Anyandera 3:6 - AHYERƐLƐ KRONGRON

⁶ Wɔ bra mukoraa, maa Nyameɛ bra nu, na okohyire wɔ atee maa ɛkɔfa so.

Anyandera 3:6 Iomraidhean Croise

1 Aberɛso Dwirɛ 28:9

“Na afei, mma Solomon, AWURADE wɔ baba ye Nyameɛ ne, odi kyɛ enwu ye yé, ná ɛfa ahone bɔ nu te, ɔne sotie ɛso ye. Ofikyɛ AWURADE neanea ahone amukoraa nu, na ɔse nzusuleɛ ne adwene biala. Sɛ ɛpena ye si ate a, ekonwu ye, nakoso sɛ ɛpo ye a, ɔkɔye ye sa kofi wɔ bo afebɔɔ.

Ɛsra 7:27

(Yeɛ Ɛsra sele kyɛ,) “AWURADE, yɛ nana mɔ Nyameɛ bɔ wafa sɔ adwene paa he wawura Nana Atasɛsɛse ti anu, kyɛ ɔfa siesie AWURADE awuro bɔ ɔwɔ Yerusalem maa ɔyɛ nyemene ne, animnyam hã ye,

Nehemia 1:11

Ao AWURADE, wɔ somvoɛ ne wɔ somvoɛ mɔ bɔ bɛ nye gye kyɛ bɛkɔfa anidie bɛkɔma wɔ dumaa ne, mesrɛ wɔ tie yɛ mbaeɛ. Ma nningyein ɔhɔ so yé ɔma wɔ somvoɛ, ná ma biaa ye onwu me anwumvoin.” Sɔ mmerɛ ne, né nde Ɛhene ne, ye nzaasulɛniɛ.

Nehemia 2:4

Yeɛ Nana bisale me kyɛ, “Nzikyɛ yeɛ ɛpena kyɛ meyɔ mema wɔ ɔ?” Yiti mmɔle mbaeɛ ngyirele nyameɛso Nyameɛ bɔ ɔwɔ nyameɛso ne.

Nehemia 7:5

Yeɛ Nyameɛ maa nyane adwene kyɛ atitire nemɔ, mbanyi nemɔ ne maen ne, mma bɛbɔ dwaa maa bɛhyerɛ bɛ dumaa kyɛbɔ bɛ mmusua mmusua te ɔ. Na nwuni mmusua mmusua nwomaa bɔ bɛ bɔ belili moa bɛwale ne, bɛ dumaa wɔ nu ɔ. Na nwuni kyɛ bahyerɛ ɛhe wɔ nu:

Edwein 32:8

(AWURADE nwa nyoo): Ngohyirehyire wɔ ná mahyire wɔ atee bɔ ɛfa so ɔ; me nye wɔ wɔ so, na ngotu wɔ foɛ.

Anyandera 11:5

Sona bɔ ye bra te sannwuu ne, ye tenenee ma ye atee tengyɛ, nakoso bɔnefoɛ de, ye bɔbɔ ye bɔne yeɛ okotua ye kerɛ ɔ.

Anyandera 16:3

Fa w’adwuma wura AWURADE sa, na wɔ nhyehyɛleɛ koli mu.

Anyandera 16:9

Sona fa ye adwene susu bɔ ɔkɔyɔ ɔ nwo, nakoso AWURADE yeɛ okyire ye atee ɔ.

Anyandera 23:17

Nnɛma wɔ nye boro bɔnefoɛ, na mmom suro AWURADE daa biala.

Yesaya 26:7

Teneneeniɛ atee tengyɛ, ɛma teneneeniɛ atimbire da so yɔɔ.

Yesaya 30:21

Na sɛ ɛmɔdi makyebu bɛkɔfa famaa anaa bɛen a, wɔ so kɔte edwirɛ bie wɔ wɔ si dɔ kyɛ, “Atee ne ɛhe, ɛ́mɔfa so!”

Yesaya 45:13

Me yeɛ makanyane ye wɔ tenenee nu ɔ, na ngɔtengyɛtengyɛ ye atee amukoraa, ye yeɛ ɔkɔkyekye me kuro ne ɔ, na ye yeɛ ɔkɔyakyi me mmenia bɔ bahye bɛ nnure ne ate maa bekosa bɛkɔhɔ, bɔ ongole bɛ ti nyɔboɛ anaa akyɛdeɛ biala ɔ,” Asafo AWURADE noa dwirɛ ɛne.

Yesaya 48:17

AWURADE, wɔ Defoɛ, Yisrael Krongronniɛ ne, ɔnwa nyoo: “Me ole AWURADE, wɔ Nyameɛ, bɔ ɔte paa ma wɔ ne, me yeɛ mekyirekyire wɔ ɔ, atee bɔ odi kyɛ ɛfa so ne, me yeɛ mefa wɔ mefa so ɔ.

Yeremia 10:23

Ao AWURADE, mese kyɛ kuro sona ye asetena nu dwirɛ, ɔnne ye bɔbɔ ye sa nu; kyɛ kuro sona biala ye asetena nu, olle ye nwo.

Yeremia 42:3

amaa ɔnate so AWURADE wɔ Nyameɛ wahyire yɛ atee bɔ yɛ́fa so ɔ, ɔne nikye horɛ bɔ yɛ́yɔ ɔ.”

Numeri 9:20

Sɛ né odwu mmerɛ bie a, munungum ne mundu nyianu sua ne aso ngyẽa kãa bie, na kyɛbɔ AWURADE ahyɛ bɛ ne, né bɛtena asikyeleɛ berɛ. Ye si ye, kyɛbɔ AWURADE ahyɛ bɛ ne, né besa betu bɛ bo.

1 Korintofoɛ 10:31

Yiti sɛ ɛmɔdidi oo, sɛ ɛmɔno oo, nikyee biala bɔ ɛmɔyɛ ne, ɛ́mɔyɔ ye mukoraa bɛfa bɛhyɛ Nyameɛ animnyam.

2 Korintofoɛ 8:16

Yɛda Nyameɛ ase kyɛ wafa ɛmɔ nwo mmɔden bɔ yɛbɔ ne ala wawura Tito ahone nu ɔ.

Filipifoɛ 4:6

Nnɛmɔma nikye fee ha ɛmɔ; na mmom nikyee biala nu, ɛ́mɔfa mbaeɛbɔlɛ ne ngotosrɛ ne asennaa bɛ́fa bɔ ohia ɛmɔ ɔ bɛ́to Nyameɛ nyunu.

Kolosefoɛ 3:17

Na nikyee biala bɔ ɛmɔyɔ wɔ edwudwolɛ anaa yɔleɛ nu ne, ɛmɔyɔ ye mukoraa wɔ Awurade Yesu dumaa nu, na ɛmɔfa asennaa bɛfa ye so bɛma Baba Nyameɛ.

Kolosefoɛ 3:23

Na adwuma biala bɔ ɛmɔyɔ ne, ɛ́mɔfi ɛmɔ ahone nu bɛ́yɔ ye kyɛ ɛmɔyɔ bɛma Awurade, na nna kuro sona.

Yakobo 1:5

Na sɛ ɛmɔ nu bie tɔ sii nworɛ nu a, maa obisa Nyameɛ bɔ ɔye ye kunu fa ma mmenia, bɔ ɔmva animguaseɛ mmata ye nwo ne, na ɔkɔfa kɔma ye.

1 Samuel 30:8

Na Dawide bisale AWURADE kyɛ, “Mbo apaabɔlɛfoɛ hemɔ so anaa? Ngɔto bɛ anaa?” Na AWURADE buale ye kyɛ, “Po bɛ so, ɛkɔto bɛ, na mekã mekyire wɔ kyɛ, mmenia bɔ bahye bɛ nnure ne, ekole bɛ.”