbrɛ AWURADE. Ɛ́mɔfa bɛbrɛ ye kyɛbɔ ɛmɔfa akyɛdeɛ bɔ ofi nekaa bɔ bɛboro aburoo bɛbrɛ ye ne.

Mateo 25:17

Sɔ ala yeɛ bɔ onyane talɛnde nyɔ ne koso onyane nyɔ bokale so ɔ.

1 Korintofoɛ 16:2

Dapɛn biala nu kyẽa bɔ oli moa ne, ɛmɔ nu biala ɔ́fa bɔ Nyameɛ afa alo ye ne bie osie, amaa sɛ meba a, ye nwo anhia kyɛ ɛmɔkɔkekã bɛ sa ase ɔ.

Deuteronomi 14:29

Ofikyɛ Lewiniɛ (ye de, olle kyɛfa anaa agyapadeɛ biala kyɛbɔ wɔ de anya ye ne), yeɛ afei ɛwɔfoɛ, nyisiaafoɛ ne akunafoɛ bɔ bɛwɔ wɔ kuro ne anu ne, bɛkɔwa bekooli kɔma bɛ ko koyi; na ɔnate so AWURADE wɔ Nyameɛ koyira wɔ wɔ wɔ sa noa adwuma mukoraati bɔ ɛkɔyɔ ɔ nu.