Anyandera 3:24 - AHYERƐLƐ KRONGRON

²⁴ Sɛ ɛkɔda a, engosuro, yeɛ sɛ ɛda a, wɔ nnaa kɔyɛ wɔ fɛ.

Anyandera 3:24 Iomraidhean Croise

2 Aberɛso Dwirɛ 20:30

Na asomdwee wale Yehosafate ahennie nu, ofikyɛ ye Nyameɛ ma onyane asomdwee pɛle ye nwo amukoraa bra yiale.

YOB NWOMAA NE 11:19

Ɛkɔla bɔ ebiala ngonwunanwuna wɔ ɔ, na mmeni pee kɔpena mmokalɛ kofi wɔ berɛ.

Edwein 112:8

Ye adwene gyi berɛ pindinn, na ongosuro kɔpem kyɛ bɔ ɔpena kyɛ ɔto ye pɔfoɛ mɔ ne, okonwu ye ɔ.

Edwein 127:2

Ɔte mbaen kyɛ ɛmɔkɔpɛ aleɛ bekodwɔso, ná ɛmɔanna ndɛ, ná ɛmɔfɛ tetanwuu bɛpena ɛmɔ noa aleɛ ɔ; ofikyɛ bɛ bɔ okuro bɛ dwirɛ ne, sɛ bɛda po a, ɔma bɛ bɔ behia ɔ.

Edwein 3:5

Metɔ berɛ medafe; na mesa metingye, ofikyɛ AWURADE gyi me si.

Edwein 3:6

Menzuro mmenia apee apee bɔ babɔ me nwo porɛ bapɛ me nwo bayia ne.

Edwein 4:8

Ngɔla ngɔlafe asomdwee nu, ofikyɛ AWURADE, wɔ ngome yeɛ ɛmaa metena ase wɔ asomdwee nu ɔ.

Edwein 91:5

Engosuro nningyein bɔ onwunanwuna sona kɔngɔen ɔ, anaa agyaen bɔ otu nate eyia ɔ,

Anyandera 1:33

Nakoso ebiala bɔ otie me dwirɛ de, ɔkɔtena asomdwee nu, okonya anwotɔ, na ye kunu ngɔtete ye kyɛ musue kɔto ye ɔ.”

Anyandera 19:23

AWURADE surolɛ ma sona nya ngoa, enya ye a, ɛkɔtena asomdwee nu, na edwirɛ biala ngɔto wɔ.

Anyandera 6:22

Ɛnate a, bekohyire wɔ atee, ɛda a, bɛkɔnea wɔ so, yeɛ sɛ edwɔso a, bɛ ne wɔ kotu asure.

Nworɛ Dwirɛhanɛniɛ 5:12

Sɛ paaniɛ nya aleɛ kãa di oo, anaa pee di oo, ɔdafe hatee; nakoso sikaniɛ de, ye anwonya mmorosoɛ ne mma onnya nnaa nna.

Yesaya 54:14

Wɔ bo kotindim wɔ tenenee nu, ɛne nhyɛsoɛ b’afia atee kɔwale, ofikyɛ engosuro, yeɛ ɛne ahunundetelɛ b’afia atee kɔwale, ofikyɛ ongopingye wɔ.

Yeremia 31:26

Ɛhe maa ndingyele, na nneane, na me nnaa yɛle me fɛ.

Hesekiel 34:15

Me bɔbɔ deinn yeɛ ngɔnea me mmoaen nemɔ aso ɔ, na me bɔbɔ ngɔmaa bekobutubutu berɛ, AWURADE Nyameɛ noa dwirɛ ɛne.

Hesekiel 34:25

“Me ne bɛ yɛkɔyɛ asomdwee apam, na ngotu ngaka aboyaa mɔ bo ngofi aseɛ ne aso, amaa ɔnate so batena ɛserɛ ne aso asomdwee nu, ná balela ɛhɔayeɛ nemɔ anu.

Hesekiel 34:27

Eburo mmakaa bekosu bɛ mma, yeɛ aseɛ kɔhye aleɛ, na bɛ so anu kɔtɔ bɛ wɔ b’aseɛ so. Na mmerɛ bɔ ngobubu bɛ kɔnnua nu, ná ngole bɛ ngofi bɛ bɔ bafa bɛ bayɛ nganga nemɔ bɛ sa nu ne, yeɛ bekonwu kyɛ me ole AWURADE ɔ.

Lewitikɔso 26:6

Ngɔma maen ne konya asomdwee, na ɛmɔkɔla wɔ aberɛ bɔ ebiala ngonwunanwuna ɛmɔ ɔ; ngɔfoa ngaka bɔ bɛte awerɔm ɔ ngofi aseɛ ne aso, na koɛ biala ngɔhɔ so wɔ ɛmɔ aseɛ ne aso.

Asomafoɛ 12:6

Sɔ kyẽa ne kɔngɔen, bɔ Herode yɛle kyɛ aleɛ kye a ɔkɔye Petro kɔwa badwa nu ne, né Petro alafe wɔ asraafoɛ nyɔ afia. Né bafa ngɔnzɔngɔnzɔ nyɔ bagua ye ne asraafoɛ nyɔ ne; yeɛ afei né asraafoɛ ne bie koso gyigyi anoa ne si bɛwɛne kuku nu ne.