Anyandera 3:2 - AHYERƐLƐ KRONGRON

² ofikyɛ bɛkɔmaa ekonyi kɔhyɛ, ekonya ngoa tendenn, ná wayie wɔ yé.

Anyandera 3:2 Iomraidhean Croise

1 Ahemvo 3:14

Na sɛ ɛkɔnate m’atee so, ná ali me ahyɛdeɛ ne me mmeraa dwirɛ so, kyɛbɔ wɔ baba Dawide yɔle ne a, ye de ngɔmaa ekonyi kɔhyɛ.”

YOB NWOMAA NE 5:26

Ekonyi kɔyɛ posoposo koraka né awu, kyɛbɔ bebu aburoo worowaa wɔ ye mmerɛ nu ne.

Edwein 119:165

Bɛ bɔ bɛ nye gye wɔ mmeraa nwo ne, benya asomdwee kandinga; hwee ngɔtoatoa bɛ gya nu.

Edwein 128:6

Amba, ekonwu wɔ nana nganzowa mɔ. Asomdwee ɔhã Yisrael!

Edwein 21:4

Ɔsrɛle wɔ berɛ ngoa, na ɛfa mane ye; ɛmane ye ngoa tendenn afebɔɔ.

Edwein 91:16

Ngɔma ye ngoa tendenn ma ye ahone kɔtɔ ye kunu, na ngɔmaa okonwu me ngoalelɛ ne.

Anyandera 10:27

AWURADE surolɛ ma ngoa tendenn, nakoso bɔnefoɛ de, ye ngoa so pɛ tika.

Anyandera 16:31

Egyein te animnyam abotire, sɛ ɔba kyɛ enya ye wɔ tenenee bra nu a.

Anyandera 4:10

Mma, tie me dwirɛ ná di so, amaa ɔnate so anya ngoa tendenn.

Anyandera 4:4

me baba tuli me foɛ sele me kyɛ, “Fa me dwirɛ bɔ mekã ne to wɔ ti anu, di me mmeraa dwirɛ so, ná nya ngoa.

Anyandera 9:11

Ofikyɛ ɛfa me so a, ekonyi kɔhyɛ, na ngɔma wɔ ngoa kɔyɛ tendenn.

Yesaya 32:17

Ɔnate tenenee so asomdwee kɔwa, na tenenee kɔfa bɛ soanutɔlɛ ne bɛ nwo waenbɔlɛ kɔwa afebɔɔ.

Romanfoɛ 14:17

Ofikyɛ Nyameɛ ahennie ne ɔtte aleɛ ne anonneɛ, na mmom ɔte tenenee, asomdwee ne anika bɔ ofi Sunzum Krongron ne berɛ ɔ.

Romanfoɛ 15:13

Na mesrɛ kyɛ, anyelasoɛ Nyameɛ ne ɔfa gyidie nu anigye ne asomdwee amukoraa owura ɛmɔ nu tɛkyɛ, amaa ɔnate Sunzum Krongron tumi so ɛmɔanya anyelasoɛ mmorosoɛ.

Romanfoɛ 5:1

Afei de, ɔnate gyidie so yɛne Nyameɛ y’afia ayɛ ko ne ati, yɛnate y’Awurade Yesu Kristo so yanya asomdwee wɔ Nyameɛ nu.

Deuteronomi 11:21

amaa ɔnate so wɔ ngoa, ɔne wɔ mma mɔ ngoa ayɛ tendenn wɔ aseɛ bɔ AWURADE tale ye nwo ndaen hyirele wɔ nana mɔ kyɛ ɔkɔfa kɔma bɛ ne aso, kyɛbɔ anwuro kata aseɛ ye aso ye de.

Deuteronomi 5:32

Yiti bɔ AWURADE ɛmɔ Nyameɛ ahyɛ ɛmɔ kyɛ ɛ́mɔyɔ ne, ɛ́mɔnea kyɛ ɛmɔkoli so ɔ. Nnɛma ɛmɔnea bɛen anaa famaa.

1 Timoteo 4:8

ofikyɛ anwoɔnaen nu mmɔdenbɔlɛ nwo le mvasoɛ kãa de, nakoso nyamesom paa nwo le mvasoɛ wɔ nikyee biala nu, na ole kekesaala ye ngoa ɔne ngoa bɔ ɔbaawa ne nwo bɔhyɛ.