Anyandera 3:33 - AHYERƐLƐ KRONGRON

³³ AWURADE ɛnomalɛ wɔ bɔnefoɛ awuro nu, nakoso nekaa bɔ teneneeniɛ te de, oyira berɛ.

Anyandera 3:33 Iomraidhean Croise

2 Samuel 6:11

AWURADE alaka ne lili Gitiniɛ Obɛde Edom awuro bosome nza, na AWURADE yirale Obɛde Edom ne ye awuro ama mukoraa.

YOB NWOMAA NE 24:18

“Otu mini kyɛ ahure bɔ ɔwɔ nzue nye so ɔ, ye aseɛ bɔ ole ye wɔ aseɛ ye aso ne, banoma ye, na sona biala ngɔ ye bobe boo nu.

YOB NWOMAA NE 31:12

ofikyɛ ahaa ye de ɔte see bɔ ɔyera alaa kodwu Abadɔn ɔ, ahaa ɔkɔyera me fieso nningyein amukoraa kotu ye bo.

Edwein 1:3

Ɔte kyɛ bakaa bɔ balua ye asue noa, bɔ osu ye mma wɔ mmerɛ bɔ odi kyɛ osu ɔ nu, bɔ ye nyaa ɔngese ɔ. Nikyee bɔ ɔyɔ biala, oyie ye yé.

Edwein 37:22

Ofikyɛ bɛ bɔ AWURADE ayira bɛ ne, bɛ yeɛ bɛ sa kɔhã aseɛ ne ɔ; nakoso bɛ bɔ wanoma bɛ ne de, bɛ boso konua.

Edwein 91:10

edwirɛ tɛɛ biala ngɔto wɔ, ɛhawo piri biala ngopingye w’awuro.

Anyandera 10:6

Teneneeniɛ nya saleɛ, nakoso bɔnefoɛ de, ɔfa ye noa kata bɔne so.

Anyandera 14:11

Bɔnefoɛ mɔ, b’awuro kɔbɔ, nakoso teneneefoɛ de, bɛ tena sua kogyina.

Anyandera 15:6

Anwonya pee wɔ teneneeniɛ awuro, nakoso bɔnefoɛ de, ye anwonya te musue.

Anyandera 21:12

Teneneeniɛ ɔfa ye nye nea bɔ ɔkɔ so wɔ bɔnefoɛ awuro ɔ, na bɔnefoɛ bɛ bɔne ti, b’ayieleɛ nyie bɛ yé.

Malaki 2:2

Sɛ ɛmɔanyɛ sotie, yeɛ sɛ ɛmɔamva banzie ɛmɔ ahone nu kyɛ ɛmɔkɔfa animnyam bɛkɔma me dumaa a, ngɔprapra musue ngogua ɛmɔ so, na ngɔnoma ɛmɔ saleɛ ne, Asafo AWURADE noa dwirɛ ɛne; yoo, manoma bɛ dada, ofikyɛ ɛmɔmva benzie ɛmɔ ahone nu.

Deuteronomi 11:28

nakoso sɛ ɛmɔanni AWURADE ɛmɔ Nyameɛ mmeraa dwirɛ so, ná mmom ɛmɔkwati ahyɛdeɛ bɔ méhyɛ méma ɛmɔ ɛnɛ ye bekodi nyameɛ foforɛ biemɔ bɔ ɛmɔnze bɛ si de a, ye de ɔkɔyɛ musue kɔma ɛmɔ.

Deuteronomi 7:26

Nnɛfa akyiwadeɛ biala ba w’awuro, ná wɔ koso angakyi akyiwadeɛ kyɛ ye ala. Ɔsɛ kyɛ ɛmaa ɔyɛ wɔ tɛ ná ekyi ye bɔkɔɔ, ofikyɛ ɔte akyiwadeɛ.

Yosua 6:18

Nakoso ɛ́mɔnea ɛmɔ nwo yé wɔ nningyein bɔ AWURADE atu asie berɛ kyɛ ɛ́mɔsɛkye ye ne anwo, ná wamma ye kyɛ ɛmɔkɔfa sɔ nningyein bɔ odi kyɛ ɛmɔsɛkye ye ne bie, bɔ ɔkɔmaa Yisrael asikyeleɛ ne kɔyɛ nikyee bɔ odi kyɛ bɛsɛkye ye ɔ, bɔ ɔkɔfa amaneɛ kɔbrɛ ye ɔ.

Yosua 7:13

Dwɔso! Te mmenia nemɔ nwo, ná ka kyɛ, ‘Ɛ́mɔte ɛmɔ nwo bésie bɛ́fa bɛ́nwondɛ ɛhema, ofikyɛ AWURADE Yisrael Nyameɛ ne nwa: O Yisrael, nningyein bɔ matu masie berɛ kyɛ bɛsɛkye ye ne, ebie wɔ wɔ berɛ. Na ɛngɔhora wɔ pɔfoɛ mɔ nyunu gyina, sana ɛmɔye nningyein bɔ matu masie berɛ kyɛ bɛsɛkye ye ne befi ɛmɔ nu.’